ಮತ್ತೆ ಶಿಖರ್ ಧವನ್ ವಿರುದ್ಧ ಟ್ವೀಟಿಗರ ಸಿಡಿಮಿಡಿ!
Team Udayavani, Jul 30, 2018, 3:31 PM IST
ಲಂಡನ್: ಎಸೆಕ್ಸ್ ವಿರುದ್ಧ ಅಭ್ಯಾಸ ಪಂದ್ಯದ ಎರಡೂ ಇನ್ನಿಂಗ್ಸ್ನಲ್ಲೂ ಕಳಪೆ ನಿರ್ವಹಣೆ ನೀಡಿದ ಆರಂಭಿಕ ಬ್ಯಾಟ್ಸ್ಮನ್ ಶಿಖರ್ ಧವನ್ ಇದೀಗ ಮತ್ತೂಮ್ಮೆ ಟ್ವೀಟಿಗರಿಂದ ಭಾರೀ ಟೀಕೆಗೆ ಒಳಗಾಗಿದ್ದಾರೆ.
ವಿರಾಟ್ ಕೊಹ್ಲಿ ಮತ್ತು ಚೇತೇಶ್ವರ ಪೂಜಾರ ಜತೆಗೆ ನಿಂತಿರುವ ಫೋಟೊವನ್ನು ಧವನ್ ಟ್ವಿಟರ್ನಲ್ಲಿ ಪ್ರಕಟಿ ಸಿದ್ದರು. ಇದಕ್ಕೆ ಅಭಿಮಾನಿಗಳು ಸಿಡಿಮಿಡಿಗೊಂಡಿದ್ದಾರೆ. “ಹೀಗೆ ನಿಂತು ಫೋಟೊ ಪ್ರಕಟಿಸುವುದರಿಂದ ಏನೂ ಪ್ರಯೋಜನವಿಲ್ಲ. ಮೊದಲು ರನ್ ಮಾಡುವುದನ್ನು ಕಲಿ…’ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದಕ್ಕೂ ಮೊದಲು ಕಳಪೆ ಪ್ರದರ್ಶನ ಬಳಿಕ ನೆಟ್ನಲ್ಲಿ ಅಭ್ಯಾಸ ಮಾಡುತ್ತಿದ್ದ ಫೋಟೊ ಒಂದನ್ನು ಪ್ರಕಟಿಸಿದಾಗಲೂ ಅಭಿಮಾನಿಗಳು ಧವನ್ ವಿರುದ್ಧ ಗರಂ ಆಗಿದ್ದರು.