ಬಸವಣ್ಣನ ಐಕ್ಯಮಂಟಪ ದುರಸ್ತಿ ಕಾಮಗಾರಿ ಆರಂಭ

Team Udayavani, Oct 13, 2019, 3:05 AM IST

ಕೂಡಲಸಂಗಮ: ಬಸವಣ್ಣನವರ ಐಕ್ಯ ಮಂಟಪ ದುರಸ್ತಿ ಕಾಮಗಾರಿ ಶನಿವಾರ ಆರಂಭಗೊಂಡಿದೆ. ಬಸವಣ್ಣನವರು ಲಿಂಗೈಕ್ಯರಾದ ಸ್ಥಳದ ಲಿಂಗಕ್ಕೆ 1.5/1.3 ಮೀಟರ್‌ ಅಳತೆಯ ರಕ್ಷಾಕವಚ, ಮಂಟಪಕ್ಕೆ 3.2 ಉದ್ದ-ಅಗಲ, 4 ಮೀಟರ್‌ ಎತ್ತರದ ರಕ್ಷಾ ಕವಚ ಅಳವಡಿಸಲಾಯಿತು.

ರಕ್ಷಾ ಕವಚ ಸ್ಟೀಲ್‌ನಿಂದ ಕೂಡಿದ್ದು, ಲಿಂಗಕ್ಕೆ ಬಟ್ಟೆ ಸುತ್ತಿ ರಕ್ಷಾ ಕವಚ ನಿರ್ಮಿಸಿ, ಥರ್ಮಾ ಕೋಲ್‌ ಬಾಲ್‌ಗ‌ಳನ್ನು ಹಾಕಲಾಗಿದೆ. 87 ಲಕ್ಷ ರೂ.ವೆಚ್ಚದಲ್ಲಿ ನಿರ್ಮಿಸುತ್ತಿರುವ 4 ತಿಂಗಳ ಅವ ಧಿಯ ಕಾಮಗಾರಿ ಇದಾಗಿದ್ದು, ನುರಿತ 50 ಕಾರ್ಮಿಕರ ತಂಡ ಬಂದಿದೆ.

ಹಗಲು, ರಾತ್ರಿ ಕಾರ್ಯ ನಿರ್ವಹಿಸಿ 2 ತಿಂಗಳಲ್ಲಿ ಮುಗಿಸುವ ಯೋಜನೆ ಹಾಕಿಕೊಳ್ಳಲಾಗಿದೆ ಎಂದು ಗುತ್ತಿಗೆದಾರ ಎಂಜಿನಿಯರ್‌ ಕಾರ್ತಿಕ ಬಡಿಗೇರ ತಿಳಿಸಿದ್ದಾರೆ. ಬಸವಣ್ಣನ ಐಕ್ಯಮಂಟಪದ ಬಾವಿಯ ಒಳಭಾಗದ ಗೋಡೆ, ಮೆಟ್ಟಿ ಲಿನ ಕೆಳಭಾಗ, ಮೇಲ್ಛಾವಣಿ ಶಿಥಿಲ ಗೊಂಡ ಪರಿಣಾಮ ಮೇ 22ರಿಂದ ಸಾರ್ವಜನಿಕರ ಪ್ರವೇಶ ನಿಷೇಧಿಸಲಾಗಿತ್ತು.