ಅಂಗಳಕ್ಕಿಳಿಯದ ಸ್ಮಿತ್; 3ನೇ ಟೆಸ್ಟ್ಗೆ ಅನುಮಾನ
Team Udayavani, Aug 19, 2019, 5:51 AM IST
ಲಂಡನ್: ಲಾರ್ಡ್ಸ್ ಟೆಸ್ಟ್ ಪಂದ್ಯದ ಶನಿವಾರದ ಆಟದ ವೇಳೆ ಜೋಫ್ರ ಆರ್ಚರ್ ಅವರಿಂದ ಬೌನ್ಸರ್ ಏಟು ತಿಂದ ಆಸ್ಟ್ರೇಲಿಯದ ಕ್ರಿಕೆಟಿಗ ಸ್ಟೀವ್ ಸ್ಮಿತ್ ಅಂತಿಮ ದಿನ ಮೈದಾನಕ್ಕಿಳಿಯಲಿಲ್ಲ. ಇವರ ಬದಲು ಮಾರ್ನಸ್ ಲಬುಶೇನ್ ಕ್ಷೇತ್ರರಕ್ಷಣೆ ನಡೆಸಿದರು.
ಸ್ಮಿತ್ ಅವರು ವೈದ್ಯಕೀಯ ನಿಗಾದಲ್ಲಿದ್ದು, ಲೀಡ್ಸ್ನಲ್ಲಿ ನಡೆಯ ಲಿರುವ ಆ್ಯಶಸ್ ಸರಣಿಯ 3ನೇ ಟೆಸ್ಟ್ ಪಂದ್ಯದಲ್ಲಿ ಆಡುವುದು ಅನುಮಾನ ಎನ್ನಲಾಗಿದೆ.
“ಕಳೆದ ರಾತ್ರಿಯಿಡೀ ಸ್ಮಿತ್ ದೇಹಸ್ಥಿತಿಯನ್ನು ವೈದ್ಯರು ಗಮನಿಸುತ್ತಲೇ ಇದ್ದರು. ಅವರು ರಾತ್ರಿ ಚೆನ್ನಾಗಿ ನಿದ್ದೆ ಮಾಡಿದರು. ಆದರೆ ಬೆಳಗ್ಗೆ ಏಳುವ ವೇಳೆ ಸಣ್ಣ ಮಟ್ಟದಲ್ಲಿ ತಲೆನೋವು ಕಾಡಿತ್ತು. ತಂಡದ ವೈದ್ಯ ರಿಚರ್ಡ್ ಸಾ ಅವರ ಸೂಚನೆಯ ಮೇರೆಗೆ ಸ್ಮಿತ್ ಅಂತಿಮ ದಿನದ ಆಟದಿಂದ ಹಿಂದೆ ಸರಿದರು’ ಎಂದು ಕ್ರಿಕೆಟ್ ಆಸ್ಟ್ರೇಲಿಯ ತಿಳಿಸಿದೆ.
ಶನಿವಾರ ಬ್ಯಾಟಿಂಗ್ ನಡೆಸು ತ್ತಿದ್ದಾಗ ಜೋಫ್ರ ಆರ್ಚರ್ ಅವರ ಬೌನ್ಸರ್ ಎಸೆತವೊಂದು ಸ್ಮಿತ್ ಅವರ ಎಡ ಕಿವಿಯ ಕೆಳಭಾಗಕ್ಕೆ ಹೋಗಿ ಬಡಿದಿತ್ತು. ಅಂಗಳದಲ್ಲೇ ಕುಸಿದ ಅವರನ್ನು ಪ್ರಾಥಮಿಕ ಚಿಕಿತ್ಸೆ ಬಳಿಕ ಡ್ರೆಸ್ಸಿಂಗ್ ರೂಮ್ಗೆ ಕರೆದೊಯ್ಯಲಾಗಿತ್ತು. ಆಗ ಸ್ಮಿತ್ 80 ರನ್ ಮಾಡಿ ಆಡುತ್ತಿದ್ದರು. ಸ್ವಲ್ಪ ಹೊತ್ತಿನ ಬಳಿಕ ಚೇತರಿಸಿಕೊಂಡು ಆಡಲಿಳಿದ ಅವರು 92 ರನ್ ಮಾಡಿ ಔಟಾದರು.
ಸ್ಟೋಕ್ಸ್ ಶತಕ; ಡ್ರಾದತ್ತ ಟೆಸ್ಟ್
ಮಳೆಯಿಂದ ತೀವ್ರ ಅಡಚಣೆ ಗೊಳಗಾದ ಲಾರ್ಡ್ಸ್ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಅಂತಿಮ ದಿನದ ಆಟವನ್ನು ಮುಂದುವರಿಸುತ್ತಿದೆ. 8 ರನ್ನುಗಳ ಅಲ್ಪ ಮುನ್ನಡೆಯ ಬಳಿಕ ದ್ವಿತೀಯ ಇನ್ನಿಂಗ್ಸ್ನಲ್ಲಿ 5 ವಿಕೆಟಿಗೆ 258 ರನ್ ಗಳಿಸಿ ಡಿಕ್ಲೇರ್ ಮಾಡಿದೆ. ಪಂದ್ಯ ಡ್ರಾ ಹಾದಿ ಹಿಡಿದಿದೆ. ಬೆನ್ ಸ್ಟೋಕ್ಸ್ ಶತಕ ಇಂಗ್ಲೆಂಡ್ ಸರದಿಯ ಆಕರ್ಷಣೆಯಾಗಿತ್ತು. ಅವರು ಅಜೇಯ 115 ರನ್ ಹೊಡೆದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL; ಆರ್ ಸಿಬಿ ಕಪ್ ಗೆಲ್ಲಬೇಕಾದರೆ ಮೊದಲು….: ರಾಬಿನ್ ಉತ್ತಪ್ಪ ಹೇಳಿದ್ದೇನು?
IPL 2024; ಎಂ.ಎಸ್ ಧೋನಿ ದಾಖಲೆ ಮುರಿದ ಕೆ.ಎಲ್ ರಾಹುಲ್
MSD ಎಂಟ್ರಿ ಶಬ್ಧಕ್ಕೆ ಕಿವುಡುತನ ಸಾಧ್ಯತೆ; ವೈರಲ್ ಆಯ್ತು ಡಿಕಾಕ್ ಪತ್ನಿಯ ಇನ್ಸ್ಟಾ ಪೋಸ್ಟ್
Delhi ತವರಿಗೆ ಮರಳಿದ ಖುಷಿಯಲ್ಲಿ: ಕೋಟ್ಲಾದಲ್ಲಿ ಹೈದರಾಬಾದ್ ವಿರುದ್ಧ ಮುಖಾಮುಖಿ
RCB ; ರವಿವಾರ ಕೆಕೆಆರ್ ವಿರುದ್ಧ ಈಡನ್ನಲ್ಲಿ ಗೋ ಗ್ರೀನ್ ಗೇಮ್
MUST WATCH
ಹೊಸ ಸೇರ್ಪಡೆ
Kalaburagi; ಭಾರೀ ಮಳೆ: ಆಳಂದದಲ್ಲಿ ಸಿಡಿಲು ಬಡಿದು ಬಾಲಕ ಸಾವು
Udupi: ನಿಟ್ಟೂರಿನಲ್ಲಿ ಬಸ್ ಢಿಕ್ಕಿಯಾಗಿ ಬೈಕ್ ಸವಾರ ದಾರುಣ ಸಾವು
Congress ಟ್ಯಾಕ್ಸ್ ಸಿಟಿಯನ್ನು ಟ್ಯಾಂಕರ್ ಸಿಟಿ ಮಾಡಿದೆ: ಬೆಂಗಳೂರಿನಲ್ಲಿ ಮೋದಿ
Kollywood: 18 ವರ್ಷದ ಬಳಿಕ ಪತಿ ಸೂರ್ಯ ಜೊತೆ ನಟಿಸಲಿದ್ದಾರೆ ಜ್ಯೋತಿಕಾ
ಸರ್ವರಿಗೂ ಸಮಪಾಲು ಸಮಬಾಳು ನೀಡಿದ ಕಾಂಗ್ರೆಸ್ ಪಕ್ಷಕ್ಕೆ ಮತ ನೀಡಿ: ಗೀತಾ ಶಿವರಾಜ್ ಕುಮಾರ್