ವ್ಯಾನಿಟಿ ಕವರ್ನಲ್ಲಿ ಮುಖಪುಟದಲ್ಲಿ ಬೆತ್ತಲಾದ ಗರ್ಭಿಣಿ ಸೆರೆನಾ
Team Udayavani, Jun 29, 2017, 3:35 AM IST
ನ್ಯೂಯಾರ್ಕ್: ವ್ಯಾನಿಟಿ ಕವರ್ ನಿಯತಕಾಲಿಕೆ ಮುಖಪುಟದಲ್ಲಿ ಖ್ಯಾತ ಟೆನಿಸ್ ಆಟಗಾರ್ತಿ ಅಮೆರಿಕದ ಸೆರೆನಾ ವಿಲಿಯಮ್ಸ್ ಬೆತ್ತಲೆಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ ಮೊದಲ ಮಗುವಿನ ನಿರೀಕ್ಷೆಯಲ್ಲಿರುವ ಗರ್ಭಿಣಿ ಸರೆನಾ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸುದ್ದಿಯಲ್ಲಿದ್ದಾರೆ. ಅಮೆರಿಕದ ಖ್ಯಾತ ಮಹಿಳಾ ಛಾಯಾಚಿತ್ರಗ್ರಾಹಕಿ ಆನಿ ಲಿಬೊವಿಟ್ಜ್ ಸೆರೆನಾ ಬೆತ್ತಲೆ ಚಿತ್ರವನ್ನು ಸೆರೆ ಹಿಡಿದಿದ್ದಾರೆ. ಸ್ವತಃ ಈ ವಿಷಯವನ್ನು ಟ್ವೀಟರ್ನಲ್ಲಿ ಸೆರೆನಾ ಪ್ರಕಟಿಸಿದ್ದಾರೆ. ಮಾತ್ರವಲ್ಲ ಇಂದು ಗಂಡು ಮಗುವಾ? ಅಥವಾ ಹೆಣ್ಣು ಮಗುವಾ? ಇದನ್ನು ತಿಳಿಯಲು ನಾನು ಕುತೂಹಲಭರಿತಳಾಗಿದ್ದೇನೆ ಎಂದು ಅಭಿಮಾನಿಗಳಲ್ಲಿ ಹೇಳಿಕೊಂಡಿದ್ದಾರೆ.
ಒಳಗಿನ ಪುಟಗಳಲ್ಲಿ 23 ಬಾರಿ ಮಹಿಳಾ ಸಿಂಗಲ್ಸ್ ಗ್ರ್ಯಾನ್ ಸ್ಲಾಮ್ ಗೆದ್ದಿರುವ ಸೆರೆನಾ ಅವರು ತಮ್ಮ ಪತಿ ಅಲೆಕ್ಸಿಸ್ ಒಹಿಯನ್ ಜತೆಗೆ ಕಳೆದಿರುವ ಸವಿ ಕ್ಷಣಗಳ ಬಗ್ಗೆ ಬರೆದುಕೊಂಡಿದ್ದಾರೆ. ತಾನು ಗರ್ಭಿಣಿ ಅನ್ನುವುದನ್ನು ಖಚಿತಪಡಿಸಿಕೊಂಡಿದ್ದು ಹೇಗೆ? ಖಚಿತಗೊಂಡ ನಂತರ ಮಾಡಿದ್ದೇನು? ಎನ್ನುವ ಕುತೂಹಲಭರಿತ ವಿಷಯಗಳ ಬಗ್ಗೆ ಬರೆಯಲಾಗಿದೆ.
ವಿಶೇಷವೆಂದರೆ ಈ ವರ್ಷಾರಂಭದಲ್ಲಿ ನಡೆದ ಆಸ್ಟ್ರೇಲಿಯನ್ ಓಪನ್ಗೂ ಮುಂಚೆಯೇ ಸೆರೆನಾಗೆ ತಾನು ಗರ್ಭಿಣಿ ಎಂದು ಗೊತ್ತಾಗಿತ್ತಂತೆ. ಆಗ ವೈದ್ಯರನ್ನು ಸಂಪರ್ಕಿಸಿ ತಾನು ಆಡಬಹುದೇ ಎಂದು ಕೇಳಿಕೊಂಡಿದ್ದರಂತೆ. ವೈದ್ಯರು ಭ್ರೂಣಕ್ಕೆ ಯಾವುದೇ ತೊಂದರೆಯಾಗುವುದಿಲ್ಲ ಆಡಬಹುದು ಎಂದು ಖಚಿತಪಡಿಸಿದ ನಂತರವೇ ಸೆರೆನಾ ಆಡುವ ನಿರ್ಧಾರ ಮಾಡಿದರಂತೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು