ವೈದ್ಯರಿಗೆ ಆದಾಯ ತೆರಿಗೆ ನೋಟಿಸ್ ಜಾರಿ ಇಂದು
Team Udayavani, Dec 4, 2017, 9:11 AM IST
ಬೆಂಗಳೂರು: ಇತ್ತೀಚೆಗೆ ಪ್ರಸಿದ್ಧ ಸ್ತ್ರೀ ರೋಗ ತಜ್ಞೆ ಡಾ. ಕಾಮಿನಿ ಎ.ರಾವ್ ಮತ್ತು ಇತರೆ ಎರಡು ಐವಿಎಫ್ ಕ್ಲಿನಿಕ್ ಹಾಗೂ 5 ಡಯಾಗ್ನೊಸ್ಟಿಕ್ ಸೆಂಟರ್ಗಳ ಮೇಲೆ ದಾಳಿ ನಡೆಸಿದ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ಕಾಮಿನಿ ರಾವ್ ಹಾಗೂ ಇತರೆ ವೈದ್ಯರು, ಡಯಾಗ್ನೊಸ್ಟಿಕ್ ಸೆಂಟರ್ಗಳ ಮಾಲೀಕರಿಗೆ ವಿಚಾರಣೆಗೆ ಹಾಜರಾಗುವಂತೆ ಸೋಮವಾರ ನೋಟಿಸ್ ಜಾರಿ ಮಾಡಲಿದ್ದಾರೆ. ನ.29 ರಂದು ಸ್ತ್ರೀ ರೋಗ ತಜ್ಞೆ ಡಾ.ಕಾಮಿನಿ ರಾವ್ ಒಡೆತನದ ಆಸ್ಪತ್ರೆ, ಡಯಾಗ್ನೊಸ್ಟಿಕ್ ಸೆಂಟರ್ಗಳು ಹಾಗೂ ಇತರೆ ಎರಡು ಐವಿಎಫ್ ಕ್ಲಿನಿಕ್ ಹಾಗೂ 5 ಡಯಾಗ್ನೊಸ್ಟಿಕ್ ಸೆಂಟರ್ಗಳ ಮೇಲೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿ 100 ಕೋಟಿ ರೂ. ಅಘೋಷಿತ ಆದಾಯಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ವಶಕ್ಕೆ ಪಡೆದುಕೊಂಡಿದ್ದರು.
ಇದೇ ವೇಳೆ ಡಯಾಗ್ನೊಸ್ಟಿಕ್ ಸೆಂಟರ್ಗಳಿಂದ ವೈದ್ಯರಿಗೆ ನಾಲ್ಕು ಮಾರ್ಗಗಳಲ್ಲಿ 200 ಕೋಟಿ ರೂ. ನಗದು ಸಂದಾಯವಾಗಿದೆ ಎಂಬ ಮಾಹಿತಿಯನ್ನು ಬಹಿರಂಗ ಪಡಿಸಿದ್ದರು. ಈ ಸಂಬಂಧ ವಿಚಾರಣೆಗೆ ಹಾಜರಾಗಿ ತಮ್ಮ ಆದಾಯ ಮೂಲಗಳು ಹಾಗೂ ಅವ್ಯವಹಾರ ಕುರಿತು ವಿವರಣೆ ನೀಡುವಂತೆ ಕಾಮಿನಿ ಎ.ರಾವ್ ಸೇರಿ ಕೆಲ ವೈದ್ಯರು, ಡಯಾಗ್ನೊಸ್ಟಿಕ್ ಸೆಂಟರ್ನ ಮಾಲೀಕರಿಗೆ ನೋಟಿಸ್ ನೀಡಲಾಗುವುದು ಎಂದು ಆದಾಯ ತೆರಿಗೆ ಇಲಾಖೆ ಮೂಲಗಳು ತಿಳಿಸಿವೆ.
3 ದಿನಗಳ ದಾಳಿಯಲ್ಲಿ ದಾಖಲೆ ಇಲ್ಲದ 1.40 ಕೋಟಿ ರೂ. ನಗದು, 3.5 ಕೆ.ಜಿ. ಚಿನ್ನಾಭರಣ, ಕೊಟ್ಯಂತರ ರೂ. ಮೌಲ್ಯದ ವಿದೇಶಿ ಕರೆನ್ಸಿ ಹಾಗೂ ವಿದೇಶಿ ಬ್ಯಾಂಕ್ಗಳಲ್ಲಿ ಗೌಪ್ಯವಾಗಿ ಕೊಟ್ಯಂತರ ರೂ. ಠೇವಣಿಯಿಟ್ಟಿರುವ ರಸೀದಿಗಳು ಪತ್ತೆಯಾಗಿತ್ತು. ಈ ಹಿನ್ನೆಲೆಯಲ್ಲಿ ನೊಟೀಸ್ ನೀಡಿ ಇವುಗಳ ಬಗ್ಗೆ ವಿಚಾರಣೆ ನಡೆಸಿ ಐಟಿ ಅಧಿಕಾರಿಗಳು ಮಾಹಿತಿ ಪಡೆಯಲಿದ್ದಾರೆ ಎಂದು ತಿಳಿದು ಬಂದಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Neha ಹತ್ಯೆ ಲವ್ ಜಿಹಾದ್ ಅಲ್ಲ ಅನ್ನೋಕೆ ಇವರ್ಯಾರು?: ಸಚಿವ ಜೋಶಿ
Dharwad; ಚುನಾವಣೆ ಕರ್ತವ್ಯದಲ್ಲಿದ್ದ ಸೆಕ್ಟರ್ ಅಧಿಕಾರಿ ಹೃದಯಾಘಾತದಿಂದ ಸಾವು
PM ಮೋದಿ ಸಾಗುತ್ತಿದ್ದ ವೇಳೆ ‘ಚೊಂಬು’ ತೋರಿಸಲೆತ್ನಿಸಿದ ಮೊಹಮ್ಮದ್ ನಲಪಾಡ್
Kalaburagi; ಭಾರೀ ಮಳೆ: ಆಳಂದದಲ್ಲಿ ಸಿಡಿಲು ಬಡಿದು ಬಾಲಕ ಸಾವು
Congress ಟ್ಯಾಕ್ಸ್ ಸಿಟಿಯನ್ನು ಟ್ಯಾಂಕರ್ ಸಿಟಿ ಮಾಡಿದೆ: ಬೆಂಗಳೂರಿನಲ್ಲಿ ಮೋದಿ