ಶ್ರೀಶಾಂತ್ ಶಿಕ್ಷೆಯ ಅವಧಿ 7 ವರ್ಷಕ್ಕೆ ಇಳಿಕೆ
Team Udayavani, Aug 21, 2019, 5:34 AM IST
ಹೊಸದಿಲ್ಲಿ: ಐಪಿಎಲ್ ಸ್ಪಾಟ್ ಫಿಕ್ಸಿಂಗ್ ಪ್ರಕರಣದಲ್ಲಿ ಸಿಕ್ಕಿಬಿದ್ದು ಆಜೀವ ನಿಷೇಧಕ್ಕೆ ಒಳಗಾಗಿದ್ದ ಶ್ರೀಶಾಂತ್ ಅವರ ಶಿಕ್ಷೆಯ ಅವಧಿಯನ್ನು 7 ವರ್ಷಕ್ಕೆ ಇಳಿಕೆ ಮಾಡಲಾಗಿದೆ. ಮುಂದಿನ ವರ್ಷದ ಆಗಸ್ಟ್ಗೆ ಶಿಕ್ಷೆ ಅವಧಿ ಅಂತ್ಯವಾಗಲಿದೆ ಎಂದು ಭಾರತೀಯ ಕ್ರಿಕೆಟ್ ಮಂಡಳಿ (ಬಿಸಿಸಿಐ)ಯ ವಿಚಾರಣಾಧಿಕಾರಿ ಡಿ.ಕೆ.ಜೈನ್ ತಿಳಿಸಿದ್ದಾರೆ.
ವಿಚಾರಣಾಧಿಕಾರಿ ಡಿ.ಕೆ.ಜೈನ್ ಮಾಧ್ಯಮದ ಜತೆ ಮಾತನಾಡಿ ಶ್ರೀಶಾಂತ್ ಆಜೀವ ನಿಷೇಧ ಮುಂದಿನ ವರ್ಷ ತೆರವಾಗಲಿದೆ ಎಂದು ತಿಳಿಸಿದರು. ‘ಶ್ರೀಶಾಂತ್ ಆಜೀವ ನಿಷೇಧ ಹಿಂದಕ್ಕೆ ತೆಗೆದುಕೊಳ್ಳಲಾಗಿದೆ. ಈಗಾಗಲೇ 6 ವರ್ಷ ಶಿಕ್ಷೆ ಅನುಭವಿಸಿದ್ದಾರೆ. ಮುಂದಿನ ವರ್ಷಕ್ಕೆ ಶಿಕ್ಷೆ ಅಂತ್ಯವಾಗಲಿದೆ. ಸದ್ಯ ಅವರಿಗೆ 36 ವರ್ಷ. ಅವರ ಕ್ರಿಕೆಟ್ ಸಾಧನೆಯ ಉತ್ತುಂಗದ ದಿನಗಳು ಮುಗಿದಿರುವ ಸಾಧ್ಯತೆಯೂ ಇದೆ. ಆದರೆ ಒಂದಂತೂ ಹೇಳಲು ಇಚ್ಛಿಸುತ್ತೇನೆ. ಮುಂದಿನ ದಿನ ಗಳಲ್ಲಿ ಅವರು ಬಿಸಿಸಿಐ ಆಯೋಜಿತ ಅಥ ವಾ ಯಾವುದೇ ಕೂಟಗಳಲ್ಲಿ ಪಾಲ್ಗೊಳ್ಳಲು ಅವರಿಗೆ ಅವಕಾಶವಿದೆ ಎಂದರು.