ಕೊರೊನಾ ಸೋಂಕು ಒಲಿಂಪಿಕ್ಸ್ಗೆ ಮುಂದುವರಿದ ಅನಿಶ್ಚಿತತೆ
ಲಾಸನ್ನೆಯಲ್ಲಿ ಐಒಸಿ ಉನ್ನತ ಮಟ್ಟದ ಸಭೆ
Team Udayavani, Mar 18, 2020, 6:45 AM IST
ಲಾಸನ್ನೆ: ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿ (ಐಒಸಿ)ಯು ಮಂಗಳವಾರ ಟೋಕಿಯೊ ಒಲಿಂಪಿಕ್ಸ್ ಸಂಘಟಿಸುವ ಸಾಧ್ಯತೆ ಬಗ್ಗೆ ಉನ್ನತ ಮಟ್ಟದ ಸಭೆ ನಡೆಸಿದೆ. ವಿಶ್ವದಾದ್ಯಂತ ಕೊರೊನಾ ವೈರಸ್ ಹರಡುತ್ತಿರುವುದರಿಂದ ಕ್ರೀಡಾ ಪಟುಗಳ ಜೀವದ ಜತೆ ಆಟವಾಡುವುದು ಬೇಡವೆಂದು ಜಪಾನಿನ ಜನತೆ ಅಧಿಕಾರಿಗಳಲ್ಲಿ ವಿನಂತಿಸಿಕೊಂಡಿದ್ದಾರೆ.
ಯುರೋಪ್ನ ಬಹುತೇಕ ದೇಶಗಳಲ್ಲಿ ಕೊರೊನಾ ಸೋಂಕಿನಿಂದಾಗಿ ಎಲ್ಲ ಚಟುವಟಿ ಕೆಗಳು ಸ್ಥಗಿತಗೊಂಡಿವೆ. ಈ ಸೋಂಕು ಇನ್ನೂ ನಿಯಂತ್ರಣಕ್ಕೆ ಬಾರದ ಕಾರಣ ಟೋಕಿಯೊ ಒಲಿಂಪಿಕ್ಸ್ ಕೂಟವನ್ನು ಮುಂದೂಡುವ ಅಥವಾ ರದ್ದುಗೊಳಿಸುವ ಬಗ್ಗೆ ಯಾವುದೇ ನಿರ್ಧಾರವನ್ನು ಸಭೆ ತೆಗೆದುಕೊಂಡಿಲ್ಲ.
ಕಾನ್ಫರೆನ್ಸ್ ಮೂಲಕ ಐಒಸಿಯ ಕಾರ್ಯಕಾರಿ ಮಂಡಳಿಯು ಸಭೆ ನಡೆಸಿ ಮಾಹಿತಿ ವಿನಿಮಯ ಮಾಡಿಕೊಳ್ಳಲಿದೆ. ಈ ಮಂಡಳಿಯು ಬುಧವಾರವೂ ಆ್ಯತ್ಲೀಟ್ಗಳ ಪ್ರತಿನಿಧಿ, ರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಮತ್ತು ಇಂಟರ್ನ್ಯಾಶನಲ್ ಫೆಡರೇಶನ್ಗಳ ಜತೆ ಗಂಭೀರ ಚರ್ಚೆ ನಡೆಸಲಿದೆ.
ಮಂಗಳವಾರ ನಡೆದ ಕಾನ್ಫರೆನ್ಸ್ ಸಭೆಯಲ್ಲಿ ಒಲಿಂಪಿಕ್ ಕೂಟಕ್ಕೆ ಸದ್ಯ ಸಾಗುತ್ತಿರುವ ಅರ್ಹತಾ ಕೂಟಗಳ ಕುರಿತು ಪ್ರಮುಖವಾಗಿ ಚರ್ಚೆ ನಡೆಸಲಾಗಿದೆ. ಒಲಿಂಪಿಕ್ಸ್ಗೆ ಅರ್ಹತೆಗಳಿಸಲು ಬಾಕ್ಸರ್ಗಳಿಗೆ ಸೋಮವಾರ ಲಂಡನ್ನಲ್ಲಿ ನಡೆಯಬೇಕಾಗಿದ್ದ ಕೂಟವನ್ನು ತಡೆ ಹಿಡಿಯಲಾಗಿದ್ದನ್ನು ಚರ್ಚಿಸಲಾಯಿತು.
ಕೊರೊನ ತಡೆಗಟ್ಟಲು ವಿಶ್ವಾದ್ಯಂತ ಅಧಿಕಾರಿಗಳು ಹಲವಾರು ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ. ವಿಶ್ವದೆಲ್ಲೆಡೆ ಶಾಂತಿ ಮರಳಲು ಮತ್ತು ಈ ಸೋಂಕಿನಿಂದ ಎಲ್ಲ ರಾಷ್ಟ್ರಗಳು ಮುಕ್ತಿ ಹೊಂದುವ ಆಶಾಭಾವ ನಮ್ಮದು. ಒಂದು ವೇಳೆ ಇದು ಸಾಧ್ಯವಾದರೆ ಒಲಿಂಪಿಕ್ ಗೇಮ್ಸ್ ನಿಗದಿತ ಸಮಯದಂತೆ ಆಯೋಜಿಸಲು ನಮ್ಮಿಂದ ಸಾಧ್ಯವಾಗಬಹುದು ಎಂದು ಐಒಸಿ ಹೇಳಿದೆ. ಜುಲೈ 24ರ ಉದ್ಘಾಟನ ಸಮಾರಂಭ ಜರಗಲು ಇನ್ನು 19 ವಾರಗಳಿವೆ.
ಸಿದ್ಧತೆ ಮುಂದುವರಿಯಲಿದೆ
ಕೊರೊನಾ ಭೀತಿಯಿದ್ದರೂ ಒಲಿಂಪಿಕ್ಸ್ನ ಕ್ರೀಡಾಜ್ಯೋತಿ ಬೆಳಗಿಸಲು ಬೇಕಾದ ಎಲ್ಲ ಸಿದ್ಧತೆಗಳು ಮುಂದುವರಿಯಲಿವೆ ಎಂದು ಜಪಾನ್ನ ಪ್ರಧಾನಮಂತ್ರಿ ಶಿಂಜೊ ಅಬೆ ಮತ್ತು ಐಒಸಿ ಮುಖ್ಯಸ್ಥ ಥಾಮಸ್ ಬಾಕ್ ಹೇಳಿದ್ದಾರೆ. ಆದರೆ ಜಪಾನ್ನಲ್ಲಿ ಸದ್ಯ ಕ್ರೀಡಾ ಚಟುವಟಿಕೆ ಬಹುತೇಕ ಸ್ಥಗಿತಗೊಂಡಿದೆ. ಪ್ರೀಮಿಯರ್ ಲೀಗ್ನಿಂದ ಹಿಡಿದು ಎನ್ಬಿಎ ಬಾಸ್ಕೆಟ್ಬಾಲ್ ಪಂದ್ಯಾಟವನ್ನು ರದ್ದು ಮಾಡಲಾಗಿದೆ. ಇದೇ ವೇಳೆ ಅಮೆರಿಕ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಒಲಿಂಪಿಕ್ ಕೂಟವನ್ನು ತಡೆಹಿಡಿಯುವುದು ಸೂಕ್ತವೆಂಬ ಸಲಹೆ ನೀಡಿದ್ದಾರೆ.
“ಕಠಿನ ನಿರ್ಧಾರ ಸದ್ಯಕ್ಕಿಲ್ಲ’
ಟೋಕಿಯೊ ಒಲಿಂಪಿಕ್ಸ್ಗೆ ಸಂಬಂಧಿಸಿ ಸದ್ಯ ಕಠಿನ ನಿರ್ಧಾರ ತೆಗೆದುಕೊಳ್ಳುವ ಅಗತ್ಯವಿಲ್ಲ ಎಂದು ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿ (ಐಒಸಿ) ಹೇಳಿದೆ. ಗೇಮ್ಸ್ ಆರಂಭವಾಗಲು ಇನ್ನೂ ನಾಲ್ಕು ತಿಂಗಳು ಇದೆ. ಒಲಿಂಪಿಕ್ ಗೇಮ್ಸ್ ಸಂಘಟಿಸಲಸು ನಾವು ಪೂರ್ಣ ಬದ್ಧರಾ ಗಿದ್ದೇವೆ. ಈ ಹಂತದಲ್ಲಿ ಕಠಿನ ನಿರ್ಧಾರದ ಅಗತ್ಯವಿಲ್ಲ ಎಂದು ಐಒಸಿ ತಿಳಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Scam: 25,000 ಕೋಟಿ ಬ್ಯಾಂಕ್ ಹಗರಣ ಪ್ರಕರಣ: ಅಜಿತ್ ಪವಾರ್ ಪತ್ನಿ ಸುನೇತ್ರಾಗೆ ಕ್ಲೀನ್ ಚಿಟ್
OTT Release: ವಿಜಯ್ ದೇವರಕೊಂಡ ʼಫ್ಯಾಮಿಲಿ ಸ್ಟಾರ್ʼ ಓಟಿಟಿ ರಿಲೀಸ್ಗೆ ಡೇಟ್ ಫಿಕ್ಸ್
Theft ಶಿರೂರು: ಜ್ಯುವೆಲ್ಲರಿ ಅಂಗಡಿ ಶಟರ್ ಮುರಿದು ಕಳ್ಳತನ
90 ದಿನದಲ್ಲಿ ನೇಹಾ ಕುಟುಂಬಕ್ಕೆ ನ್ಯಾಯ ಸಿಗುವ ವಿಶ್ವಾಸವಿದೆ..: ರಣದೀಪ್ ಸಿಂಗ್ ಸುರ್ಜೇವಾಲಾ
ನಮ್ಮ ಆರಾಧನ ಪದ್ಧತಿ ಯುವ ಪೀಳಿಗೆಗೆ ಪರಿಚಯಿಸುವ ಅಗತ್ಯವಿದೆ: ರಾಕೇಶ್ ಶೆಟ್ಟಿ ಬೆಳ್ಳಾರೆ