ಡೆಲ್ಲಿ ಕ್ಯಾಪಿಟಲ್ಸ್ ಸೇರಿಕೊಂಡ ಫ‌ರ್ಹಾರ್ಟ್‌

Team Udayavani, Aug 3, 2019, 5:15 AM IST

ಹೊಸದಿಲ್ಲಿ: ಭಾರತ ತಂಡದ ಮಾಜಿ ಫಿಸಿಯೊ ಪ್ಯಾಟ್ರಿಕ್‌ ಫ‌ರ್ಹಾರ್ಟ್‌ ಡೆಲ್ಲಿ ಕ್ಯಾಪಿಟಲ್ ತಂಡದ ಫಿಸಿಯೋ ಆಗಿ ಆಯ್ಕೆಯಾಗಿದ್ದಾರೆ. ಮುಂದಿನ ಮೂರು ವರ್ಷಗಳ ಕಾಲ ಅವರು ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಸಿಇಒ ಧೀರಜ್‌ ಮಲ್ಹೋತ್ರ ತಿಳಿಸಿದ್ದಾರೆ.

ಫ‌ರ್ಹಾರ್ಟ್‌ಗೆ ಇದು ಐಪಿಎಲ್ನ ಮೂರನೇ ತಂಡವಾಗಿದೆ. ಇದಕ್ಕೂ ಮೊದಲು ಮುಂಬೈ ಇಂಡಿಯನ್ಸ್‌, ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದ ಪರ ಕಾರ್ಯ ನಿರ್ವಹಿಸಿದ್ದರು.

‘ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಎನ್ನುವುದು ಕ್ರಿಕೆಟ್ ಜಾತ್ರೆ. ಇಂತಹ ಪ್ರಸಿದ್ಧ ಕೂಟದಲ್ಲಿ ಕೆಲಸ ಮಾಡಲು ಅವಕಾಶ ನೀಡಿದ ಡೆಲ್ಲಿ ಕ್ಯಾಪಿಟಲ್ಸ್‌ಗೆ ಧನ್ಯವಾದಗಳು’ ಎಂದು ಪ್ಯಾಟ್ರಿಕ್‌ ಫ‌ರ್ಹಾರ್ಟ್‌ ಹೇಳಿದ್ದಾರೆ.