ವಿಧಾನ ಪರಿಷತ್‌ ಚುನಾವಣೆ: ಶೇ.99.78 ಮತದಾನ

Team Udayavani, Dec 10, 2021, 9:00 PM IST

ಸಾಂದರ್ಭಿಕ ಚಿತ್ರ.

ಬೆಂಗಳೂರು: ತೀವ್ರ ಕುತೂಹಲ ಕೆರಳಿಸಿದ್ದ ಹಾಗೂ ರಾಜಕೀಯವಾಗಿ ಜಿದ್ದಾಜಿದ್ದಿಯಾಗಿ ನಗರ ಸ್ಥಳೀಯ ಸಂಸ್ಥೆಗಳ 20 ಕ್ಷೇತ್ರಗಳಿಂದ ವಿಧಾನಪರಿಷತ್ತಿನ 25 ಸ್ಥಾನಗಳ ಚುನಾವಣೆಗೆ ಶುಕ್ರವಾರ ಮತದಾನ ನಡೆದಿದ್ದು, ಎಲ್ಲಾ ಕ್ಷೇತ್ರಗಳಲ್ಲೂ ಶೇ.99ಕ್ಕಿಂತ ಹೆಚ್ಚಿನ ಮತದಾನವಾಗಿದ್ದು, ಒಟ್ಟಾರೆ ಶೇ.99.78ರಷ್ಟು ಮತ ಪ್ರಮಾಣ ದಾಖಲಾಗಿದೆ.

ರಾಜಕೀಯ ಪಕ್ಷಗಳಿಗೆ ಪ್ರತಿಷ್ಠೆಯಾಗಿದ್ದ ಈ ಮೇಲ್ಮನೆ ಚುನಾವಣೆಗೆ ಸಂಸದರು, ಶಾಸಕರು, ನಗರ ಸ್ಥಳೀಯ ಸಂಸ್ಥೆಗಳು ಮತ್ತು ಗ್ರಾಮ ಪಂಚಾಯಿತಿ ಸದಸ್ಯರು ಮತ ಚಲಾಯಿಸಿದರು. ಮತದಾನ ಪ್ರಕ್ರಿಯೆ ಬಹುತೇಕ ಶಾಂತಿಯುತವಾಗಿ ಪೂರ್ಣಗೊಂಡಿದ್ದು, ಡಿ.14ರಂದು ಫ‌ಲಿತಾಂಶ ಹೊರಬೀಳಲಿದೆ.

ಎಲ್ಲಾ ಕ್ಷೇತ್ರಗಳಲ್ಲಿ ಮತದಾನ ಶಾಂತಿಪೂರ್ಣವಾಗಿ ನಡೆದಿದ್ದು, ಯಾವುದೇ ಅಹಿತಕರ ಘಟನೆ ನಡೆದಿಲ್ಲ ಎಂದು ರಾಜ್ಯ ಮುಖ್ಯ ಚುನಾವಣಾಧಿಕಾರಿಗಳ ಕಚೇರಿಯ ಪ್ರಕಟಣೆ ತಿಳಿಸಿದೆ.

ಈ ಬಾರಿಯ ಚುನಾವಣೆಯಲ್ಲಿ ಅತಿ ಹೆಚ್ಚು ಮತದಾರರು ಇರುವ ಬೆಳಗಾವಿ ಕ್ಷೇತ್ರದಲ್ಲಿ ಅತಿ ಹೆಚ್ಚು ಶೇ.99.98 ಹಾಗೂ ಅತಿ ಕಡಿಮೆ ಮತದಾರರು ಹೊಂದಿರುವ ಕೊಡಗು ಕ್ಷೇತ್ರದಲ್ಲಿ ಅತಿ ಕಡಿಮೆ ಶೇ.99.70ರಷ್ಟು ಮತದಾನವಾಗಿದೆ. 2015ರ ವಿಧಾನಪರಿಷತ್‌ ಚುನಾವಣೆಯಲ್ಲಿ ಒಟ್ಟಾರೆ ಶೇ.99.60ರಷ್ಟು ಮತದಾನವಾಗಿತ್ತು.

ಶೇಕಡವಾರು ಮತದಾನ:
        ಕ್ಷೇತ್ರ                                          2021                   2015
– ಬೀದರ್‌                                       ಶೇ.99.83             ಶೇ. 99.61
– ಕಲಬುರಗಿ                                  ಶೇ.99.73              ಶೇ. 99.71
– ವಿಜಯಪುರ                               ಶೇ.99.55              ಶೇ. 99.80
– ಬೆಳಗಾವಿ                                    ಶೇ.99.98              ಶೇ. 99.01
– ಉತ್ತರ ಕನ್ನಡ                            ಶೇ.99.76              ಶೇ. 99.50
– ಧಾರವಾಡ                                 ಶೇ.99.68              ಶೇ. 99.46
– ರಾಯಚೂರು                            ಶೇ.99.86              ಶೇ. 99.82
– ಬಳ್ಳಾರಿ                                       ಶೇ.99.81               ಶೇ. 99.82
– ಚಿತ್ರದುರ್ಗ                                 ಶೇ.99.88              ಶೇ. 99.79
– ಶಿವಮೊಗ್ಗ                                 ಶೇ.99.86               ಶೇ. 99.47
– ದಕ್ಷಿಣ ಕನ್ನಡ                          ಶೇ.99.71                ಶೇ. 99.59
– ಚಿಕ್ಕಮಗಳೂರು                       ಶೇ.99.78                ಶೇ. 99.76
– ಹಾಸನ                                     ಶೇ.99.78                ಶೇ. 99.81
– ತುಮಕೂರು                            ಶೇ.99.78                ಶೇ. 99.75
– ಮಂಡ್ಯ                                   ಶೇ.99.85                ಶೇ. 99.80
– ಬೆಂಗಳೂರು ನಗರ                 ಶೇ.99.86                 ಶೇ. 99.67
– ಬೆಂಗಳೂರು (ಗ್ರಾಂ)             ಶೇ.99.90                 ಶೇ. 99.77
– ಕೋಲಾರ                             ಶೇ.99.96                  ಶೇ. 99.93
– ಕೊಡಗು                               ಶೇ.99.70                  ಶೇ. 99.86
– ಮೈಸೂರು                            ಶೇ.99.73                  ಶೇ. 99.88