ಸೆರೆನಾ ವಿಲಿಯಮ್ಸ್ಗೆ ಶ್ರೇಯಾಂಕ ಯಾಕಿಲ್ಲ|
Team Udayavani, May 30, 2018, 6:00 AM IST
ಪ್ಯಾರಿಸ್: ವಿಶ್ವದ ಮಾಜಿ ನಂ.1 ಆಟಗಾರ್ತಿ, ಆಧುನಿಕ ಟೆನಿಸ್ನಲ್ಲಿ ಗರಿಷ್ಠ ಮಹಿಳಾ ಸಿಂಗಲ್ಸ್ ಗ್ರ್ಯಾನ್ಸ್ಲಾಮ್ ಗೆದ್ದು ಸಾರ್ವಕಾಲಿಕ ಶ್ರೇಷ್ಠ ಆಟಗಾರ್ತಿಯಾಗಿ ಮೂಡಿಬಂದಿರುವ ಸೆರೆನಾ ವಿಲಿಯಮ್ಸ್ ಈ ಬಾರಿಯ ಫ್ರೆಂಚ್ ಓಪನ್ನಲ್ಲಿ ಆಡುತ್ತಿದ್ದಾರೆ. ದುರದೃಷ್ಟವಶಾತ್ ಅವರಿಗೆ ಕೂಟದಲ್ಲಿ ಶ್ರೇಯಾಂಕ ಲಭಿಸಿಲ್ಲ. ಬದಲಿಗೆ ನೇರ ಪ್ರವೇಶದಲ್ಲಿ ಆಡುತ್ತಿದ್ದಾರೆ. ಸಂಘಟಕರ ಈ ಕ್ರಮಕ್ಕೆ ಹಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಸಂಘಟಕರ ಈ ತೀರ್ಮಾನಕ್ಕೆ ಕಾರಣ ಸೆರೆನಾ ಕಳೆ ದೊಂದು ವರ್ಷ ಟೆನಿಸ್ನಿಂದ ದೂರವಿದ್ದದ್ದು. ಕಳೆದ ವರ್ಷ ಹೆಣ್ಣು ಮಗುವಿಗೆ ಜನ್ಮ ನೀಡಿದ ಅನಂತರ ಸೆರೆನಾ ಅನಿವಾರ್ಯವಾಗಿ ಟೆನಿಸ್ನಿಂದ ದೂರವಿದ್ದರು. ಅಷ್ಟು ಮಾತ್ರವಲ್ಲ ಅವರ ಆರೋಗ್ಯವೂ ಸರಿಯಿರಲಿಲ್ಲ.
ಸೆರೆನಾ ಟೆನಿಸ್ಗೆ ಮರಳಿ ಮತ್ತೆ ಆಡುತ್ತಿದ್ದಾರೆ. ಆದರೆ ಅವರ ಶ್ರೇಯಾಂಕ 453ಕ್ಕೆ ಕುಸಿದಿದೆ. ಫ್ರೆಂಚ್ ಓಪನ್ನಲ್ಲಿ ಶ್ರೇಯಾಂಕ ನೀಡದೇ ಇರುವುದಕ್ಕೆ ಬೊರಿಸ್ ಬೆಕರ್, ರೋಜರ್ ಫೆಡರರ್, ಡೊನಾಲ್ಡ್ ಟ್ರಂಪ್ ಪುತ್ರಿ ಇವಾಂಕಾ ಟ್ರಂಪ್ ಸೇರಿ ಹಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.