ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್: ಡೆನ್ನಿಸ್ ಶಪೊವಲೋವ್ಗೆ ಶಾಕ್
French Open 2022: Denis Shapovalov stunned by teenager Holger Rune, Daniil Medvedev off to winning start
Team Udayavani, May 24, 2022, 10:55 PM IST
ಪ್ಯಾರಿಸ್: ವಿಶ್ವದ 15ನೇ ರ್ಯಾಂಕಿಂಗ್ ಆಟಗಾರ ಡೆನ್ನಿಸ್ ಶಪೊವಲೋವ್ ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್ನಲ್ಲಿ ಮೊದಲ ಸುತ್ತಿನ ಆಘಾತಕ್ಕೆ ಸಿಲುಕಿದ್ದಾರೆ.
ಮಂಗಳವಾರದ ಮುಖಾಮುಖಿಯಲ್ಲಿ ಡೆನ್ಮಾರ್ಕ್ನ 19ರ ಹರೆಯದ ಟೆನಿಸಿಗ ಹೋಲ್ಗರ್ ರುನೆ 6-3, 6-1, 7-6 (4) ನೇರ ಸೆಟ್ಗಳಿಂದ ಕೆನಡಾದ ಆಟಗಾರನನ್ನು ಹಿಮ್ಮೆಟ್ಟಿಸಿದರು.
ಹೋಲ್ಗರ್ ರುನೆ 2019ರ ಫ್ರೆಂಚ್ ಓಪನ್ ಕೂಟದ ಬಾಲಕರ ವಿಭಾಗದ ಚಾಂಪಿಯನ್ ಎಂಬುದು ಉಲ್ಲೇಖನೀಯ.
ಈ ವರ್ಷದ ಆರಂಭದಲ್ಲಿ ವಿಶ್ವ ರ್ಯಾಂಕಿಂಗ್ನಲ್ಲಿ 474ನೇ ಸ್ಥಾನದ ಲ್ಲಿದ್ದ ಅವರು, ಫ್ರೆಂಚ್ ಓಪನ್ಗೆ 40ನೇ ರ್ಯಾಂಕಿಂಗ್ನೊಂದಿಗೆ ಕಾಲಿಟ್ಟಿದ್ದಾರೆ.
ಎಪ್ರಿಲ್ನಲ್ಲಿ ನಡೆದ ಮ್ಯೂನಿಚ್ ಟೆನಿಸ್ ಪಂದ್ಯಾವಳಿಯಲ್ಲಿ ಅಲೆಕ್ಸಾಂಡರ್ ಜ್ವೆರೇವ್ ಅವರನ್ನು ಮಣಿಸಿ ಚಾಂಪಿಯನ್ ಎನಿಸಿದ್ದು ರುನೆ ಪಾಲಿನ ಮತ್ತೂಂದು ಹೆಗ್ಗಳಿಕೆ.