ಕೆಕೆಆರ್ಗೆ 48 ರನ್ ಸೋಲು; ಡೇವಿಡ್ ವಾರ್ನರ್ ಭರ್ಜರಿ ಶತಕ
Team Udayavani, May 1, 2017, 11:37 AM IST
ಹೈದರಾಬಾದ್: ಆಲ್ರೌಂಡ್ ಪ್ರದರ್ಶನ ನೀಡಿದ ಹಾಲಿ ಚಾಂಪಿಯನ್ ಸನ್ರೈಸರ್ ಹೈದರಾ ಬಾದ್ ತಂಡವು ರವಿವಾರದ ಐಪಿಎಲ್ ಪಂದ್ಯದಲ್ಲಿ ಕೆಕೆಆರ್ ತಂಡವನ್ನು 48 ರನ್ನುಗಳಿಂದ ಸೋಲಿಸಿದೆ.
ನಾಯಕ ಡೇವಿಡ್ ವಾರ್ನರ್ ಅವರ ಅಮೋಘ ಶತಕದಿಂದಾಗಿ ಹೈದರಾಬಾದ್ ತಂಡವು 3 ವಿಕೆಟಿಗೆ 209 ರನ್ನುಗಳ ಬೃಹತ್ ಮೊತ್ತ ಪೇರಿಸಿ ದರೆ ಕೆಕೆಆರ್ ತಂಡವು 7 ವಿಕೆಟಿಗೆ 161 ರನ್ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು.
ಈ ಹಿಂದಿನ ಪಂದ್ಯಗಳಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ್ದ ನಾಯಕ ಗೌತಮ್ ಗಂಭೀರ್ ಬೇಗನೇ ಔಟಾಗುತ್ತಲೇ ಕೆಕೆಆರ್ನ ಕುಸಿತ ಆರಂಭಗೊಂಡಿತು. ರಾಬಿನ್ ಉತ್ತಪ್ಪ ಮತ್ತು ಮನೀಷ್ ಪಾಂಡೆ ಬಿರುಸಿನ ಆಟವಾಡಿದರೂ ದೊಡ್ಡ ಜತೆಯಾಟ ಆಡಲು ವಿಫಲದರು. ಈ ನಡುವೆ ಮಳೆಯಿಂದ ಅರ್ಧತಾಸು ಸ್ಥಗಿತಗೊಂಡಿತ್ತು.
ಈ ಮೊದಲು ಟಾಸ್ ಸೋತು ಬ್ಯಾಟಿಂಗಿಗೆ ಇಳಿಸಲ್ಪಟ್ಟ ಹೈದರಾಬಾದ್ ತಂಡವು ಆರಂಭದಿಂದಲೇ ಭರ್ಜರಿ ಆಟಕ್ಕೆ ಇಳಿದಿತ್ತು. ಬೃಹತ್ ಮೊತ್ತ ಪೇರಿಸುವ ಉದ್ದೇಶ ಇಟ್ಟುಕೊಂಡು ಆಡಿದ ವಾರ್ನರ್ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದರು. ಅಮೋಘ ಶತಕ ಸಿಡಿಸುವ ಮೂಲಕ ಪಂದ್ಯದ ಹೀರೋ ಎನಿಸಿಕೊಂಡರು.
ಕೆಕೆಆರ್ ದಾಳಿಯನ್ನು ಪುಡಿಗಟ್ಟಿದ ವಾರ್ನರ್ ಕೇವಲ 20 ಎಸೆತಗಳಲ್ಲಿ ಅರ್ಧಶತಕ ಪೂರ್ತಿಗೊಳಿಸಿದ್ದರು. ಆಗ ಧವನ್ ಮೊತ್ತ ಇನ್ನೂ ಎರಡಂಕೆ ತಲುಪಿರಲಿಲ್ಲ. 43 ಎಸೆತಗಳಲ್ಲಿ ಶತಕ ಸಿಡಿಸಿದ ಅವರು ಒಟ್ಟಾರೆ 59 ಎಸೆತ ಎದುರಿಸಿ 10 ಬೌಂಡರಿ ಮತ್ತು 8 ಸಿಕ್ಸರ್ ನೆರವಿನಿಂದ 126 ರನ್ ಗಳಿಸಿದರು. ಮೊದಲ ವಿಕೆಟಿಗೆ ಧವನ್ ಜತೆ 139 ರನ್ನುಗಳ ಜತೆಯಾಟದಲ್ಲಿ ಪಾಲ್ಗೊಂಡ ಅವರು ತಂಡ ಬೃಹತ್ ಮೊತ್ತ ಪೇರಿಸುವ ಸೂಚನೆಯಿತ್ತರು.
ಸ್ಕೋರ್ ಪಟ್ಟಿ
ಸನ್ರೈಸರ್ ಹೈದರಾಬಾದ್
ಡೇವಿಡ್ ವಾರ್ನರ್ ಸಿ ಗಂಭೀರ್ ಬಿ ವೋಕ್ಸ್ 126
ಶಿಖರ್ ಧವನ್ ರನೌಟ್ 29
ಕೇನ್ ವಿಲಿಯಮ್ಸನ್ ರನೌಟ್ 40
ಯುವರಾಜ್ ಸಿಂಗ್ ಔಟಾಗದೆ 6
ಇತರ: 8
ಒಟ್ಟು (20 ಓವರ್ಗಳಲ್ಲಿ 3 ವಿಕೆಟಿಗೆ) 209
ವಿಕೆಟ್ ಪತನ: 1-130, 2-171, 3-209
ಬೌಲಿಂಗ್: ನಥನ್ ಕೌಲ್ಟರ್ ನೈಲ್ 4-0-34-0
ಉಮೇಶ್ ಯಾದವ್ 4-0-30-0
ಕ್ರಿಸ್ ವೋಕ್ಸ್ 4-0-46-1
ಯೂಸುಫ್ ಪಠಾಣ್ 1-0-17-0
ಸುನೀಲ್ ನಾರಾಯಣ್ 3-0-37-0
ಕುಲದೀಪ್ ಯಾದವ್ 4-0-43-0
ಕೋಲ್ಕತಾ ನೈಟ್ರೈಡರ್
ಸುನೀಲ್ ನಾರಾಯಣ್ ಸಿ ವಾರ್ನರ್ ಬಿ ಸಿರಾಜ್ 1
ಗೌತಮ್ ಗಂಭೀರ್ ಸಿ ರಶೀದ್ ಬಿ ಕೌಲ್ 11
ರಾಬಿನ್ ಉತ್ತಪ್ಪ ಸಿ ವಾರ್ನರ್ ಬಿ ಸಿರಾಜ್ 53
ಮನೀಷ್ ಪಾಂಡೆ ಸಿ ಮತ್ತು ಬಿ ಕುಮಾರ್ 39
ಯೂಸುಫ್ ಪಠಾಣ್ ಸಿ ಕೌಲ್ ಬಿ ರಶೀದ್ 12
ಶೆಲ್ಡನ್ ಜ್ಯಾಕ್ಸನ್ ಸಿ ರಶೀದ್ ಬಿ ಕುಮಾರ್ 16
ಗ್ರ್ಯಾಂಡ್ಹೋಮ್ ಸಿ ರಶೀದ್ ಬಿ ಕೌಲ್ 18
ಕ್ರಿಸ್ ವೋಕ್ಸ್ ಔಟಾಗದೆ 6
ಇತರ: 5
ಒಟ್ಟು (20 ಓವರ್ಗಳಲ್ಲಿ 7 ವಿಕೆಟಿಗೆ) 161
ವಿಕೆಟ್ ಪತನ: 1-9, 2-12, 3-90. 4-109, 5-130, 6-154, 7-161
ಬೌಲಿಂಗ್: ಭುವನೇಶ್ವರ್ ಕುಮಾರ್ 4-0-29-2
ಮೊಹಮ್ಮದ್ ಸಿರಾಜ್ 4-0-26-2
ಸಿದ್ಧಾರ್ಥ್ ಕೌಲ್ 4-0-26-2
ಮೊಸಸ್ ಹೆನ್ರಿಕ್ಸ್ 3-0-31-0
ರಶೀದ್ ಖಾನ್ 4-0-30-1
ಬಿಪುಲ್ ಶರ್ಮ 1-0-10-0
ಪಂದ್ಯಶ್ರೇಷ್ಠ: ಡೇವಿಡ್ ವಾರ್ನರ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು
LSG vs CSK: ಲಕ್ನೋದಲ್ಲೂ ಚೆನ್ನೈ ಫೇವರಿಟ್
IPL; ರೋಚಕ ಪಂದ್ಯದಲ್ಲಿ ಪಂಜಾಬ್ ಎದುರು 9 ರನ್ ಜಯ ಸಾಧಿಸಿದ ಮುಂಬೈ
Austria Marathon: ಭಾರತವನ್ನು ಪ್ರತಿನಿಧಿಸಲಿರುವ ಕೊಡಗಿನ ಅಪ್ಪಚಂಗಡ ಬೆಳ್ಯಪ್ಪ
ಮೊಣಕಾಲಿನ ಗಾಯಕ್ಕೆ ಶಸ್ತ್ರಚಿಕಿತ್ಸೆ ಅಗತ್ಯ ಒಲಿಂಪಿಕ್ಸ್ನಿಂದ ಹೊರಬಿದ್ದ ಶ್ರೀಶಂಕರ್