ಅಜರ್ ವಿಷಯದಲ್ಲಿ ಚೀನಾ ಮೊಂಡು
Team Udayavani, Mar 30, 2019, 6:00 AM IST
ಬೀಜಿಂಗ್: ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ (ಯುಎನ್ಎಸ್ಸಿ) ಉಗ್ರ ಮಸೂದ್ ಅಜರ್ನನ್ನು ಜಾಗತಿಕ ಉಗ್ರನೆಂದು ಘೋಷಿಸುವ ಪ್ರಸ್ತಾವನೆಗೆ ಸತತ ನಾಲ್ಕು ಬಾರಿ ಅಡ್ಡಗಾಲು ಹಾಕಿರುವ ಚೀನಾ, ತನ್ನ ನಡೆಯನ್ನು ಸಮರ್ಥಿಸಿಕೊಂಡಿದೆ. ಅಲ್ಲದೆ, ಬುಧವಾರ, ಚೀನಾದ ನಡೆಯ ವಿರುದ್ಧ ಟೀಕೆ ಮಾಡಿದ್ದ ಅಮೆರಿಕಕ್ಕೆ ತಿರುಗೇಟು ನೀಡಿರುವ ಚೀನಾದ ವಿದೇಶಾಂಗ ಸಚಿವ ಗೆಂಗ್ ಶುವಾಂಗ್, ಉಗ್ರವಾದ ಪೀಡೆಗೆ ಒಳಗಾಗಿರುವ ಎರಡೂ ದೇಶಗಳು (ಭಾರತ-ಪಾಕಿಸ್ಥಾನ) ಪರಸ್ಪರ ಚರ್ಚಿಸಿ ಸಮಸ್ಯೆಗೆ ಸೂಕ್ತ ಪರಿಹಾರ ಕಂಡುಕೊಳ್ಳಲಿ ಎಂಬ ಸದುದ್ದೇಶದಿಂದ ಚೀನಾ ಹೀಗೆ ವರ್ತಿಸಿದ್ದಾಗಿ ಹೇಳಿದ್ದಾರೆ.
ಬುಧವಾರ ಚೀನಾ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದ ಅಮೆರಿಕದ ವಿದೇಶಾಂಗ ಸಚಿವ ಮೈಕ್ ಪೊಂಪೊ, “”ಒಂದೆಡೆ ತನ್ನ ದೇಶದಲ್ಲಿರುವ 10 ಲಕ್ಷಕ್ಕೂ ಹೆಚ್ಚಿನ ಮುಸ್ಲಿಮರ ಮೇಲೆ ದಬ್ಟಾಳಿಕೆ ನಡೆಸುತ್ತಿರುವ ಚೀನಾ, ಮತ್ತೂಂದೆಡೆ ಮಸೂದ್ ಅಜರ್ನನ್ನು ಜಾಗತಿಕ ಉಗ್ರನೆಂದು ಘೋಷಿಸಲು ಅಡ್ಡಗಾಲು ಹಾಕುತ್ತಿದೆ. ಈ ಮೂಲಕ, ಉಗ್ರರ ಪೋಷಣೆಗೆ ಚೀನಾ ಪರೋಕ್ಷವಾಗಿ ನೆರವು ನೀಡುತ್ತಿದೆ” ಎಂದಿದ್ದರು.
ಇದಕ್ಕೆ ಶುಕ್ರವಾರ ಪ್ರತಿಕ್ರಿಯಿಸಿರುವ ಶುವಾಂಗ್, ಅಮೆರಿಕದ ವಿರುದ್ಧ ಗುಡುಗಿದ್ದಾರೆ. “”ವಿಶ್ವ ಸಂಸ್ಥೆಯ ಭದ್ರತಾ ಮಂಡಳಿಯು ಹಿಂದೊಮ್ಮೆ ಅಲ್ಖೈದಾವನ್ನು ನಿಷೇಧಿಸಲು ಮುಂದಾದಾಗ ಯುಎನ್ಎಸ್ಸಿ ಸದಸ್ಯ ರಾಷ್ಟ್ರವೊಂದು ಅದಕ್ಕೆ ಹಲವಾರು ತಾಂತ್ರಿಕ ತಡೆಗಳನ್ನೊಡ್ಡಿತ್ತು. ಹಾಗಾದರೆ, ಆ ದೇಶವೂ ಭಯೋತ್ಪಾದನೆಯನ್ನು ಪೋಷಿಸುತ್ತಿತ್ತೇ?” ಎಂದು ಖಾರವಾಗಿ ಪ್ರಶ್ನಿಸಿದ್ದಾರೆ.
ಭಾರತದ ಸ್ವಾಗತ: ಉಗ್ರರಿಗೆ ಧನ ಸಹಾಯ ಮಾಡುವುದರ ವಿರುದ್ಧ ಸಂಘಟಿತ ಹೋರಾಟ ಮಾಡುವ ನಿರ್ಣಯವೊಂದನ್ನು ಯುಎನ್ಎಸ್ಸಿ ಕೈಗೊಂಡಿರುವುದನ್ನು ಭಾರತ ಸ್ವಾಗತಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!