ಟೇಬಲ್ ಟೆನಿಸ್: ಮೊದಲ ಸುತ್ತಿನಲ್ಲಿ ಭಾರತ ಮುನ್ನಡೆ
Team Udayavani, Apr 6, 2018, 6:20 AM IST
ಗೋಲ್ಡ್ ಕೋಸ್ಟ್: ಕಾಮನ್ವೆಲ್ತ್ ಗೇಮ್ಸ್ನ ಟೇಬಲ್ ಟೆನಿಸ್ ಸ್ಪರ್ಧೆಯ ಮೊದಲ ಸುತ್ತಿನಲ್ಲಿ ಭಾರತ ಮುನ್ನಡೆ ಸಾಧಿಸಿದೆ. ಪುರುಷರ ತಂಡವು ಟ್ರನಿಡಾಡ್ ಆ್ಯಂಡ್ ಟೊಬಾಗೋ ತಂಡವನ್ನು 3-0 ಅಂತರದಿಂದ ಸೋಲಿಸಿದರೆ, ವನಿತಾ ತಂಡವೂ ಶ್ರೀಲಂಕಾ ವಿರುದ್ಧ 3-0 ಅಂತರದಿಂದ ಜಯ ಸಾಧಿಸಿದೆ.
ಪುರುಷರ ಸಿಂಗಲ್ಸ್ನ ಮೊದಲ ಸುತ್ತಿನಲ್ಲಿ ಭಾರತದ ಅಮಲ್ರಾಜ್ ಅಂಥೋನಿ ಅವರು ಟ್ರನಿಡಾಡ್ನ ಆಟಗಾರ ಡೆಕ್ಸ$rರ್ ಸೇಂಟ್ ಲೂಯೀಸ್ ಅವರನ್ನು 11-5, 3-11, 11-2, 14-12 ಅಂತರದಿಂದ ಸೋಲಿಸಿದರೆ ಮತ್ತೂಬ್ಬ ಆಟಗಾರ ಸತಿಯನ್ ಗುಣಶೇಖರನ್ ಅವರು ಆರೋನ್ ವಿಲ್ಸನ್ ವಿರುದ್ಧ 11-5, 11-5, 11-4ರ ಗೆಲುವು ಸಾಧಿಸಿದರು.
ಪುರುಷರ ಡಬಲ್ಸ್ನಲ್ಲಿ ಹರ್ಮಿತ್ ದೇಸಾಯಿ ಮತ್ತು ಸತಿಯನ್ ಜೋಡಿಯು ಯುವರಾಜ್ ದೂಕ್ರಮ್ ಮತ್ತು ಆರೋನ್ ವಿಲ್ಸನ್ ಜೋಡಿಗೆ 11-9, 11-4, 11-4ರ ಸೋಲುಣಿಸಿತು.
ವನಿತಾ ಸಿಂಗಲ್ಸ್ನ ಮೊದಲ ಸುತ್ತಿನಲ್ಲಿ ಸ್ಟಾರ್ ಆಟಗಾರ್ತಿ ಮಣಿಕಾ ಭಾತ್ರಾ ಅವರು ಎರಾಂಡಿ ವಾರ್ಸುವಿತಾನಾ ವಿರುದ್ಧ 11-3, 11-5, 11-3ರ ಗೆಲುವು ಸಾಧಿಸಿದರೆ, ಎರಡನೇ ಸುತ್ತಿನಲ್ಲಿ ಸುತೀರ್ಥಾ ಮುಖರ್ಜಿ ಅವರು ಇಶಾರ ಬಾಡು ವಿರುದ್ಧ 11-5, 11-8, 11-4 ಅಂತರದಿಂದ ಗೆದ್ದರು. ಡಬಲ್ಸ್ನಲ್ಲಿ ಸುತೀರ್ಥಾ-ಪೂಜಾ ಸಹಸ್ರಬುದೇ ಜೋಡಿಯು ಬಾಡು-ಹನ್ಸಾನಿ ಕಪುಗೀಕಿಯಾನ ಜೋಡಿ ವಿರುದ್ಧ 11-6, 11-7, 11-3ರ ಗೆಲುವು ಸಾಧಿಸಿದೆ.