ರೋವ್ಮನ್ ಪೊವೆಲ್ ಸಿಡಿಲಬ್ಬರದ ಶತಕ: 3ನೇ ಟಿ20 ಪಂದ್ಯ ಗೆದ್ದ ವೆಸ್ಟ್ ಇಂಡೀಸ್
Team Udayavani, Jan 27, 2022, 7:33 PM IST
ಬ್ರಿಜ್ಟೌನ್ (ಬಾರ್ಬಡಾಸ್): ರೋವ್ಮನ್ ಪೊವೆಲ್ ಬಾರಿಸಿದ 51 ಎಸೆತಗಳ ಶತಕ ಪರಾಕ್ರಮದಿಂದ 3ನೇ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್ ಮೇಲೆ ಸವಾರಿ ಮಾಡಿದ ವೆಸ್ಟ್ ಇಂಡೀಸ್ 2-1 ಮುನ್ನಡೆ ಸಾಧಿಸಿದೆ.
ಇಲ್ಲಿನ “ಕೆನ್ಸಿಂಗ್ಟನ್ ಓವಲ್’ನಲ್ಲಿ ನಡೆದ ಬೃಹತ್ ಮೊತ್ತದ ಮೇಲಾಟದಲ್ಲಿ ಕೆರಿಬಿಯನ್ ಪಡೆ 20 ರನ್ನುಗಳಿಂದ ಗೆದ್ದು ಬಂದಿತು.
ಬ್ಯಾಟಿಂಗಿಗೆ ಇಳಿಸಲ್ಪಟ್ಟ ವೆಸ್ಟ್ ಇಂಡೀಸ್ ಪೇರಿಸಿದ ರನ್ 5ಕ್ಕೆ 224. ಇದರಲ್ಲಿ ಮಧ್ಯಮ ಕ್ರಮಾಂಕದ ರೋವ್ಮನ್ ಪೊವೆಲ್ ಪಾಲು 107 ರನ್. ನಿಕೋಲಸ್ ಪೂರಣ್ 70 ರನ್ ಹೊಡೆದರು. ದಿಟ್ಟ ರೀತಿಯಲ್ಲೇ ಜವಾಬಿತ್ತ ಇಂಗ್ಲೆಂಡ್ 9 ವಿಕೆಟಿಗೆ 204 ರನ್ ಗಳಿಸಿತು.
ಮೊದಲ ಟಿ20 ಶತಕ:
4ನೇ ಕ್ರಮಾಂಕದಲ್ಲಿ ಆಡಲಿಳಿದ ರೋವ್ಮನ್ ಪೊವೆಲ್ 53 ಎಸೆತಗಳಿಂದ 107 ರನ್ ಚಚ್ಚಿದರು. ಈ ವಿಸ್ಫೋಟಕ ಬ್ಯಾಟಿಂಗ್ ವೇಳೆ ಸಿಡಿದದ್ದು ಬರೋಬ್ಬರಿ 10 ಸಿಕ್ಸರ್. ಬೌಂಡರಿ ಕೇವಲ 4. ಅವರ ಚೊಚ್ಚಲ ಟಿ20 ಶತಕ 51 ಎಸೆತಗಳಿಂದ ದಾಖಲಾಯಿತು.
ಪೊವೆಲ್ಗೆ ನಿಕೋಲಸ್ ಪೂರಣ್ ಅಮೋಘ ಬೆಂಬಲವಿತ್ತರು. ಇವರಿಬ್ಬರ 11 ಓವರ್ ಜತೆಯಾಟದಲ್ಲಿ 122 ರನ್ ಹರಿದು ಬಂತು. ಪೂರಣ್ 43 ಎಸೆತಗಳಿಂದ 70 ರನ್ ಬಾರಿಸಿದರು. ಇದು 5 ಸಿಕ್ಸರ್, 4 ಬೌಂಡರಿಗಳನ್ನೊಳಗೊಂಡಿತ್ತು.
ಇಂಗ್ಲೆಂಡ್ ಪರ ಆರಂಭಕಾರ ಟಾಮ್ ಬ್ಯಾಂಟನ್ 73 ರನ್ (39 ಎಸೆತ, 6 ಸಿಕ್ಸರ್, 3 ಬೌಂಡರಿ) ಮತ್ತು ಫಿಲಿಪ್ ಸಾಲ್ಟ್ 57 ರನ್ ಸಿಡಿಸಿದರು (24 ಎಸೆತ, 5 ಸಿಕ್ಸರ್, 3 ಬೌಂಡರಿ). ಆದರೆ ಇವರಿಗೆ ತಂಡವನ್ನು ದಡ ಮುಟ್ಟಿಸಲಾಗಲಿಲ್ಲ.
ಈ ಪಂದ್ಯದಲ್ಲಿ ಒಟ್ಟು 228 ರನ್ ಹರಿದು ಬಂತು. ಇದು ವೆಸ್ಟ್ ಇಂಡೀಸ್ನಲ್ಲಿ ನಡೆದ ಟಿ20 ಪಂದ್ಯದಲ್ಲಿ ಒಟ್ಟುಗೂಡಿದ ಅತ್ಯಧಿಕ ಮೊತ್ತವಾಗಿದೆ.
ಸಂಕ್ಷಿಪ್ತ ಸ್ಕೋರ್: ವೆಸ್ಟ್ ಇಂಡೀಸ್-5 ವಿಕೆಟಿಗೆ 224 (ರೋವ್ಮನ್ 107, ಪೂರಣ್ 70, ರಶೀದ್ 25ಕ್ಕೆ 1). ಇಂಗ್ಲೆಂಡ್-9 ವಿಕೆಟಿಗೆ 204 (ಬ್ಯಾಂಟನ್ 73, ಸಾಲ್ಟ್ 57, ಶೆಫರ್ಡ್ 50ಕ್ಕೆ 3). ಪಂದ್ಯಶ್ರೇಷ್ಠ: ರೋವ್ಮನ್ ಪೊವೆಲ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Raksha Ramaiah: ಯಾರಿಗೆ ಟಿಕೆಟ್ ಕೊಟ್ಟರೂ ಅಭ್ಯರ್ಥಿ ಪರ ಕೆಲಸ ಮಾಡ್ತೇವೆ; ರಕ್ಷಾ ರಾಮಯ್ಯ
World’s largest ಅನಕೊಂಡ ಅನಾ ಜೂಲಿಯಾ ಸಾವು; ಆಗಿದ್ದೇನು?
Politics: ಅಮಿತ್ ಶಾ ಓರ್ವ ಗೂಂಡಾ, ರೌಡಿ: ಯತೀಂದ್ರ
Pralhad Joshi ವಿರುದ್ದ ಸಿಡಿದೆದ್ದ ದಿಂಗಾಲೇಶ್ವರ ಶ್ರಿಗಳಿಗೆ ವೀರಶೈವ ಮಹಾಸಭಾ ಬೆಂಬಲ
Online Bitcoin Gambling Enterprises: An Overview to Betting with Cryptocurrency