ರಾಷ್ಟ್ರೀಯ ಕ್ರೀಡೆಯಾಗಿ ಹಾಕಿ ಪರಿಗಣನೆ ಅಸಾಧ್ಯ: ಸುಪ್ರೀಂ
Team Udayavani, Sep 8, 2021, 3:20 PM IST
ನವದೆಹಲಿ: ಹಾಕಿಯನ್ನು ರಾಷ್ಟ್ರೀಯ ಕ್ರೀಡೆ ಎಂದು ಪರಿಗಣಿಸಲು ಸಾಧ್ಯವಿಲ್ಲ ಎಂದು ಸರ್ವೋಚ್ಚ ನ್ಯಾಯಾಲಯ ಪ್ರತಿಪಾದಿಸಿದೆ. ಈ ಸಂಬಂಧ ಸಲ್ಲಿಕೆಯಾಗಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ತಿರಸ್ಕರಿಸಿದ ಸರ್ವೋಚ್ಚ ಪೀಠ,ಕೇಂದ್ರ ಸರ್ಕಾರಕ್ಕೆ ಇಂತಹ ಸೂಚನೆ ನೀಡಲು ಸಾಧ್ಯವಿಲ್ಲ ಎಂದಿದೆ.
ಅಚ್ಚರಿಯೆಂದರೆ ಹಾಕಿಯನ್ನುಇದುವರೆಗೆ ರಾಷ್ಟ್ರೀಯ ಕ್ರೀಡೆ ಎಂದೇ ಬಿಂಬಿಸಲಾಗುತ್ತಿದ್ದರೂ, ಅಧಿಕೃತವಾಗಿ ಸರ್ಕಾರ ಆ ಮಾನ್ಯತೆಯನ್ನು ನೀಡಿಲ್ಲ! ಇದು ಮಾಹಿತಿ ಹಕ್ಕು ಅರ್ಜಿಯೊಂದರಲ್ಲಿ ಬಹಿರಂಗವಾಗಿದೆ.
ಇದನ್ನೂ ಓದಿ:ಅನುಶ್ರೀ ಜೈಲಿಗೆ ಹೋಗುವುದು ಪಕ್ಕಾ : ಪ್ರಶಾಂತ್ ಸಂಬರಗಿ
ವಕೀಲರೊಬ್ಬರು ಪಿಐಎಲ್ ಸಲ್ಲಿಕೆ ಮಾಡಿದ್ದು, ದೇಶದಲ್ಲಿ ಸದ್ಯ ರಾಷ್ಟ್ರೀಯ ಪ್ರಾಣಿಗೆ ಮಾನ್ಯತೆ ನೀಡಲಾಗಿದೆ. ಆದರೆ, ರಾಷ್ಟ್ರೀಯಕ್ರೀಡೆಯಾಗಿ ಹಾಕಿಯನ್ನು ಏಕೆ ಗುರುತಿಸಬಾರದು ಎಂದು ಪ್ರಶ್ನೆ ಮಾಡಿದ್ದಾರೆ. ಹೀಗಾಗಿ, ಕೇಂದ್ರ ಸರ್ಕಾರಕ್ಕೆ ಈ ಬಗ್ಗೆ ನ್ಯಾಯಾಲಯ ಆದೇಶ ಕೊಡಬೇಕು. ರಾಷ್ಟ್ರೀಯ ಕ್ರೀಡೆ ಎಂದು ಹಾಕಿಯನ್ನು ಪರಿಗಣಿಸಿ, ಅದರ ಬೆಳ ವಣಿಗೆಗಾಗಿ ಹೆಚ್ಚಿನ ಅನುದಾನ ಮತ್ತು ಪ್ರೋತ್ಸಾಹ ಸಿಗುವಂತೆ ಮಾಡಬೇಕು ಎಂದು ಮನವಿ ಮಾಡಿದ್ದರು.