Udayavni Special

ಅಳಿವಿನಂಚಿನಲ್ಲಿ ರಾಜ್ಯ ಪೊಲೀಸ್‌ ಕಬಡ್ಡಿ ತಂಡ


Team Udayavani, Aug 7, 2018, 6:15 AM IST

ban07081812medn.jpg

ಬೆಂಗಳೂರು: ಅದೊಂದು ಕಾಲವಿತ್ತು. ರಾಜ್ಯ ಪೊಲೀಸ್‌ ಕಬಡ್ಡಿ ತಂಡಗಳ ಹೆಸರು ಕೇಳಿದರೆ ಅದೆಂತಹ ತಂಡಗಳಾದರೂ ಒಂದು ಕ್ಷಣ ಭಯ ಬೀಳುತ್ತಿದ್ದವು. ತಂಡಗಳಲ್ಲಿ ಅಂತಹ ದೈತ್ಯ ಹಾಗೂ ನಿಪುಣ ಆಟಗಾರರಿರುತ್ತಿದ್ದರು. ಕೇವಲ ಒಂದು ತಂಡವಾಗಿರದೆ ಇಲಾಖೆಯ ಗೌರವದ ಪ್ರತೀಕವಾಗಿತ್ತು ಪೊಲೀಸ್‌ ತಂಡ. ರಾಜ್ಯ,ರಾಷ್ಟ್ರ  ಸೇರಿದಂತೆ ಸುಮಾರು 134 ಹೆಚ್ಚು ಕೂಟಗಳಲ್ಲಿ ಪ್ರಶಸ್ತಿ ಗೆದ್ದು ಇತಿಹಾಸ ನಿರ್ಮಿಸಿರುವ ಪೊಲೀಸ್‌ ತಂಡವೀಗ ಅಳಿವಿನತ್ತ ಸಾಗಿದೆ.

ರಾಜ್ಯ ಪೊಲೀಸ್‌ ತಂಡದಲ್ಲಿನ ಆಟಗಾರರ ವಯಸ್ಸೀಗ 45 ಮೀರಿದೆ! ಈ ತಂಡಕ್ಕೆ ಹೊಸ ತಲೆಮಾರು ಪ್ರವೇಶಿಸದಿರುವುದರಿಂದ, ಇರುವವರೇ ಆಡಬೇಕಾದ ದುಸ್ಥಿತಿ ಎದುರಾಗಿದೆ. 45 ಮೀರಿದ ಆಟಗಾರರಿಗೆ ದೈಹಿಕ ಸಾಮರ್ಥ್ಯವಾದರೂ ಎಲ್ಲಿರಲು ಸಾಧ್ಯ? ಯಾವುದೇ ವೃತ್ತಿಪರ ಕ್ರೀಡೆಯಲ್ಲಿ 40 ನಿವೃತ್ತಿಯ ವರ್ಷ. ಪೊಲೀಸ್‌ ತಂಡದ ಆಟಗಾರರೀಗ ದೈಹಿಕ ಅಸಾಮರ್ಥ್ಯ ಮತ್ತು ಕಬಡ್ಡಿ ಆಡಲೇಬೇಕಾದ ಅನಿವಾರ್ಯತೆ ಇವುಗಳ ನಡುವೆ ತೊಳಲಾಡುತ್ತಿದ್ದಾರೆ.

ಪ್ರತಿಭಾವಂತ ಕಬಡ್ಡಿ ಆಟಗಾರರಿಗೆ ನೌಕರಿ ನೀಡಿ ಜೀವನ ಪೊರೆದಿದ್ದ ತಂಡವೀಗ ಸಂಪೂರ್ಣ ನಶಿಸುವ ಆತಂಕ ಹೆಚ್ಚಿದೆ. 2005ರಿಂದ ಹೊಸ ಆಟಗಾರರನ್ನು ನೇಮಕಾತಿ ಮಾಡಿಕೊಳ್ಳುವ ಕ್ರಮ ನಿಂತುಹೋಗಿದೆ. ಆ ವರ್ಷದಿಂದ ವೃಂದ ಮತ್ತು ನೇಮಕಾತಿ ನಿಯಮ ಜಾರಿಯಾಗಿದ್ದೇ ಇದಕ್ಕೆ ಕಾರಣ ಎನ್ನುತ್ತಾರೆ ಪೊಲೀಸ್‌ ತಂಡದ ಹಿರಿಯ ಕೋಚ್‌.

ಪೊಲೀಸ್‌ ತಂಡ ಆಗ ಹೇಗಿತ್ತು?
“1977ರಲ್ಲಿ ಬಿಸಿಪಿ (ಬೆಂಗಳೂರು ನಗರ ಪೊಲೀಸ್‌) ತಂಡವನ್ನು ಅಂದಿನ ಕ್ರೀಡಾ ಇಲಾಖೆ ನಿರ್ದೇಶಕ ಎ.ಜೆ.ಆನಂದನ್‌ ಅಧಿಕಾರದಲ್ಲಿದ್ದಾಗ ಕಟ್ಟಲಾಯಿತು. ಉತ್ತಮ ಕಬಡ್ಡಿ ಆಟಗಾರನಿಗೆ ನೇರವಾಗಿ ಪೊಲೀಸ್‌ ಇಲಾಖೆಯಲ್ಲಿ ನೌಕರಿ ನೀಡುವ ವ್ಯವಸ್ಥೆ ಜಾರಿಗೆ ತರಲಾಯಿತು. ಅದರಂತೆ ಬೆಂಗಳೂರು ನಗರ ಪೊಲೀಸ್‌ ತಂಡವನ್ನು ಮೊದಲು ಕಟ್ಟಲಾಯಿತು. ಇದು ಯಶಸ್ವಿ ತಂಡವಾಗಿ ರೂಪುಗೊಂಡ ಬೆನ್ನಲ್ಲೇ 10 ವರುಷದ ಬಳಿಕ (1987ರಲ್ಲಿ) ರಾಜ್ಯ ಪೊಲೀಸ್‌ ತಂಡ (ಕೆಎಸ್‌ಪಿ)ವನ್ನೂ ಕಟ್ಟಲಾಯಿತು. ಎರಡೂ ತಂಡಗಳು ಕೂಡ ಬಲಿಷ್ಠವಾಗಿದ್ದವು. ಪುರುಷರ ಮತ್ತು ಮಹಿಳಾ ವಿಭಾಗದಲ್ಲಿ ಅನೇಕ ಪಂದ್ಯಗಳಲ್ಲಿ ಗೆಲುವು ಸಾಧಿಸಿದವು. ಐಟಿಐ ಆಲ್‌ ಇಂಡಿಯಾ ವಿನ್ನರ್,  ಗುಬ್ಬಿ ವೀರಣ್ಣ ಕಬಡ್ಡಿ ವಿನ್ನರ್ , ಬಿ.ಎಲ್‌. ಆಲ್‌ ಇಂಡಿಯಾ ರನ್ನರ್‌ಅಪ್‌ ಸೇರಿದಂತೆ ವಿವಿಧ ರಾಜ್ಯ, ರಾಷ್ಟ್ರ ಮಟ್ಟದ ಕೂಟಗಳಲ್ಲಿ ಪೊಲೀಸ್‌ ತಂಡಗಳು ಕಪ್‌ ಗೆದ್ದವು, ಮನೆ-ಮನೆ ಮಾತಾದವು. ತಮ್ಮ ಇಲಾಖೆಗೆ ಹೆಸರನ್ನೂ ತಂದುಕೊಟ್ಟವು’

ಪೊಲೀಸ್‌ ತಂಡ ಈಗ ಹೇಗಿದೆ?
“2000ನೇ ಇಸವಿ ಬಳಿಕ ಪೊಲೀಸ್‌ ತಂಡಗಳ ಬಲ ಕುಸಿಯಲಾರಂಭಿಸಿತು. ಆಟಗಾರರು ಕರ್ತವ್ಯದ ಒತ್ತಡದ ಜತೆಗೆ ಕಬಡ್ಡಿಯನ್ನೂ ನಡೆಸಿಕೊಂಡು ಹೋಗುವ ಅನಿವಾರ್ಯತೆಗೆ ಸಿಲುಕಿದರು. ಹಗಲಿಡೀ ಡ್ನೂಟಿ, ಸಂಜೆಯಾಗುತ್ತಲೆ ಅಭ್ಯಾಸ. ಮತ್ತೆ ಕೆಲವು ಸಲ ಅಭ್ಯಾಸಕ್ಕೂ ಸಮಯ ಸಿಗುತ್ತಿರಲಿಲ್ಲ. ಇದರಿಂದ ಆಟಗಾರರು ಕಂಗಾಲಾದರು. ಜತೆಗೆ ಕಬಡ್ಡಿ ತಂಡಕ್ಕೆ ಆಟಗಾರರ ಹೊಸ ಆಯ್ಕೆ ಪ್ರಕ್ರಿಯೆಯನ್ನೂ ಗೃಹ ಇಲಾಖೆ ಮಾಡಿಕೊಳ್ಳಲಿಲ್ಲ. ಪೊಲೀಸ್‌ ತಂಡ ತನ್ನ ಬಲ ಕಳೆದುಕೊಂಡು ಹೋಯಿತು. ಅನೇಕ ಕೂಟಗಳಲ್ಲಿ ಸೋಲು ಅನುಭವಿಸಿತು. ಇದೆಲ್ಲದರ ಬಳಿಕ ಅಂದರೆ ಸುಮಾರು 5 ವರ್ಷದ ಬಳಿಕ 2005ರಲ್ಲಿ ಇಲಾಖೆ ಕಬಡ್ಡಿ ಆಟಗಾರರನ್ನು ನೇಮಕ ಮಾಡಿಕೊಳ್ಳುವುದನ್ನು ಸಂಪೂರ್ಣವಾಗಿ ನಿಲ್ಲಿಸಿತು. ಇದರಿಂದಾಗಿ ಬಳಿಕ ಹೊಸ ಪ್ರತಿಭೆಗಳಿಗೆ ವೇದಿಕೆ ಸಿಗಲಿಲ್ಲ. ಈಗ ಹಳೆಯ ಆಟಗಾರರೇ ತಂಡದಲ್ಲಿದ್ದಾರೆ’.

ಸಿಎಂ ಡ್ನೂಟಿ ಜತೆಗೆ ಕಬಡ್ಡಿ ಟೂರ್ನಿ
ಪ್ರಸ್ತುತ ಕೆಲವು ವರುಷಗಳಿಂದ ಮುಖ್ಯಮಂತ್ರಿಗಳ ಬೆಂಗಾವಲು ಪಡೆಯಲ್ಲಿ ಕಬಡ್ಡಿ ಪಟುಗಳು ಕೆಲಸ ಮಾಡುತ್ತಿದ್ದಾರೆ. ಒಟ್ಟಾರೆ ಬೆಂಗಳೂರು ನಗರ ಪೊಲೀಸ್‌ ತಂಡ ಮತ್ತು ಕರ್ನಾಟಕ ಪೊಲೀಸ್‌ ತಂಡದ 10ಕ್ಕೂ ಹೆಚ್ಚು ಆಟಗಾರರು ಮುಖ್ಯಮಂತ್ರಿಗಳ ಬೆಂಗಾವಲು ಪಡೆಯಲ್ಲಿದ್ದಾರೆ. ಕಬಡ್ಡಿಯಲ್ಲಿ ಪೊಲೀಸ್‌ ತಂಡಗಳು ಪಾಲ್ಗೊಳ್ಳುವುದು ಕಡಿಮೆ ಆಗಿದೆ. ಹೀಗಾಗಿ ಇವರು ವರುಷಕ್ಕೊಂದು ಕೂಟ ಆಡಿದರೂ ಹೆಚ್ಚೆ. ಉಳಿದ ಸಮಯಗಳಲ್ಲಿ ಆಟಗಾರರು ಮುಖ್ಯಮಂತ್ರಿಗಳ ಬೆಂಗಾವಲು ಪಡೆಯಲ್ಲೇ ಕೆಲಸ ನಿರ್ವಹಿಸಬೇಕಾಗಿದೆ.

40 ವರುಷ ಮೀರಿದವರಿಂದ ಹೇಗೆ ಕಬಡ್ಡಿ ಆಡಿಸಲಿ?
ಕಬಡ್ಡಿ ತಂಡ ಅಳಿವಿನಂಚಿನಲ್ಲಿರುವ ಕುರಿತು ಎಡಿಜಿಪಿ ಭಾಸ್ಕರ್‌ ರಾವ್‌ ಕೂಡ ಕಳವಳ ವ್ಯಕ್ತಪಡಿಸಿದ್ದಾರೆ. “ಆಗಿನ ಮಟ್ಟಕ್ಕೆ ಈಗಿರುವ ಪೊಲೀಸ್‌ ತಂಡಗಳ ಕಬಡ್ಡಿ ಪ್ರದರ್ಶನವಿಲ್ಲ. 40 ವರುಷ ಮೀರಿದವರಿಂದ ಹೇಗೆ ಕಬಡ್ಡಿ ಆಡಿಸಲಿ? ಗಟ್ಟಿಮುಟ್ಟಾದ ಕ್ರೀಡಾಪಟುಗಳ ಕೊರತೆ ಇಲಾಖೆಯಲ್ಲಿದೆ. ಹಿಂದಿನ ಮಾದರಿಯಲ್ಲೇ ಮತ್ತೆ ಕಬಡ್ಡಿ ಆಟಗಾರರನ್ನು ಆಯ್ಕೆ ಮಾಡಿಕೊಳ್ಳಬೇಕಿದೆ’ ಎಂದು ಅವರು ಹೇಳುತ್ತಾರೆ.

“ಉದಯವಾಣಿ’ಗೆ ಪ್ರತಿಕ್ರಿಯೆ ನೀಡಿದ ಅವರು, ವೃಂದ ನೇಮಕಾತಿಯಲ್ಲಿ ಬದಲಾವಣೆ ಬಂದ ಬಳಿಕ 2005ರಿಂದ ಕಬಡ್ಡಿ ಆಟಗಾರರನ್ನು ಇಲಾಖೆಗೆ ಆಯ್ಕೆ ಮಾಡಿಕೊಳ್ಳಲು ಸಾಧ್ಯವಾಗಿಲ್ಲ. ಕಬಡ್ಡಿ ತಂಡಕ್ಕೆ ನೇರ ನೇಮಕಾತಿಯನ್ನು ಮಾಡಿಕೊಳ್ಳಲು ಸರ್ಕಾರಕ್ಕೆ ಮನವಿ ಸಲ್ಲಿಸಿದ್ದೇವೆ. ಅದಕ್ಕಿನ್ನೂ ಸದನದಲ್ಲಿ ಅನುಮೋದನೆ ಸಿಗಬೇಕಿದೆ. ಹರ್ಯಾಣ ಸೇರಿದಂತೆ ಇತರೆ ರಾಜ್ಯಗಳಲ್ಲಿ ಉತ್ತಮ ಸಾಧನೆ ಮಾಡಿದ ಇಲಾಖೆಯ ಕ್ರೀಡಾಪಟುಗಳಿಗೆ ಬಡ್ತಿ ನೀಡಲಾಗುತ್ತದೆ. ಆದರೆ ನಮ್ಮಲ್ಲಿ ಅದಕ್ಕೆ ಅವಕಾಶವಿಲ್ಲ.

ವೃಂದ ನೇಮಕಾತಿಯಲ್ಲಿ ತಿದ್ದುಪಡಿಯಾದರೆ ಕಿರಿಯ ವಯಸ್ಸಿನ ಆಟಗಾರರನ್ನು ಡಿಎಸ್‌ಪಿ ಮಟ್ಟದವರೆಗೆ ಕ್ರೀಡಾಕೋಟಾದಡಿ ಆಯ್ಕೆ ಮಾಡಿಕೊಳ್ಳಬಹುದು. ಸದ್ಯ ರಾಜ್ಯದಲ್ಲಿ ಒಟ್ಟಾರೆ ಜನಸಂಖ್ಯೆ 6.50 ಕೋಟಿ. ಕರ್ತವ್ಯ ನಿರತ ಪೊಲೀಸರ ಸಂಖ್ಯೆ 1 ಲಕ್ಷ 7 ಸಾವಿರ. ಇವರಲ್ಲಿ 77 ಸಾವಿರ ಪೊಲೀಸರು ಫೀಲ್ಡ್‌ನಲ್ಲಿ ಕೆಲಸ ಮಾಡುತ್ತಾರೆ. ಹೀಗಾಗಿ ಕ್ರೀಡಾ ಕೋಟಾದಡಿಯಲ್ಲಿ ಇರುವವರು ಕೂಡ ಕರ್ತವ್ಯ ನಿರ್ವಹಿಸಬೇಕಾಗಿರುವುದು ಅನಿವಾರ್ಯವಿದೆ ಎಂದು ತಿಳಿಸಿದರು.

– ಹೇಮಂತ್‌ ಸಂಪಾಜೆ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಪಾರ್ಲಿಮೆಂಟ್ ನೊಳಗೆ ಅಶ್ಲೀಲ ಚಿತ್ರ ವೀಕ್ಷಿಸುತ್ತಿದ್ದಾಗಲೇ ಸಿಕ್ಕಿಬಿದ್ದ ಥಾಯ್ ಸಂಸದ!

ಪಾರ್ಲಿಮೆಂಟ್ ನೊಳಗೆ ಅಶ್ಲೀಲ ಚಿತ್ರ ವೀಕ್ಷಿಸುತ್ತಿದ್ದಾಗಲೇ ಸಿಕ್ಕಿಬಿದ್ದ ಥಾಯ್ ಸಂಸದ!

‘ಬೆಳೆ ಸಮೀಕ್ಷೆ ಆಪ್’ಗೆ ರೈತರಿಂದ ಉತ್ತಮ ಸ್ಪಂದನೆ : ಏನು? ಎತ್ತ? ಇಲ್ಲಿದೆ ಮಾಹಿತಿ

‘ಬೆಳೆ ಸಮೀಕ್ಷೆ ಆಪ್’ಗೆ ರೈತರಿಂದ ಉತ್ತಮ ಸ್ಪಂದನೆ : ಏನು? ಎತ್ತ? ಇಲ್ಲಿದೆ ಮಾಹಿತಿ

ಶಾಸಕರಿಗೆ ಕೋವಿಡ್ 19 ಪರಿಕ್ಷೆ : ತಪಾಸಣೆಗೊಳಗಾದ ಸ್ಪೀಕರ್ ಕಾಗೇರಿ

ಶಾಸಕರಿಗೆ ಕೋವಿಡ್ 19 ಪರಿಕ್ಷೆ : ತಪಾಸಣೆಗೊಳಗಾದ ಸ್ಪೀಕರ್ ಕಾಗೇರಿ

ವಿಷ್ಣುದಾದ 70 ಅಭಿಮಾನಿಗಳ ಮನದಲ್ಲಿ ಯಜಮಾನ್ರು ಜೀವಂತ

ವಿಷ್ಣುದಾದ 70 ಅಭಿಮಾನಿಗಳ ಮನದಲ್ಲಿ ಯಜಮಾನ್ರು ಜೀವಂತ

t-15

ತಡೆಯಲಾಗದ ಅನಿಯಂತ್ರಿತ ಮೂತ್ರ ವಿಸರ್ಜನೆ ಮತ್ತು ಮೂತ್ರಶಂಕೆಯ ಅವಸರ

ಕೃಷಿ ಮಸೂದೆ ಬಗ್ಗೆ ಸುಳ್ಳು ಹಬ್ಬಿಸಬೇಡಿ: ವಿಪಕ್ಷಗಳ ವಿರುದ್ಧ ಪ್ರಧಾನಿ ಮೋದಿ ಆರೋಪವೇನು?

ಕೃಷಿ ಮಸೂದೆ ಬಗ್ಗೆ ಸುಳ್ಳು ಹಬ್ಬಿಸಬೇಡಿ: ವಿಪಕ್ಷಗಳ ವಿರುದ್ಧ ಪ್ರಧಾನಿ ಮೋದಿ ಆರೋಪವೇನು?

ಡ್ರಗ್ ದಂಧೆ: ನಿರೂಪಕ ಅಕುಲ್, ಸಂತೋಷ್, ಕಾಂಗ್ರೆಸ್ ನ ಮಾಜಿ ಶಾಸಕರ ಪುತ್ರನಿಗೆ CCB ನೋಟಿಸ್

ಡ್ರಗ್ ದಂಧೆ: ನಿರೂಪಕ ಅಕುಲ್, ಸಂತೋಷ್, ಕಾಂಗ್ರೆಸ್ ನ ಮಾಜಿ ಶಾಸಕರ ಪುತ್ರನಿಗೆ ಸಿಸಿಬಿ ಶಾಕ್






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ರಜೌರಿಯ ಗುಂಡಿನ ಮೊರೆತಗಳ ನಡುವೆ ಅರಳಿದ ಕ್ರಿಕೆಟ್ ಪ್ರತಿಭೆ ಅಬ್ದುಲ್‌ ಸಮದ್

ರಜೌರಿಯ ಗುಂಡಿನ ಮೊರೆತಗಳ ನಡುವೆ ಅರಳಿದ ಕ್ರಿಕೆಟ್ ಪ್ರತಿಭೆ ಅಬ್ದುಲ್‌ ಸಮದ್

ಆರ್ ಸಿ ಬಿ ಥೀಮ್ ಸಾಂಗ್ ರಿಲೀಸ್ : ಕನ್ನಡ ಸಾಹಿತ್ಯ ಇಲ್ಲದ್ದಕ್ಕೆ ಅಭಿಮಾನಿಗಳು ಗರಂ..!

ಆರ್ ಸಿ ಬಿ ಥೀಮ್ ಸಾಂಗ್ ರಿಲೀಸ್ : ಕನ್ನಡ ಸಾಹಿತ್ಯ ಇಲ್ಲದ್ದಕ್ಕೆ ಅಭಿಮಾನಿಗಳು ಗರಂ..!

ಐಪಿಎಲ್ 2020ಗೆ ದುಬೈ ತಲುಪಿದ ಇಂಗ್ಲೆಂಡ್- ಆಸೀಸ್ ಆಟಗಾರರು: 36 ಗಂಟೆ ಕ್ವಾರಂಟೈನ್

ಐಪಿಎಲ್ 2020ಗೆ ದುಬೈ ತಲುಪಿದ ಇಂಗ್ಲೆಂಡ್- ಆಸೀಸ್ ಆಟಗಾರರು: 36 ಗಂಟೆ ಕ್ವಾರಂಟೈನ್

ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ನಲ್ಲಿ ಕನ್ನಡಿಗರ ಸೇನೆ!

ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ನಲ್ಲಿ ಕನ್ನಡಿಗರ ಸೇನೆ!

ಕೋವಿಡ್‌ ಹೀರೋಗಳಿಗೆ ಗೌರವ ಸಲ್ಲಿಸುವ ಆರ್‌ಸಿಬಿ

ಕೋವಿಡ್‌ ಹೀರೋಗಳಿಗೆ ಗೌರವ ಸಲ್ಲಿಸಲಿರುವ ಆರ್‌ಸಿಬಿ

MUST WATCH

udayavani youtube

ಭಾಗಶಃ ಕುಸಿದ ಉಡುಪಿಯ ಹಳೆಯ ಕಟ್ಟಡ: ಓರ್ವ ಮಹಿಳೆಗೆ ಗಾಯ | Udayavani

udayavani youtube

ಹಂಪನಕಟ್ಟೆಯಲ್ಲಿ ಪತ್ತೆಯಾದ ಶತಮಾನದ ಹಿಂದಿನ ಬಾವಿ!

udayavani youtube

ಭತ್ತದ ಕೃಷಿಯ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ

udayavani youtube

COVID-19 ಸಮಯದಲ್ಲಿ ಜೀವನಕ್ಕೆ ಆಧಾರವಾದ ಹೈನುಗಾರಿಕೆ

udayavani youtube

ಕೃಷಿ ಮಾಡಲು ಹಠ – ಚಟ ಎರಡೂ ಇರಬೇಕು ಎಂದ ಕೃಷಿಕ | Success story of BV Poojary



ಹೊಸ ಸೇರ್ಪಡೆ

ಹಂಪಿ: ಅಕ್ರಮ ಕಲ್ಲುಗಣಿಗಾರಿಕೆ ಮೇಲೆ ದಾಳಿ ಮೂರು ಲಾರಿ ವಶ

ಹಂಪಿ: ಅಕ್ರಮ ಕಲ್ಲು ಗಣಿಗಾರಿಕೆ ಮೇಲೆ ದಾಳಿ; 3 ಲಾರಿ ವಶ

ಪಾರ್ಲಿಮೆಂಟ್ ನೊಳಗೆ ಅಶ್ಲೀಲ ಚಿತ್ರ ವೀಕ್ಷಿಸುತ್ತಿದ್ದಾಗಲೇ ಸಿಕ್ಕಿಬಿದ್ದ ಥಾಯ್ ಸಂಸದ!

ಪಾರ್ಲಿಮೆಂಟ್ ನೊಳಗೆ ಅಶ್ಲೀಲ ಚಿತ್ರ ವೀಕ್ಷಿಸುತ್ತಿದ್ದಾಗಲೇ ಸಿಕ್ಕಿಬಿದ್ದ ಥಾಯ್ ಸಂಸದ!

ಅತಿಥಿ ಉಪನ್ಯಾಸಕರ ಸೇವೆ ಮುಂದುವರಿಸಲು ಒತ್ತಾಯ

ಅತಿಥಿ ಉಪನ್ಯಾಸಕರ ಸೇವೆ ಮುಂದುವರಿಸಲು ಒತ್ತಾಯ

2 ವಾರಗಳಲ್ಲಿ ಬಾಕಿ ಕೆಲಸ ಮುಗಿಸಿ

2 ವಾರಗಳಲ್ಲಿ ಬಾಕಿ ಕೆಲಸ ಮುಗಿಸಿ

ಮೆಗಾ ಇ-ಲೋಕ ಅದಾಲತ್‌ ನಾಳೆ

ಮೆಗಾ ಇ-ಲೋಕ ಅದಾಲತ್‌ ನಾಳೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.