ಲಂಡನ್ ದಾಳಿ ಉಗ್ರನಿಗೆ ಪಿಒಕೆ ನಂಟು
ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಹತ್ಯೆಗೂ ಸಂಚು ರೂಪಿಸಿದ್ದ ಮಾಹಿತಿ ಬಹಿರಂಗ
Team Udayavani, Dec 1, 2019, 6:10 AM IST
ಲಂಡನ್: ಬ್ರಿಟನ್ಗೆ ಮತ್ತೆ ಉಗ್ರರು ವಕ್ಕರಿಸಿದ್ದು, ಇಲ್ಲಿನ ಲಂಡನ್ ಬ್ರಿಡ್ಜ್ ಬಳಿ ಪಾಕಿಸ್ಥಾನ ಮೂಲದ ಉಗ್ರ ಉಸ್ಮಾನ್ ಖಾನ್ ಶುಕ್ರವಾರ ರಾತ್ರಿ ನಡೆಸಿದ ಚೂರಿ ದಾಳಿಗೆ ಇಬ್ಬರು ಅಸುನೀಗಿದ್ದಾರೆ. ಕೂಡಲೇ ಸುತ್ತುವರಿದ ಪೊಲೀಸರು ಆತನನ್ನು ಗುಂಡಿಕ್ಕಿ ಹತ್ಯೆಗೈದಿದ್ದಾರೆ.
ಉಗ್ರ ಉಸ್ಮಾನ್ ಕುರಿತ ಅನೇಕ ಮಾಹಿತಿಗಳನ್ನು ಶನಿವಾರ ಪೊಲೀಸರು ಬಹಿರಂಗಪಡಿಸಿದ್ದಾರೆ. ಈತ ಪಾಕಿಸ್ಥಾನ ಆಕ್ರಮಿತ ಕಾಶ್ಮೀರದಲ್ಲಿ ತನ್ನ ಕುಟುಂಬ ಹೊಂದಿದ್ದ ಜಮೀನಿನಲ್ಲೇ ಭಯೋತ್ಪಾದಕ ತರಬೇತಿ ಶಿಬಿರವನ್ನು ಆರಂಭಿಸಿದ್ದ. ಜತೆಗೆ ಲಂಡನ್ ಷೇರು ಮಾರುಕಟ್ಟೆ ಮೇಲಿನ ಬಾಂಬ್ ದಾಳಿಗೆ ಸಂಚು ರೂಪಿಸಿ 7 ವರ್ಷ ಜೈಲು ಶಿಕ್ಷೆ ಅನುಭವಿಸಿ ಬಂದವನು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಅಷ್ಟೇ ಅಲ್ಲ, ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ರನ್ನು ಕೊಲೆ ಮಾಡುವುದೂ ಈತನ ಸಂಚಿನ ಭಾಗವಾಗಿತ್ತು ಮತ್ತು ಮುಂಬಯಿ ದಾಳಿ ಮಾದರಿಯಲ್ಲೇ ಯುಕೆ ಸಂಸತ್ ಮೇಲೆ ದಾಳಿ ನಡೆಸುವ ಕುರಿತೂ ಈತ ಚರ್ಚಿಸಿದ್ದ ಎಂಬ ಸ್ಫೋಟಕ ವಿಚಾರವನ್ನೂ ಬಹಿರಂಗಪಡಿಸಿದ್ದಾರೆ.
ಉಗ್ರ ನಂಟು
ಪಾಕ್ ಮೂಲದವನಾದ ಉಸ್ಮಾನ್ ಆರಂಭದಲ್ಲಿ ಅಲ್ ಕಾಯಿದಾ ಸಂಘ ಟನೆಯ ಸದಸ್ಯನಾಗಿದ್ದ. ಅನಂತರದಲ್ಲಿ ಇಸ್ಲಾಮಿಕ್ ಸ್ಟೇಟ್(ಐಸಿಸ್) ಜತೆಗೂ ನಂಟು ಹೊಂದಿದ್ದರ ಬಗ್ಗೆ ಮಾಹಿತಿಯಿದೆ ಎಂದು ಪೊಲೀಸರು ಹೇಳಿದ್ದಾರೆ. ಷೇರುಪೇಟೆ ಸ್ಫೋಟ ಸಂಚು ಪ್ರಕರಣ ಸಂಬಂಧ ಶಿಕ್ಷೆಗೊಳಗಾಗಿದ್ದ ಈತನನ್ನು ಕಳೆದ ಡಿಸೆಂಬರ್ನಲ್ಲಿ ಪೆರೋಲ್ನಲ್ಲಿ ಬಿಡುಗಡೆ ಮಾಡಲಾಗಿತ್ತು. ಅನಂತರವೂ ಆತನ ಚಲನವಲನಗಳ ಮೇಲೆ ಕಣ್ಣಿಡಲಾಗಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Israel – Iran: ಕ್ಷಿಪಣಿ ದಾಳಿಯ ಮೂಲಕ ಸೇಡು ತೀರಿಸಿಕೊಂಡ ಇಸ್ರೇಲ್; ಎಚ್ಚರಿಕೆ ನೀಡಿದ ಇರಾನ್
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ