ಇಲ್ಲಿ ಮರಳು ಕದ್ದಿದ್ದಕ್ಕೆ 6 ವರ್ಷ ಜೈಲೂಟ!
ಇಟೆಲಿಯ ಸಾರ್ಡಿನಿಯಾದ ಚಿಯಾ ಬೀಚ್ನಲ್ಲಿ ಮರಳು ಕದ್ದರೆ ಹುಷಾರ್
Team Udayavani, Aug 20, 2019, 8:20 PM IST
ಲಂಡನ್: ನಮ್ಮಲ್ಲಾದರೆ ಅಷ್ಟೇನಾ.. ಹೋಗಲಿ ಬಿಡಿ, ನಾಲ್ಕು ಲಾರಿಯಾದರೂ ತೆಗೆದುಕೊಂಡು ಹೋಗಲಿ ಎಂದು ಬಿಟ್ಟಿರುತ್ತಿದ್ದರು. ಆದರೆ ಅಲ್ಲಿ ನೋ.. ನೆವರ್! ಪರಿಣಾಮ ದಂಪತಿ ಇನ್ನು 6 ವರ್ಷ ಜೈಲೂಟ ಮಾಡುವಂತಾಗಿದೆ. ಇಷ್ಟಕ್ಕೂ ಅವರು ಮಾಡಿದ ತಪ್ಪು ಎಂದರೆ ಸಮುದ್ರ ತೀರದಿಂದ ಮರಳು ಕದ್ದಿದ್ದು!
ಇಟೆಲಿಯ ಸಾರ್ಡಿನಿಯಾ ಎಂಬಲ್ಲಿನ ಚಿಯಾ ಬೀಚ್ನಿಂದ ಫ್ರೆಂಚ್ ದಂಪತಿ 14 ಪ್ಲಾಸ್ಟಿಕ್ ಬಾಟಲಿಗಳಲ್ಲಿ ಹೊಯಿಗೆ ತುಂಬಿಸಿ ಕೊಂಡೊಯ್ದಿದ್ದರಂತೆ. ಒಟ್ಟು 40 ಕೆ.ಜಿ.ಯಷ್ಟು ಮರಳನ್ನು ಅವರು ಕಾರಲ್ಲಿ ಕೊಂಡೊಯ್ದಿದ್ದು, ಹಡಗು ಹತ್ತಲು ಹೊರಟಿದ್ದಾರೆ. ಈ ವೇಳೆ ಅವರು ರೆಡ್ ಹ್ಯಾಂಡ್ ಆಗಿ ಸಿಕ್ಕಿದ್ದಾಗಿ ಪೊಲೀಸರು ಹೇಳಿದ್ದಾರೆ. ದಂಪತಿಗೆ ಇಲ್ಲಿಂದ ಮರಳು ಕೊಂಡೊಯ್ಯುವುದು ಅಪರಾಧ ಎಂದು ಗೊತ್ತಿರಲಿಲ್ಲವಂತೆ. ಆದರೂ ಅವರಿಗೆ 6 ವರ್ಷ ಜೈಲೂಟ ಗ್ಯಾರೆಂಟಿ ಎಂದು ಅಲ್ಲಿನ ಅಧಿಕಾರಿಗಳು ಹೇಳಿದ್ದಾರೆ.
ಅಂಥದ್ದೇನಿದೆ ವಿಶೇಷ?
ಸಾರ್ಡಿನಿಯಾದ ಸುತ್ತಮುತ್ತಲಿನ ಮರಳು ಚಿನ್ನಕ್ಕಿಂತ ಹೆಚ್ಚು ಬೆಲೆ ಬಾಳುವಂಥದ್ದು. ಇದರಲ್ಲಿ ಪುಡಿಯಾದ ಹವಳ, ಸಮುದ್ರ ಅವಶೇಷಗಳು, ಪಳೆಯುಳಿಕೆಯ ಅಂಶಗಳಿಂದ ವಿಶಿಷ್ಟವಾಗಿದೆ. ಇದು ತುಸು ಗುಲಾಬಿ ಬಣ್ಣದಲ್ಲಿರುತ್ತದಂತೆ. ಹೆಚ್ಚು ಆಕರ್ಷಕವೂ ಹೌದು. ಇದನ್ನು ವ್ಯಾಪಕ ಪ್ರಮಾಣದಲ್ಲಿ ಕಳ್ಳ ಸಾಗಣೆ ಮಾಡಲಾಗುತ್ತದಂತೆ. ಪ್ರಾಕೃತಿಕವಾಗಿ ಈ ಮರಳು ಅಮೂಲ್ಯವಾದದ್ದು. ಇದರ ಮರಳುಗಾರಿಕೆಯಿಂದ ಪರಿಸರಕ್ಕೆ ಹಾನಿಯಾಗುತ್ತದೆ ಎಂದೂ ಹೇಳಲಾಗಿದೆ. ಆದ್ದರಿಂದ ಮರಳು ಕದಿಯುವ ವಿರುದ್ಧ ಕಠಿನ ಕಾನೂನು ಕ್ರಮವಾಗುತ್ತದೆ. ಸ್ವಲ್ಪ ಮರಳು ಕದ್ದರೂ ಸುಮಾರು 2 ಲಕ್ಷ ರೂ.ಗಳಷ್ಟು ದಂಡವನ್ನೂ ಹಾಕುತ್ತಾರಂತೆ. ಹೀಗೆ ಕದಿಯುವವರೆಲ್ಲ ಪ್ರವಾಸಿಗಳೇ ಆಗಿದ್ದಾರಂತೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ
Israel-Iran ಅಣುಯುದ್ಧ? ಇರಾನ್ನ ಅಣುಸ್ಥಾವರಗಳ ಮೇಲೆ ದಾಳಿ: ವಿಶ್ವಸಂಸ್ಥೆ ಆತಂಕ
MUST WATCH
ಹೊಸ ಸೇರ್ಪಡೆ
Cerelac ಶಿಶು ಆಹಾರದಲ್ಲಿ ಹೆಚ್ಚುವರಿ ಸಕ್ಕರೆ ಬೆರೆತಿದೆ: ಗಂಭೀರ ಆರೋಪ
Congress party: ಮಾಲೀಕಯ್ಯ ಗುತ್ತೇದಾರ್ ಇಂದು ಕಾಂಗ್ರೆಸ್ ಸೇರ್ಪಡೆ
Lok Sabha election: ಗುರುವಾರ 21.48 ಕೋ.ರೂ. ಮೌಲ್ಯದ ಚುನಾವಣ ಅಕ್ರಮ ಪತ್ತೆ
Bombay High Court: ಆರತಕ್ಷತೆ ಮದುವೆಯ ಭಾಗ ಎಂದು ಪರಿಗಣಿಸಲಾಗದು: ಬಾಂಬೆ ಹೈಕೋರ್ಟ್
Horse riding ಎಚ್ಚರಿಕೆ: ಅಪಾಯಕಾರಿ ಗ್ಲ್ಯಾಂಡರ್ಸ್ ಸೋಂಕು ಅಂಟಿಕೊಂಡೀತು ಹುಷಾರು!