ಕಿಲೋಮೀಟರ್ ಉದ್ದದ ರಾಷ್ಟ್ರಧ್ವಜ
Team Udayavani, Jan 27, 2020, 3:03 AM IST
ಹೊಸನಗರ: ಗಣರಾಜ್ಯೋತ್ಸವದ ದಿನ ಪಟ್ಟಣದಲ್ಲಿ ಒಂದು ಕಿಲೋ ಮೀಟರ್ ಉದ್ದದ ರಾಷ್ಟ್ರಧ್ವಜ ಮೆರವಣಿಗೆ ನಡೆಯಿತು. ಕೊಡಚಾದ್ರಿ ಪದವಿ ಕಾಲೇಜು ಹಳೇ ವಿದ್ಯಾರ್ಥಿಗಳ ಸಂಘ ಮತ್ತು ಕೊಡಚಾದ್ರಿ ಜೇಸಿಐ ಸಂಸ್ಥೆಯ ಆಶ್ರಯದಲ್ಲಿ ಈ ರಾಷ್ಟ್ರಧ್ವಜದ ಅನಾವರಣ ಮಾಡಲಾಯಿತು. ಬಳಿಕ ಕೊಡಚಾದ್ರಿ ಪದವಿ ಕಾಲೇಜಿನಿಂದ ನೆಹರು ಮೈದಾನದವರೆಗೆ ಭವ್ಯ ಮೆರವಣಿಗೆ ನಡೆಸಲಾಯಿತು.
ಈ ರಾಷ್ಟ್ರಧ್ವಜ ಎಂಟು ಅಡಿ ಅಗಲವಿದ್ದು ನೂರಾರು ವಿದ್ಯಾರ್ಥಿಗಳು ಧ್ವಜವನ್ನು ಎತ್ತಿ ಹಿಡಿದು ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಾಗಿದರು. ಈ ಬೃಹತ್ ರಾಷ್ಟ್ರಧ್ವಜವನ್ನು ಗುಜರಾತ್ನ ಸಂಸ್ಥೆಯೊಂದರಿಂದ ಬೆಂಗಳೂರಿನ ಆರ್ಯವೈಶ್ಯ ಸಮಾಜ ತರಿಸಿದ್ದು, ಹೊಸನಗರದಲ್ಲಿ ಪ್ರದರ್ಶಿಸಲಾಗಿದೆ ಎಂದು ಜೇಸಿಐ ಮುಖಂಡ ಬಿ.ಎಸ್. ಸುರೇಶ್ ತಿಳಿಸಿದರು.