ಇಂದು ಲಸಿತ ಮಾಲಿಂಗ ಕೊನೆಯ ಆಟ
ಶ್ರೀಲಂಕಾ-ಬಾಂಗ್ಲಾದೇಶ ಮೊದಲ ಏಕದಿನ ; ಕೊಲಂಬೊದಲ್ಲಿ ಮಾಲಿಂಗ ವಿದಾಯ ಪಂದ್ಯ
Team Udayavani, Jul 26, 2019, 5:09 AM IST
ಕೊಲಂಬೊ: “ಲಗೋರಿ ಬೌಲರ್’ ಎಂದೇ ಗುರುತಿಸಲ್ಪಟ್ಟ ಶ್ರೀಲಂಕಾದ ವಿಚಿತ್ರ ಶೈಲಿಯ ವೇಗಿ, ರಂಗು ರಂಗಿನ ಆಟಗಾರ ಲಸಿತ ಮಾಲಿಂಗ ಶುಕ್ರವಾರ ತಮ್ಮ ಅಂತಿಮ ಏಕದಿನ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಲಿದ್ದಾರೆ. ಪ್ರವಾಸಿ ಬಾಂಗ್ಲಾದೇಶ ವಿರುದ್ಧದ ಈ ಪಂದ್ಯ ಕೊಲಂಬೊದಲ್ಲಿ ನಡೆಯಲಿದ್ದು, ಮಾಲಿಂಗ ಕೊನೆಯ ಸಲ ಅಂಗಳಕ್ಕಿಳಿಯಲಿದ್ದಾರೆ.
ಈ ಸರಣಿಯಲ್ಲಿ 3 ಏಕದಿನ ಮುಖಾಮುಖೀ ನಡೆಯಲಿದ್ದು, ಶುಕ್ರವಾರದ ಮೊದಲ ಪಂದ್ಯ ಲಸಿತ ಮಾಲಿಂಗ ಪಾಲಿನ “ವಿದಾಯ ಪಂದ್ಯ’ವಾಗಲಿದೆ.
ಸತತ ಗಾಯದಿಂದ ಹಿನ್ನಡೆ
ಮಾಲಿಂಗ 2004ರಲ್ಲಿ ಯುಎಇ ವಿರುದ್ಧ ಡಂಬುಲದಲ್ಲಿ ಏಕದಿನಕ್ಕೆ ಪದಾರ್ಪಣೆ ಮಾಡಿ ದ್ದರು. ಈ 15 ವರ್ಷಗಳ ಅವಧಿಯಲ್ಲಿ ಬಹಳಷ್ಟು ಸಲ ಗಾಯಾಳಾಗಿ ಹೊರಗುಳಿದುದರಿಂದ ಅವರ ವಿಕೆಟ್ ಬೇಟೆಗೆ ಭಾರೀ ಹಿನ್ನಡೆಯಾದದ್ದು ಸುಳ್ಳಲ್ಲ. ಮಾಲಿಂಗ ವಿದಾಯದಿಂದ ಶ್ರೀಲಂಕಾ ಸ್ಟಾರ್ ಆಟಗಾರನೊಬ್ಬನ ಸೇವೆಯನ್ನು ಕಳೆದುಕೊಳ್ಳಲಿದೆ, ಜತೆಗೆ “ವಿಕೆಟ್ ಟೇಕರ್’ ಬೌಲರ್ ಒಬ್ಬನನ್ನೂ.
ದಾಳಿ ಬಳಿಕ ಮೊದಲ ಸರಣಿ
“ಈಸ್ಟರ್ ಸಂಡೇ’ಯಂದು ನಡೆದ ಭೀಕರ ಭಯೋತ್ಪಾದಕ ದಾಳಿ ಬಳಿಕ ಇದು ಶ್ರೀಲಂಕಾದಲ್ಲಿ ನಡೆಯಲಿರುವ ಮೊದಲ ಅಂತಾರಾಷ್ಟ್ರೀಯ ಕ್ರಿಕೆಟ್ ಸರಣಿ. ಬಿಗಿ ಭದ್ರತೆ ನಡುವೆ ಬಾಂಗ್ಲಾದೇಶ ತಂಡ ಇಲ್ಲಿಗೆ ಆಗಮಿಸಿದೆ.
ಮಶ್ರಫೆ ಮೊರ್ತಜಾ ಗಾಯಾಳಾಗಿ ಹೊರ ಗುಳಿದ ಕಾರಣ ಆರಂಭಕಾರ ತಮಿಮ್ ಇಕ್ಬಾಲ್ ಈ ಸರಣಿಯಲ್ಲಿ ಬಾಂಗ್ಲಾ ತಂಡವನ್ನು ಮುನ್ನಡೆ ಸಲಿದ್ದಾರೆ. ವಿಶ್ವಕಪ್ನಲ್ಲಿ 606 ರನ್ ಹಾಗೂ 11 ವಿಕೆಟ್ ಸಂಪಾದಿಸಿದ ಆಲೌರೌಂಡರ್ ಶಕಿಬ್ ಅಲ್ ಹಸನ್ ಸೇವೆ ಕೂಡ ಬಾಂಗ್ಲಾಕ್ಕೆ ಸಿಗುತ್ತಿಲ್ಲ.
ಲಂಕೆಯ 3ನೇ ಸಾಧಕ
35ರ ಹರೆಯದ “ಸೆಪರಮಡು ಲಸಿತ ಮಾಲಿಂಗ ಸ್ವರ್ಣಜಿತ್’ ಪಾಲಿಗೆ ಇದು 226ನೇ ಏಕದಿನ ಅಂತಾರಾಷ್ಟ್ರೀಯ ಪಂದ್ಯ. ಒಟ್ಟು 335 ವಿಕೆಟ್ ಹಾರಿಸಿ ಲಂಕಾ ಬೌಲಿಂಗ್ ಸಾಧಕರ ಯಾದಿಯಲ್ಲಿ 3ನೇ ಸ್ಥಾನ ಅಲಂಕರಿಸಿದ್ದಾರೆ. ಮುತ್ತಯ್ಯ ಮುರಳೀಧರನ್ (523), ಚಮಿಂಡ ವಾಸ್ (399) ಹೊರತುಪಡಿಸಿದರೆ ಮಾಲಿಂಗ ಅವರೇ ಲಂಕೆಯ ಶ್ರೇಷ್ಠ ಬೌಲರ್. ಇನ್ನು 3 ವಿಕೆಟ್ ಉರುಳಿಸಿದರೆ ಅನಿಲ್ ಕುಂಬ್ಳೆ (337) ಅವರನ್ನು ಹಿಂದಿಕ್ಕಿ ವಿಶ್ವ ಮಟ್ಟದಲ್ಲಿ 9ನೇ ಸ್ಥಾನ ಅಲಂಕರಿಸಲಿದ್ದಾರೆ.
2004-2010ರ ಅವಧಿಯಲ್ಲಿ 30 ಟೆಸ್ಟ್ ಗಳನ್ನಾಡಿದ ಲಸಿತ ಮಾಲಿಂಗ, 5 ದಿನಗಳ ಪಂದ್ಯದಲ್ಲಿ ವಿಶೇಷ ಸಾಧನೆ ಮಾಡದಿದ್ದರೂ ವಿಕೆಟ್ ಶತಕ ದಾಖಲಿಸುವಲ್ಲಿ ಯಶಸ್ವಿಯಾಗಿದ್ದಾರೆ (101).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Politics: ಚಿತ್ರದುರ್ಗ ರಾಜಕೀಯ ನಿರಾಶ್ರಿತರ ಕೇಂದ್ರವೇ?: ರಘುಚಂದನ್
PSI re-examination: ಪಿಎಸ್ಐ ಮರು ಪರೀಕ್ಷೆ, ಅಂತಿಮ ಅಂಕಪಟ್ಟಿ ಬಿಡುಗಡೆ
Mandya: ಬಿಜೆಪಿ ಮುಖಂಡರಿಗೆ ವೇದಿಕೆ ಬಿಟ್ಟು ಕೆಳಗೆ ಕುಳಿತ ಮಂಡ್ಯ ದಳಪತಿಗಳು!
Pramod Madhwaraj: ಸಂಸದರಿಗೆ ಭಾಷೆಯಲ್ಲ,ಕೆಲಸ ಮುಖ್ಯ: ಪ್ರಮೋದ್ ಮಧ್ವರಾಜ್
Hassan Lok sabha Constituency: ಪ್ರಜ್ವಲ್ ರೇವಣ್ಣ ನಾಮಪತ್ರ ಸಲ್ಲಿಕೆ