ಯು.ಎಸ್. ಓಪನ್ನಿಂದ ಜೊಕೋವಿಕ್ ದೂರ?
Team Udayavani, Jun 11, 2020, 6:03 AM IST
ಸರ್ಬಿಯಾ: ಅಕಸ್ಮಾತ್ ಈ ವರ್ಷ ಯು.ಎಸ್. ಓಪನ್ ಟೆನಿಸ್ ಪಂದ್ಯಾವಳಿ ನಡೆಯುವುದೇ ಆದಲ್ಲಿ ಅಗ್ರ ಕ್ರಮಾಂಕದ ಟೆನಿಸಿಗ ನೊವಾಕ್ ಜೊಕೋವಿಕ್ ಇಲ್ಲಿ ಆಡುವ ಸಾಧ್ಯತೆ ಇಲ್ಲ ಎಂಬ ಸುದ್ದಿಯೊಂದು ಕೇಳಿಬಂದಿದೆ. ಫ್ರೆಂಚ್ ಓಪನ್ ಪಂದ್ಯಾವಳಿಯಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಅವರು ಈ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಇದೆ.
ಬ್ರಾಡ್ಕಾಸ್ಟರ್ ಆರ್ಟಿಎಸ್ ಜತೆಗೆ ಮಾತಾಡುವ ವೇಳೆ ಜೊಕೋವಿಕ್ ಇಂಥದೊಂದು ಸಾಧ್ಯತೆಯನ್ನು ತೆರೆದಿಟ್ಟಿದ್ದಾರೆ. ಅಲ್ಲದೇ ಯು.ಎಸ್. ಓಪನ್ ತಾಣವಾದ ನ್ಯೂಯಾರ್ಕ್ನಲ್ಲಿ ಕೊರೊನಾ ಇನ್ನೂ ನಿಯಂತ್ರಣಕ್ಕೆ ಬಾರದಿರುವುದೂ ಇದಕ್ಕೊಂದು ಕಾರಣವಾಗಿದೆ.
“ಸದ್ಯ ನನ್ನ ಯೋಜನೆ ಫ್ರೆಂಚ್ ಓಪನ್ನಲ್ಲಿ ಪಾಲ್ಗೊ ಳ್ಳುವುದು. ಹೀಗಾಗಿ ಇದಕ್ಕಿಂತ ಮೊದಲು ನಡೆಯುವ ಯು.ಎಸ್. ಓಪನ್ ಕೂಟದಲ್ಲಿ ಆಡುವ ಸಾಧ್ಯತೆ ಇಲ್ಲ. ನ್ಯೂಯಾರ್ಕ್ಗೆ ತೆರಳುವ ಕುರಿತು ಬಹುತೇಕ ಟೆನಿಸ್ ಗೆಳೆಯರು ನಕಾರಾತ್ಮಕ ಅಭಿಪ್ರಾಯವನ್ನೇ ವ್ಯಕ್ತಪಡಿಸಿದ್ದಾರೆ’ ಎಂದು ಜೊಕೋವಿಕ್ ಹೇಳಿದರು.
ಆದರೆ ಹೊರಗಿನಿಂದ ಅಮೆರಿಕ ಪ್ರವೇಶಿಸುವವರಿಗೆ 14 ದಿನಗಳ ಕ್ವಾರಂಟೈನ್ ಅಗತ್ಯವಿದೆ. ಕೂಟಕ್ಕೂ ಮೊದಲು ಆಟಗಾರರಿಗೆ ಟೆನಿಸ್ ಅಂಗಳ ಪ್ರವೇಶಿಸಲು ನಿರ್ಬಂಧವಿದೆ. ಇದರಿಂದ ಅಭ್ಯಾಸಕ್ಕೆ ಹಿನ್ನಡೆಯಾಗಲಿದೆ. ಇಂಥ ವಾತಾವರಣದಲ್ಲಿ ಆಡಲು ಕಿರಿಕಿರಿ ಆಗುತ್ತದೆ ಎಂದಿದ್ದಾರೆ ಜೊಕೋವಿಕ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kollam; ವಿಪಕ್ಷಗಳ ಮೇಲೆ ಆರೋಪ ಹೊರಿಸಿ ಪೇಚಿಗೆ ಸಿಲುಕಿದ ಬಿಜೆಪಿ ಅಭ್ಯರ್ಥಿ!
DGCA: ವಿಮಾನದಲ್ಲಿ 12 ವರ್ಷದೊಳಗಿನ ಮಕ್ಕಳಿಗೆ ಪೋಷಕರ ಪಕ್ಕ ಆಸನ?
Congress ಗೆದ್ದರೆ ದಲಿತರ ಮೀಸಲು ಮುಸ್ಲಿಂ ಪಾಲು: ಮೋದಿ ಮತ್ತೆ ವಾಗ್ಬಾಣ
Dakshina Kannada: 5 ಸಿಎಪಿಎಫ್/ಕೆಎಸ್ಆರ್ಪಿ ತುಕಡಿ, 3,100 ಸಿಬಂದಿ ನಿಯೋಜನೆ
Election: ಮಂಗಳೂರು-ಶೋರ್ನೂರು-ಬೆಂಗಳೂರು ಮಧ್ಯೆ ವಿಶೇಷ ರೈಲು