ಆ್ಯಶಸ್ ಟೆಸ್ಟ್ : ಕುಸಿದರೂ ಕಾಂಗರೂ ಹಿಡಿತ
Team Udayavani, Sep 8, 2019, 5:48 AM IST
ಮ್ಯಾಂಚೆಸ್ಟರ್: ಆ್ಯಶಸ್ ಸರಣಿಯ ಮ್ಯಾಂಚೆಸ್ಟರ್ ಟೆಸ್ಟ್ ಪಂದ್ಯದ ದ್ವಿತೀಯ ಇನ್ನಿಂಗ್ಸ್ನಲ್ಲಿ ಆಸ್ಟ್ರೇಲಿಯ ಕುಸಿತ ಅನುಭವಿಸಿದರೂ ತನ್ನ ಹಿಡಿತವನ್ನು ಬಿಟ್ಟುಕೊಟ್ಟಿಲ್ಲ. 196 ರನ್ನುಗಳ ಬೃಹತ್ ಮುನ್ನಡೆ ಪಡೆದ ಬಳಿಕ 2ನೇ ಸರದಿ ಆರಂಭಿಸಿರುವ ಕಾಂಗರೂ ಪಡೆ, 4 ವಿಕೆಟಿಗೆ 132 ರನ್ ಗಳಿಸಿ ಅಂತಿಮ ಅವಧಿಯ ಆಟವಾಡುತ್ತಿದೆ. ಒಟ್ಟು 328 ರನ್ ಮುನ್ನಡೆಯಲ್ಲಿದೆ.
ವಾರ್ನರ್ ದ್ವಿತೀಯ ಇನ್ನಿಂಗ್ಸ್ನಲ್ಲೂ ರನ್ ಖಾತೆ ತೆರೆಯಲಿಲ್ಲ. ಸ್ಮಿತ್ ಮತ್ತೆ ತಂಡದ ನೆರವಿಗೆ ನಿಂತಿದ್ದು, 72 ರನ್ ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.