ಧೋನಿಗೆ ಆಟವನ್ನು ಹೇಳಿಕೊಡಬೇಕಾಗಿಲ್ಲ: ಕೊಹ್ಲಿ
Team Udayavani, Jul 8, 2017, 3:45 AM IST
ನವದೆಹಲಿ: ಎಂ.ಎಸ್.ಧೋನಿಗೆ ಹೇಗೆ ಕ್ರಿಕೆಟ್ ಆಡಬೇಕೆಂದು ಯಾರೂ ಹೇಳಿಕೊಡಬೇಕಾದ ಅಗತ್ಯವಿಲ್ಲ ಎಂದು ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದಾರೆ.
ಈ ಮೂಲಕ ಮಾಜಿ ನಾಯಕನ ಬೆಂಬಲಕ್ಕೆ ಕೊಹ್ಲಿ ನಿಂತಿದ್ದಾರೆ. ಇತ್ತೀಚೆಗೆ ಧೋನಿ ಪ್ರದರ್ಶನ ಚೆನ್ನಾಗಿಲ್ಲ. ನಿವೃತ್ತಿ ನೀಡಬೇಕು ಎನ್ನುವ ಒತ್ತಾಯ ಕೇಳಿ ಬರುತ್ತಿದೆ. ಈ ಬೆನ್ನಲ್ಲೇ ಕೊಹ್ಲಿ ಅವರನ್ನು ಬೆಂಬಲಿಸಿ ಮಾತನಾಡಿದ್ದಾರೆ. ಚೆಂಡನ್ನು ಧೋನಿ ಸ್ಟ್ರೈಕ್ ಮಾಡುವ ರೀತಿ ಚೆನ್ನಾಗಿದೆ. ಯಾವ ಸಂದರ್ಭವನ್ನು ಹೇಗೆ ನಿಭಾಯಿಸುವುದು, ಇನಿಂಗ್ಸ್ ಕಟ್ಟುವುದು ಹೇಗೆ? ಇದನ್ನು ಧೋನಿಗೆ ಹೇಳುವ ಅಗತ್ಯವಿಲ್ಲ. ಅವರಿಗೆ ಅದೆಲ್ಲ ಚೆನ್ನಾಗಿ ಗೊತ್ತಿದೆ ಎಂದು ತಿಳಿಸಿದರು.