ಭೂಮಿಗೆ ದೊರಕಿದ ಹೊಸ ಚಂದಿರ ; ಆ್ಯರಿಝೋನಾ ಖಗೋಳ ವಿಜ್ಞಾನಿಗಳಿಂದ ಹೊಸ ಆಕಾಶಕಾಯ ಪತ್ತೆ

Team Udayavani, Feb 28, 2020, 1:39 PM IST

ಭೂಮಿಯನ್ನು ಸುತ್ತುತ್ತಿರುವ ‘ತಾತ್ಕಾತಲಿಕ ಚಂದ್ರ’ನನ್ನು ತನ್ನ ಟೆಲಿ ಕಣ್ಣುಗಳಿಂದ ಪತ್ತೆಹಚ್ಚಿದ ಕ್ಯಾಟಲಿನ ಸ್ಕೈ ಸರ್ವೇಯ 60 ಇಂಚು ಉದ್ದದ ಟೆಲಿಸ್ಕೋಪ್.

ವಾಷಿಂಗ್ಟನ್‌: ಈಗಾಗಲೇ ಶಾಶ್ವತ ಚಂದ್ರನನ್ನು ಹೊಂದಿರುವ ಭೂಮಿಗೆ ಈಗ ಹೊಸ ಪುಟಾಣಿ ಚಂದಿರನೊಬ್ಬ ಸಿಕ್ಕಿದ್ದಾನೆ. ಈ ಪುಟಾಣಿ ಚಂದ್ರನಿಗೆ ‘2020 ಸಿ.ಡಿ. 3’ ಎಂದು ಹೆಸರಿಡಲಾಗಿದೆ. 3 ವರ್ಷಗಳಿಂದ ಈತ ಭೂಮಿಯನ್ನು ಸುತ್ತುತ್ತಿದ್ದಾನೆಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ಹೇಗೆ ಪತ್ತೆಯಾದ ಹೊಸ ಚಂದ್ರ?: ಅಮೆರಿಕದ ಆ್ಯರಿಝೋನಾದ ಕೆಟಾಲಿನಾ ಸ್ಕೈ ಸರ್ವೇಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಖಗೋಳ ವಿಜ್ಞಾನಿಗಳು ಇದೇ ಫೆ. 19ರಂದು ಭೂಮಿಯನ್ನು ವೇಗವಾಗಿ ಸುತ್ತುತ್ತಿರುವ ಬೆಳಕಿನ ಉಂಡೆಯನ್ನು ಹೊಸದಾಗಿ ಪತ್ತೆ ಹಚ್ಚಿದ್ದರು.

ಇದು ತಾತ್ಕಾಲಿಕ ಚಂದ್ರ!
ಈಗ ಪತ್ತೆಯಾಗಿರುವ ‘2020 ಸಿ.ಡಿ. 3’ ಚಂದ್ರನಿಗೆ ನಿಖರವಾದ ಕಕ್ಷೆಯೆಂಬುದೇ ಇಲ್ಲ. ಹಾಗಾಗಿ, ಕೆಲವು ದಿನಗಳ ಅನಂತರ ಭೂಮಿಯ ಪರಿಧಿಯಿಂದ ಆಚೆ ಸರಿಯುತ್ತದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ಈ ಹಿಂದೆ, ಪತ್ತೆಯಾಗಿದ್ದ ‘ಆರ್‌ಎಚ್‌120’ ಎಂಬ ಚಂದ್ರ ಸಹ ನಿಖರ ಕಕ್ಷೆ ಹೊಂದಿರದ ಕಾರಣ, 2006ರ ಸೆಪ್ಟಂಬರ್‌ನಿಂದ 2007ರ ಜೂನ್‌ರವರೆಗೆ ಮಾತ್ರ ಭೂಮಿಯನ್ನು ಸುತ್ತಿ ಅನಂತರ ನಾಪತ್ತೆಯಾಗಿದ್ದ.

6.2 ಅಡಿ – ಹೊಸ ಚಂದ್ರ ‘2020 ಸಿ.ಡಿ. 3’ನ ಉದ್ದ

11.4 ಅಡಿ – ಹೊಸ ಚಂದ್ರನ ಅಗಲ

ಭೂಮಿಯನ್ನು ಸುತ್ತಲು ಹೊಸ ಚಂದ್ರ ತೆಗೆದುಕೊಳ್ಳುತ್ತಿರುವ ದಿನ: 47