ಟೋಕಿಯೋದಲ್ಲಿ ಚಿನ್ನವೇ ಗುರಿ: ಬ್ಲೇಕ್‌

Team Udayavani, Dec 3, 2019, 12:16 AM IST

ಮುಂಬಯಿ: ಜಮೈಕಾದ ವಿಶ್ವವಿಖ್ಯಾತ ಓಟಗಾರ ಯೋಹಾನ್‌ ಬ್ಲೇಕ್‌ ಮುಂಬಯಿಗೆ ಆಗಮಿಸಿದ್ದಾರೆ. ಅವರು ಫೆಬ್ರವರಿಯಲ್ಲಿ ನಡೆಯಲಿರುವ “ರೋಡ್‌ ಸೇಫ್ಟಿ ವರ್ಲ್ಡ್ ಸೀರಿಸ್‌’ ಟಿ20 ಸರಣಿಯ ಪ್ರಚಾರ ನಡೆಸುತ್ತಿದ್ದು, ಸೋಮವಾರ ಮಾಧ್ಯಮದವರೊಂದಿಗೆ ಆತ್ಮೀಯವಾಗಿ ಬೆರೆತರು. ಮುಂದಿನ ವರ್ಷದ ಟೋಕಿಯೊ ಒಲಿಂಪಿಕ್ಸ್‌ 100 ಮೀ. ಓಟದಲ್ಲಿ ಚಿನ್ನದ ಪದಕ ಗೆಲ್ಲುವುದೇ ತನ್ನ ಗುರಿ ಎಂದರು.

“100 ಮೀ. ಓಟದಲ್ಲಿ ನಾನು ಯಾವತ್ತೂ ಫೇವರಿಟ್‌. ನಾನು ವಿಶ್ವದಲ್ಲೇ ದ್ವಿತೀಯ ಅತೀ ವೇಗದ ಓಟಗಾರ. ನನ್ನ ಮುಂದಿರುವುದು ಕೊನೆಯ ಒಲಿಂಪಿಕ್ಸ್‌. ಟೋಕಿಯೋದಲ್ಲಿ ಚಿನ್ನದ ಪದಕವನ್ನೇ ಗೆಲ್ಲುವುದು ನನ್ನ ಗುರಿ ಮತ್ತು ಇದನ್ನು ನಾನು ಖಂಡಿತ ಸಾಧಿಸುವ ವಿಶ್ವಾಸದಲ್ಲಿದ್ದೇನೆ’ ಎಂದು ಬ್ಲೇಕ್‌ ಹೇಳಿದರು.

“ಈ ವರೆಗೆ ನಾನು ಎಷ್ಟೋ ಪದಕಗಳನ್ನು ಗೆದ್ದಿರಬಹುದು. ಆದರೆ ಒಲಿಂಪಿಕ್ಸ್‌ ಚಿನ್ನಕ್ಕೆ ಸಾಟಿಯಾಗುವಂಥದ್ದು ಯಾವುದೂ ಇಲ್ಲ’ ಎಂದರು.

ಇದೇ ವೇಳೆ ಮುಂದಿನ ವರ್ಷದ “ಡೈಮಂಡ್‌ ಲೀಗ್‌’ ಕೂಟದಿಂದ 200 ಮೀ. ರೇಸ್‌ ಸಹಿತ 4 ಸ್ಪರ್ಧೆಗಳನ್ನು ಕೈಬಿಟ್ಟ ವಿಶ್ವ ಆ್ಯತ್ಲೆಟಿಕ್ಸ್‌ ಅಸೋಸಿಯೇಶನ್‌ ಅಧ್ಯಕ್ಷ ಸೆಬಾಸ್ಟಿಯನ್‌ ಕೋ ಅವರನ್ನು ಬ್ಲೇಕ್‌ ತರಾಟೆಗೆ ತೆಗೆದುಕೊಂಡರು. ಇದೊಂದು ಮೂರ್ಖ ನಿರ್ಧಾರ ಎಂದರು.

ಭಾರತದಲ್ಲಿ ಪ್ರತಿಭಾ ಶೋಧ
ಟೋಕಿಯೊ ಒಲಿಂಪಿಕ್ಸ್‌ ಬಳಿಕ ಭಾರತದಲ್ಲಿ ಆ್ಯತ್ಲೆಟಿಕ್ಸ್‌ ಪ್ರತಿಭೆಗಳನ್ನು ಹುಡುಕುವ ಕಾರ್ಯಕ್ರಮವೊಂದನ್ನು ನಡೆಸುವುದಾಗಿಯೂ ಬ್ಲೇಕ್‌ ಹೇಳಿದರು. “ಭಾರತದಲ್ಲಿ ಬಹಳಷ್ಟು ಆ್ಯತ್ಲೆಟಿಕ್ಸ್‌ ಪ್ರತಿಭೆಗಳಿವೆ. ಕೆಲವರನ್ನು ನಾನು ದೋಹಾದಲ್ಲಿ ಭೇಟಿಯಾಗಿದ್ದೆ. ಸೂಕ್ತ ಮಾರ್ಗದರ್ಶನ ಲಭಿಸಿದರೆ ಇವರೆಲ್ಲ ಬೇರೊಂದು ಎತ್ತರವನ್ನು ಕಾಣಲಿದ್ದಾರೆ’ ಎಂಬುದು ಯೋಹಾನ್‌ ಬ್ಲೇಕ್‌ ನಂಬಿಕೆ.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಪಾಕಿಸ್ತಾನದ ಸಿಂಧ್‌ ಪ್ರಾಂತ್ಯದಲ್ಲಿನ ಮಿಯಾ ಮಿಟ್ಟೂ ಹೆಸರು ಕೇಳಿದರೆ ಅಲ್ಲಿನ ಹಿಂದು, ಕ್ರಿಶ್ಚಿಯನ್‌, ಸಿಕ್ಖ್ ಕುಟುಂಬಗಳು ನಡುಗಲಾರಂಭಿಸುತ್ತವೆ. ಈ ಸಮುದಾಯಗಳ...

  • ಆ ಸೂರ್ಯ ಹುಟ್ಟೋದು ಕೋಳಿ ಕೂಗಿನಿಂದ ಹೌದೋ ಅಲ್ಲವೋ ಗೊತ್ತಿಲ್ಲ. ಆದರೆ, ಎಪ್ಪತ್ತರ ದಶಕದ ಮಧ್ಯಭಾಗದಿಂದ ಕೆಲವು ವರ್ಷಗಳ ಹಿಂದಿನವರೆಗೂ ಭಾರತೀಯರ ಬೆಳಗು ಮಾತ್ರ...

  • ಇತ್ತೀಚೆಗೆ ನಮ್ಮನ್ನು ಅಗಲಿದ ವಿದ್ವಾಂಸ, ಇತಿಹಾಸಕಾರ ನವರತ್ನ ಎಸ್‌. ರಾಜಾರಾಮ್‌, ಕನ್ನಡಿಗರಿಗೆ ಸಂಸ್ಕೃತಿ ಚಿಂತನೆಗಳಿಂದಲೇ ಸುಪರಿಚಿತರು. ಭಾರತದ ಪ್ರಾಚೀನ...

  • ಹಿಂದೆ ರಾಜರ ಕಾಲದಲ್ಲಿ ಶತ್ರುಗಳನ್ನು ಕೊಲ್ಲಲು, ಗೋಸುಂಬೆಯ ಜೊಲ್ಲನ್ನು ಬಳಸುತ್ತಿದ್ದರಂತೆ. ಅದನ್ನು ನೋಡಿದರೆ, ಕೆಡುಕು ಅನ್ನೋದು ರೈತನ ಮನಸೊಳಗೆ ತುಂಬಿಹೋಗಿತ್ತು....

  • ಅಲ್ಲಿಯ ತನಕ ಪ್ರಶಾಂತವಾಗಿದ್ದ ರಾಮನ ಬದುಕಿನಲ್ಲಿ ಕಾಣದ ಕಲ್ಲೊಂದು ಬೀಳುವುದು, ಇದೇ ಪಂಚವಟಿಯಲ್ಲಿಯೇ. ಸುಖೀಯಾಗಿದ್ದ ರಾಮನ ದಾಂಪತ್ಯದ ಮೇಲೆ ರಾವಣನ ದೃಷ್ಟಿ...