ಫ್ರೆಂಚ್ ಓಪನ್: ಸ್ವಿಯಾಟೆಕ್-ಕಸತ್ಕಿನಾ ಸೆಮಿಫೈನಲ್ ಸೆಣಸಾಟ
Team Udayavani, Jun 1, 2022, 11:52 PM IST
ಪ್ಯಾರಿಸ್: ವಿಶ್ವದ ನಂ.1 ಆಟಗಾರ್ತಿ ಐಗಾ ಸ್ವಿಯಾಟೆಕ್ ಮತ್ತು 20ನೇ ರ್ಯಾಂಕಿಂಗ್ ಆಟಗಾರ್ತಿ ದರಿಯಾ ಕಸತ್ಕಿನಾ ವನಿತಾ ಸಿಂಗಲ್ಸ್ ಸೆಮಿಫೈನಲ್ನಲ್ಲಿ ಸೆಣಸಾಡಲಿದ್ದಾರೆ. ಈ ಮುಖಾಮುಖಿ ಗುರುವಾರ ಸಂಜೆ 6.30ಕ್ಕೆ ಆರಂಭವಾಗಲಿದೆ.
ಆಲ್ ರಷ್ಯನ್ ಕಾಳಗವೊಂದರಲ್ಲಿ ದರಿಯಾ ಕಸತ್ಕಿನಾ 6-4, 7-5 ಅಂತರದಿಂದ ವೆರೋನಿಕಾ ಕುಡೆರ್ಮೆಟೋವಾ ಅವರನ್ನು ಮಣಿಸಿದರು. ಇದು ಕಸತ್ಕಿನಾ ಕಾಣುತ್ತಿರುವ ಮೊದಲ ಗ್ರ್ಯಾನ್ಸ್ಲಾಮ್ ಸೆಮಿಫೈನಲ್.
ಮೊದಲ ಸೆಟ್ ಗೆದ್ದ ಕಸತ್ಕಿನಾ ದ್ವಿತೀಯ ಸೆಟ್ನಲ್ಲಿ 5-0 ಅಮೋಘ ಮುನ್ನಡೆಯಲ್ಲಿದ್ದರು. ಈ ಹಂತದಲ್ಲಿ ಕುಡೆರ್ಮೆಟೋವಾ ತಿರುಗಿ ಬಿದ್ದರು. ಪಂದ್ಯ ರೋಚಕ ಘಟ್ಟ ತಲುಪಿತು. ಇಲ್ಲಿಂದ ಮುಂದೆ ಅಮೋಘ ರೀತಿಯಲ್ಲಿ ತಿರುಗೇಟು ನೀಡಿದ ಕಸತ್ಕಿನಾ 7-5ರ ಮೇಲುಗೈ ಸಾಧಿಸುವಲ್ಲಿ ಯಶಸ್ವಿಯಾದರು.
ಪೋಲೆಂಡ್ನ ಐಗಾ ಸ್ವಿಯಾಟೆಕ್ ಅಮೆರಿಕದ ಜೆಸ್ಸಿಕಾ ಪೆಗುಲಾ ವಿರುದ್ಧ 6-3, 6-2 ಅಂತರದ ಸುಲಭ ಜಯ ಸಾಧಿಸಿ ತಮ್ಮ ಸತತ ಗೆಲುವಿನ ಓಟವನ್ನು 33 ಪಂದ್ಯಗಳಿಗೆ ವಿಸ್ತರಿಸಿದರು.
ಇನ್ನೊಂದು ಪಂದ್ಯ ಗೆದ್ದರೆ ಸೆರೆನಾ ವಿಲಿಯಮ್ಸ್ ಅವರ ಸತತ 34 ಗೆಲುವಿನ ಓಟವನ್ನು ಸರಿದೂಗಿಸಲಿದ್ದಾರೆ. ಸೆರೆನಾ 2013ರ ಮಿಯಾಮಿ ಟೂರ್ನಿ ಹಾಗೂ ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ನಡುವಿನ ಅವಧಿಯಲ್ಲಿ ಈ ಸಾಧನೆಗೈದಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಹಿಂದುತ್ವಕ್ಕೆ ಬದ್ಧತೆ, ಸಮಗ್ರ ಅಭಿವೃದ್ಧಿಗೆ ಆದ್ಯತೆ: ಕ್ಯಾಪ್ಟನ್ ಬ್ರಿಜೇಶ್ ಚೌಟ
ಕೋಮುಸೂಕ್ಷ್ಮ ಹಣೆಪಟ್ಟಿ ಕಳಚಿ, ಅಭಿವೃದ್ಧಿಗಾಗಿ ಕಾಂಗ್ರೆಸ್ ಬೆಂಬಲಿಸಿ: ಪದ್ಮರಾಜ್ ಪೂಜಾರಿ
ಕೆಂಪಡಿಕೆ ಧಾರಣೆ ಏರಿಕೆ; ಚಾಲಿ ಅಡಿಕೆಗೂ ಬೇಡಿಕೆ: ಚುನಾವಣೆ ಬಳಿಕ ಮತ್ತಷ್ಟು ಹೆಚ್ಚಳ ಸಾಧ್ಯತೆ
ದಕ್ಷಿಣ ಕನ್ನಡ, ಉಡುಪಿ ಚಿಕ್ಕಮಗಳೂರು ಕ್ಷೇತ್ರಗಳು ; ಬಹಿರಂಗ ಪ್ರಚಾರ ಅಂತ್ಯ
Kodagu: ಕಾನೂನು ಸುವ್ಯವಸ್ಥೆಗೆ 1,600 ಪೊಲೀಸರ ನಿಯೋಜನೆ