ಮತ್ತೂಮ್ಮೆ ಮುಳುಗಿದ ಟೈಟಾನ್ಸ್
Team Udayavani, Aug 31, 2019, 5:19 AM IST
ಹೊಸದಿಲ್ಲಿ: ಪ್ರಸಕ್ತ ಸಾಲಿನ ಪ್ರೊ ಕಬಡ್ಡಿಯಲ್ಲಿ ತೆಲುಗು ಟೈಟಾನ್ಸ್ ತಂಡದ ಸೋಲಿನ ಮೆರವಣಿಗೆ ಮುಂದುವರಿದಿದೆ.
“ತ್ಯಾಗರಾಜ್ ಒಳಾಂಗಣ ಕ್ರೀಡಾಂಗಣ’ದಲ್ಲಿ ಶುಕ್ರವಾರದ ಮೊದಲ ಪಂದ್ಯದಲ್ಲಿ ಪುನೇರಿ ಪಲ್ಟಾನ್ 34-27 ಅಂತರದಿಂದ ತೆಲುಗು ಟೈಟಾನ್ಸ್ ತಂಡವನ್ನು ಸೋಲಿಸಿತು. ತಾರಾ ರೈಡರ್ ಸಿದ್ಧಾರ್ಥ್ ದೇಸಾಯಿ (7 ಅಂಕ) ಅವರ ಉತ್ತಮ ಪ್ರದರ್ಶನದ ಹೊರತಾಗಿಯೂ ಟೈಟಾನ್ಸ್ ಕಳಪೆ ಪ್ರದರ್ಶನ ಮುಂದುವರಿಯಿತು. ಸಿ. ಅರುಣ್ (6 ಅಂಕ) ಹಾಗೂ ವಿಶಾಲ್ ಭಾರದ್ವಾಜ್ (5 ಅಂಕ) ಅಮೋಘ ಟ್ಯಾಕಲ್ ನಡೆಸಿದರು.
ಪುನೇರಿ ಪರ ಮಂಜೀತ್ (9 ಅಂಕ) ಹಾಗೂ ನಿತಿನ್ ತೋಮರ್ (8 ಅಂಕ) ಭರ್ಜರಿ ಆಟ ಪ್ರದರ್ಶಿಸಿದರು.
ದಿನದ ಇನ್ನೊಂದು ಪಂದ್ಯದಲ್ಲಿ ಆತಿಥೇಯ ದಬಾಂಗ್ ಡೆಲ್ಲಿ 38-35 ಅಂತರದಿಂದ ಪಾಟ್ನಾ ತಂಡಕ್ಕೆ ಸೋಲುಣಿಸಿತು.