ಸೆರೆನಾ ವಿಲಿಯಮ್ಸ್ ಗೆಲುವಿನ ‘ಶತಕ
Team Udayavani, Sep 5, 2019, 5:18 AM IST
ಯುಎಸ್ ಓಪನ್ ವನಿತಾ ಸಿಂಗಲ್ಸ್ ನಲ್ಲಿ ಆತಿಥೇಯ ನಾಡಿನ ಸೆರೆನಾ ವಿಲಿಯಮ್ಸ್ ಗೆಲುವಿನ ‘ಶತಕ’ ದಾಖಲಿಸಿದ್ದಾರೆ. ಕ್ವಾರ್ಟರ್ ಫೈನಲ್ನಲ್ಲಿ ಚೀನದ ವಾಂಗ್ ಕ್ವಿಯಾಂಗ್ ಅವರನ್ನು 6-1, 6-0 ಅಂತರದಿಂದ ಸುಲಭದಲ್ಲಿ ಸೋಲಿಸುವ ಮೂಲಕ ಸೆರೆನಾ ಈ ಸಾಧನೆ ಮಾಡಿದರು.
ಯುಎಸ್ ಓಪನ್ ಇತಿಹಾಸದಲ್ಲಿ 100 ಗೆಲುವು ಸಾಧಿಸಿದ ಕೇವಲ 2ನೇ ಆಟಗಾರ್ತಿ ಎಂಬುದು ಸೆರೆನಾ ಹೆಗ್ಗಳಿಕೆ. ಇದಕ್ಕೂ ಮುನ್ನ ಅಮೆರಿಕದವರೇ ಆದ ಕ್ರಿಸ್ ಎವರ್ಟ್ ಈ ಸಾಧನೆ ಮಾಡಿದ್ದರು.
37ರ ಹರೆಯದ, 8ನೇ ಶ್ರೇಯಾಂಕಿತ ಸೆರೆನಾ ವಿಲಿಯಮ್ಸ್ ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕಿಳಿದು ವಾಂಗ್ ಅವರನ್ನು ತಬ್ಬಿಬ್ಬುಗೊಳಿಸಿದರು. 25 ವಿನ್ನರ್ಗಳನ್ನು ಸಿಡಿಸಿ ಭರ್ಜರಿ ಮೇಲುಗೈ ಸಾಧಿಸಿದರು. ತವರಿನ ಅಭಿಮಾನಿಗಳ ಅಮೋಘ ಬೆಂಬಲ ಕೂಡ ಸೆರೆನಾಗೆ ಸ್ಫೂರ್ತಿ ನೀಡಿತು. ಇದು ಸೆರೆನಾ ವಿರುದ್ಧ ವಾಂಗ್ ಆಡಿದ ಮೊದಲ ಪಂದ್ಯವಾಗಿತ್ತು. ಹಾಗೆಯೇ ಮೊದಲ ಗ್ರ್ಯಾನ್ಸ್ಲಾಮ್ ಕ್ವಾರ್ಟರ್ ಫೈನಲ್ ಕೂಡ ಆಗಿತ್ತು.
‘ನನಗೆ ಸೆರೆನಾ ಸವಾಲನ್ನು ಯಾವ ರೀತಿಯಲ್ಲೂ ನಿಭಾಯಿಸಲಾಗಲಿಲ್ಲ. ಇದು ನನ್ನ ಪಾಲಿನ ಅತ್ಯಂತ ಕಠಿನ ಸ್ಪರ್ಧೆ ಆಗಿತ್ತು’ ಎಂಬುದು ವಾಂಗ್ ಕ್ವಿಯಾಂಗ್ ಪ್ರತಿಕ್ರಿಯೆ.
ಸೆರೆನಾ ಎದುರಾಳಿ ಸ್ವಿಟೋಲಿನಾ
ಇದು ತನ್ನ ಕಠಿನ ಪರಿಶ್ರಮಕ್ಕೆ ಸಂದ ಗೆಲುವು ಎಂದು ಪ್ರತಿಕ್ರಿಯಿಸಿರುವ ಸೆರೆನಾ, ಸೆಮಿಫೈನಲ್ನಲ್ಲಿ ಉಕ್ರೇನಿನ ಎಲಿನಾ ಸ್ವಿಟೋಲಿನಾ ವಿರುದ್ಧ ಸೆಣಸಲಿದ್ದಾರೆ. ಇನ್ನೊಂದು ಕ್ವಾರ್ಟರ್ ಫೈನಲ್ನಲ್ಲಿ ಅವರು ಬ್ರಿಟನ್ನಿನ ಜೊಹಾನ್ನಾ ಕೊಂಟಾ ವಿರುದ್ಧ 6-4, 6-4 ನೇರ ಸೆಟ್ಗಳಿಂದ ಗೆದ್ದು ಬಂದರು.
ಸತತ 2ನೇ ಗ್ರ್ಯಾನ್ಸ್ಲಾಮ್ ಸೆಮಿಫೈನಲ್
ಸೆರೆನಾ-ಸ್ವಿಟೋಲಿನಾ ಈವರೆಗೆ 5 ಸಲ ಎದುರಾಗಿದ್ದು, ಅಮೆರಿಕನ್ ಆಟಗಾರ್ತಿ 4-1 ಮುನ್ನಡೆ ಹೊಂದಿದ್ದಾರೆ. ಇದು ಸ್ವಿಟೋಲಿನಾ ಕಾಣುತ್ತಿರುವ ಸತತ 2ನೇ ಗ್ರ್ಯಾನ್ಸ್ಲಾಮ್ ಸೆಮಿಫೈನಲ್. ಕಳೆದ ವಿಂಬಲ್ಡನ್ನಲ್ಲೂ ಅವರು ಈ ಹಂತ ತಲುಪಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Modi ಕಲ್ಪನೆಯ ವಿಕಸಿತ ಭಾರತಕ್ಕಾಗಿ ಕೋಟ ಅವರನ್ನು ಗೆಲ್ಲಿಸೋಣ: ಅಣ್ಣಾ ಮಲೈ
Award: ಅಮಿತಾಬ್ ಬಚ್ಚನ್, ಎಆರ್ ರೆಹಮಾನ್ ಗೆ ದೀನನಾಥ್ ಮಂಗೇಶ್ಕರ್ ಪ್ರಶಸ್ತಿ ಗೌರವ
LS Polls: ಹಿಂದೂ ಸಂಸ್ಕೃತಿ, ಪರಂಪರೆ ಉಳಿಸಲು ಬಿಜೆಪಿಯೇ ಶಕ್ತಿ: ಹರಿಕೃಷ್ಣ ಬಂಟ್ವಾಳ
33 ವರ್ಷಗಳಲ್ಲಿ ದ.ಕ. ಜಿಲ್ಲೆಗೆ ಬಿಜೆಪಿ ಸಂಸದರ ಕೊಡುಗೆ ಏನು? ಸಚಿವ ದಿನೇಶ್ ಗುಂಡೂರಾವ್
Patna: ಪಾಟ್ನಾದಲ್ಲಿ ನಿತೀಶ್ ಕುಮಾರ್ ಪಕ್ಷದ ನಾಯಕನ ಗುಂಡಿಕ್ಕಿ ಹತ್ಯೆ… ಆರೋಪಿಗಳು ಪರಾರಿ