ಸಿಸಿಪಸ್ ಪವರ್; ನಿರ್ಗಮಿಸಿದ ಫೆಡರರ್
Team Udayavani, Jan 21, 2019, 12:30 AM IST
ಮೆಲ್ಬರ್ನ್: ಹ್ಯಾಟ್ರಿಕ್ ಪ್ರಶಸ್ತಿಯ ಹಾದಿಯಲ್ಲಿದ್ದ ರೋಜರ್ ಫೆಡರರ್ ಗ್ರೀಕ್ನ ಸ್ಟೆಫನಸ್ ಸಿಸಿಪಸ್ ಪವರ್ಗೆ ಬೆಚ್ಚಿಬಿದ್ದು ಆಸ್ಟ್ರೇಲಿಯನ್ ಓಪನ್ ಕೂಟದಿಂದ ನಿರ್ಗಮಿಸಿದ್ದಾರೆ.
ರವಿವಾರ ನಡೆದ 4ನೇ ಸುತ್ತಿನ ಕಾಳಗದಲ್ಲಿ 14ನೇ ಶ್ರೇಯಾಂಕದ ಸಿಸಿಪಸ್, ತನಗಿಂತ 17 ವರ್ಷ ಹಿರಿಯರಾದ ಫೆಡರರ್ ಅವರನ್ನು ಭಾರೀ ಹೋರಾಟದ ಬಳಿಕ 6-7 (11-13), 7-6 (7-3), 7-5, 7-6 (7-5) ಅಂತರದಿಂದ ಪರಾಭವಗೊಳಿಸಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇರಿಸಿದರು.
ಗ್ರ್ಯಾನ್ಸ್ಲಾಮ್ ಇತಿಹಾಸದಲ್ಲಿ ಗ್ರೀಕ್ ಟೆನಿಸಿಗನೋರ್ವ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದು ಇದೇ ಮೊದಲು. ಇಲ್ಲಿ ಅವರು ಸ್ಪೇನಿನ 22ನೇ ಶ್ರೇಯಾಂಕಿತ ಆಟಗಾರ ರಾಬರ್ಟೊ ಬೌಟಿಸ್ಟ ಅಗುಟ್ ವಿರುದ್ಧ ಆಡಲಿದ್ದಾರೆ. ಅಗುಟ್ ಕೂಡ ದೊಡ್ಡ ಬೇಟೆಯೊಂದಕ್ಕೆ ಸಾಕ್ಷಿಯಾದರು. ಕಳೆದ ವರ್ಷದ ಫೈನಲಿಸ್ಟ್ ಮರಿನ್ ಸಿಲಿಕ್ ಅವರನ್ನು 6-7 (6-8), 6-3, 6-2, 4-6, 6-4 ಅಂತರದಿಂದ ಉರುಳಿಸಿದರು.
“ಈ ಸಾಧನೆಯನ್ನು ವರ್ಣಿಸಲು ನಿಜಕ್ಕೂ ನನ್ನಿಂದಾಗುತ್ತಿಲ್ಲ. ನಾನೀಗ ಈ ಭೂಮಿ ಮೇಲಿರುವ ಅತ್ಯಂತ ಸಂತೃಪ್ತ ವ್ಯಕ್ತಿ. ರೋಜರ್ ಓರ್ವ ಲೆಜೆಂಡ್. ಅವರನ್ನು ನಾನು ವಿಶೇಷವಾಗಿ ಗೌರವಿಸುತ್ತೇನೆ. ನನ್ನ ಕನಸೊಂದು ಸಾಕಾರಗೊಂಡಿದೆ’ ಎಂದು ಸಿಸಿಪಸ್ ಹೇಳಿದರು.
ನಡಾಲ್-ಟಿಯಾಫೊ ಫೈಟ್
ಫೆಡರರ್ ಪತನದ ಬಳಿಕ ಕೂಟದ ನೆಚ್ಚಿನ ಆಟಗಾರನಾಗಿ ಗುರುತಿಸಲ್ಪಟ್ಟ ರಫೆಲ್ ನಡಾಲ್ ಜೆಕ್ ಆಟಗಾರ ಥಾಮಸ್ ಬೆರ್ಡಿಶ್ ಅವರನ್ನು 6-0, 6-1, 7-6 (7-4) ನೇರ ಸೆಟ್ಗಳಿಂದ ಮಣಿಸಿ ಕ್ವಾರ್ಟರ್ ಫೈನಲ್ ತಲುಪಿದರು. ಅವರು ಈ ಕೂಟದಲ್ಲಿ ಒಂದೂ ಸೆಟ್ ಕಳೆದುಕೊಂಡಿಲ್ಲ.
ಕ್ವಾರ್ಟರ್ ಫೈನಲ್ನಲ್ಲಿ ನಡಾಲ್ ಅಮೆರಿಕದ “ಜೈಂಟ್ ಕಿಲ್ಲರ್’ ಖ್ಯಾತಿಯ ಫ್ರಾನ್ಸೆಸ್ ಟಿಯಾಫೊ ವಿರುದ್ಧ ಸೆಣಸಬೇಕಿದೆ. ಟಿಯಾಫೊ ತಮ್ಮ 21ನೇ ಜನ್ಮದಿನದಂದೇ 20ನೇ ಶ್ರೇಯಾಂಕದ ಬಲ್ಗೇರಿಯನ್ ಟೆನಿಸಿಗ ಗ್ರಿಗರ್ ಡಿಮಿಟ್ರೋವ್ ವಿರುದ್ಧ 7-5, 7-6 (8-6), 6-7, 7-5 ಅಂತರದ ಗೆಲುವು ಸಾಧಿಸಿದರು.
“10 ವರ್ಷಗಳ ಹಿಂದೆ ನಾನೊಬ್ಬ ಪ್ರೊ ಟೆನಿಸ್ ಆಟಗಾರನಾಗುತ್ತೇನೆಂದು ಹೆತ್ತವರಲ್ಲಿ ಚಾಲೆಂಜ್ ಮಾಡಿದ್ದೆ. ಇಂದು ಮೊದಲ ಸಲ ಗ್ರ್ಯಾನ್ಸ್ಲಾಮ್ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದೇನೆ, ನಂಬಿ…’ ಎಂದು ಟಿಯಾಫೊ ಹೇಳಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
RCB; ಸುಮ್ಮನೆ ಒಪ್ಪಂದಕ್ಕೆ ಸಹಿ ಹಾಕು…: ವಿರಾಟ್ ಜತೆಗಿನ ಮಾತುಕತೆ ನೆನೆದ ಕೆ.ಎಲ್ ರಾಹುಲ್
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು
LSG vs CSK: ಲಕ್ನೋದಲ್ಲೂ ಚೆನ್ನೈ ಫೇವರಿಟ್
IPL; ರೋಚಕ ಪಂದ್ಯದಲ್ಲಿ ಪಂಜಾಬ್ ಎದುರು 9 ರನ್ ಜಯ ಸಾಧಿಸಿದ ಮುಂಬೈ
Austria Marathon: ಭಾರತವನ್ನು ಪ್ರತಿನಿಧಿಸಲಿರುವ ಕೊಡಗಿನ ಅಪ್ಪಚಂಗಡ ಬೆಳ್ಯಪ್ಪ
MUST WATCH
ಹೊಸ ಸೇರ್ಪಡೆ
Sandalwood; ‘ಫಾರೆಸ್ಟ್’ನಲ್ಲಿ ಚಿಕ್ಕಣ್ಣ & ಟೀಂ
Usire Usire: ಕೈ ಕೊಟ್ಟ ನಿರ್ದೇಶಕ; ನಿರ್ಮಾಪಕ ಕಂಗಾಲು
New Jersey: ಸ್ಥಳೀಯ ಶಾಪ್ ನಲ್ಲಿ ಕಳ್ಳತನ- ಇಬ್ಬರು ಭಾರತೀಯ ವಿದ್ಯಾರ್ಥಿನಿಯರ ಬಂಧನ
College Student ನೇಹಾ ಹತ್ಯೆ ಪ್ರಕರಣ: ಆರೋಪಿಗೆ ಗಲ್ಲು ಶಿಕ್ಷೆ ವಿಧಿಸಲು ಬಜರಂಗದಳ ಆಗ್ರಹ
Mangaluru; ಕಾರಿಗೆ ಪೆಟ್ರೋಲ್ ಬದಲು ಡೀಸೆಲ್ ; ಕಾರು ಮಾಲಕರಿಗೆ ಲಕ್ಷಾಂತರ ರೂ.ನಷ್ಟ