ರಾಹುಲ್ ಚೋರ ಗುರು: ಸಿ.ಟಿ.ರವಿ
Team Udayavani, Mar 26, 2019, 6:08 AM IST
ಬೆಂಗಳೂರು: ರಾಹುಲ್ ಗಾಂಧಿಯವರ ಶಿಷ್ಯರೆಲ್ಲಾ ಮಹಾ ಚೋರರಂತಿದ್ದು, ಅವರ ರಕ್ಷಣೆಗೆ ಕಾಂಗ್ರೆಸ್ ಪಕ್ಷ ನಿಂತಿರುವುದರಿಂದ ಇನ್ನು ಮುಂದೆ ರಾಹುಲ್ಗಾಂಧಿಯವರನ್ನು
ಚೋರ ಗುರು ಎಂದು ಕರೆಯಲಾಗುವುದು ಎಂದು ರಾಜ್ಯ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಶಾಸಕ ಸಿ.ಟಿ.ರವಿ ಹೇಳಿದರು.
ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ರಾಹುಲ್ ಮಾತೆತ್ತಿದರೆ ಪ್ರಧಾನಿಯವರನ್ನು “ಚೌಕಿದಾರ್ ಚೋರ್ ಹೈ’ ಎಂದು ಹೇಳುತ್ತಾರೆ. ರಾಹುಲ್ ಗಾಂಧಿ ಆಸ್ತಿ ಮೊತ್ತವು
2004ರಲ್ಲಿ 55 ಲಕ್ಷ ರೂ. ಇದ್ದದ್ದು, 2018ಕ್ಕೆ 600 ಪಟ್ಟು ಹೆಚ್ಚಾಗಿದೆ. ಹೀಗಿರುವಾಗ ಅವರನ್ನು ಚೋರಗುರು ಎಂದು ಕರೆಯಬೇಕಾಗುತ್ತದೆ ಎಂದು ಹೇಳಿದರು.
ಇನ್ನು ಸಚಿವ ಡಿ.ಕೆ.ಶಿವಕುಮಾರ್ ಅವರ ಆಸ್ತಿ 2008ರಲ್ಲಿ 75 ಕೋಟಿ ರೂ. ಇದ್ದುದು 2018ರಲ್ಲಿ 840 ಕೋಟಿ ರೂ.ಗೆ ಏರಿದೆ. ಡಿ.ಕೆ.ಶಿವಕುಮಾರ್, ಕಾರ್ತಿ ಚಿದಂಬರಂ ಅವರಂತಹ ಶಿಷ್ಯರೆಲ್ಲಾ ಚೋರಗುರು ರಾಹುಲ್ ಅವರಿಗೆ ಮಹಾ ಚೋರ ಶಿಷ್ಯರಂತಿದ್ದಾರೆ ಎಂದು ಕಿಡಿ ಕಾರಿದರು.