ಆಫ್ರಿಕಾದ 344 ವರ್ಷ ವಯಸ್ಸಿನ ಆಮೆ ಸಾವು!

Team Udayavani, Oct 6, 2019, 5:14 AM IST

ಲಾಗೋಸ್‌: ಆಮೆಗಳ ಸರಾಸರಿ ವಯಸ್ಸು 100 ವರ್ಷ. ಆದರೆ ಆಫ್ರಿಕಾ ಖಂಡದಲ್ಲಿ ಒಂದು ಆಮೆ 344 ವರ್ಷಗಳವರೆಗೆ ಬದುಕಿತ್ತು. ಇತ್ತೀಚೆಗಷ್ಟೇ ಈ ಆಮೆ ಕೊನೆಯುಸಿರೆಳೆಯಿತು ಎಂಬುದು ತಿಳಿದುಬಂದಿದೆ. ಈ ಆಮೆಗೆ ಅಲಗ್ಬಾ ಎಂದು ಹೆಸರಿ ಡಲಾಗಿದ್ದು, ದಕ್ಷಿಣ ನೈಜೀರಿಯಾದ ಅರಮನೆಯಲ್ಲಿತ್ತು.

ಇಲ್ಲಿನ ರಾಜ ಜಿಮೋಹ ಒಯೆವುನಿ¾ ಆಪ್ತ ಸಹಾಯಕರು ಆಮೆ ಸಾವನ್ನಪ್ಪಿದ ಮಾಹಿತಿಯನ್ನು ಪ್ರಕಟಿಸಿದ್ದಾರೆ. ಈ ಆಮೆಯನ್ನು ನೋಡಲೆಂದೇ ವಿಶ್ವದ ವಿವಿಧೆಡೆಯಿಂದ ಪ್ರವಾಸಿಗರು ಆಗಮಿಸುತ್ತಿದ್ದರು. ಆಮೆಯ ಯೋಗಕ್ಷೇಮ ನೋಡಿಕೊಳ್ಳಲು ಇಬ್ಬರು ಸಿಬಂದಿ ಯನ್ನೂ ಅರಮನೆ ನೇಮಿಸಿತ್ತು. ಆಮೆಯು ಅರಮನೆಗೆ ಐಶ್ವರ್ಯ ವನ್ನು ತರುತ್ತದೆ ಎಂದು ಇಲ್ಲಿನ ಜನರು ನಂಬಿದ್ದಾರೆ.

ಅಷ್ಟೇ ಅಲ್ಲ, ಈ ಆಮೆ ರೋಗ ಗುಣಪಡಿಸುವ ಶಕ್ತಿಯನ್ನೂ ಹೊಂದಿತ್ತು ಎಂದು ಅರಮನೆಯ ನೌಕರರು ಹೇಳುತ್ತಾರೆ. ಹಲವರು ಈ ಆಮೆಯಿಂದಾಗಿ ಗುಣವಾ ಗಿದ್ದಾರಂತೆ. ಆದರೆ ಪ್ರಾಣಿ ತಜ್ಞರು ಈ ಆಮೆಯ ವಯಸ್ಸು 344 ಎಂಬ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ