3.4 ಬಿ.ಡಾಲರ್ ಎಡಿಬಿ ಸಾಲ: ಮಂಜೂರಾಗುವ ಮೊದಲೇ ತನಗೆ ದಕ್ಕಿತೆಂದ ಪಾಕಿಗೆ ಮುಖಭಂಗ
Team Udayavani, Jun 17, 2019, 11:25 AM IST
ಇಸ್ಲಾಮಾಬಾದ್ : ಏಶ್ಯನ್ ಡೆವಲಪ್ಮೆಂಟ್ ಬ್ಯಾಂಕ್ ನಿಂದ ಪಾಕಿಸ್ಥಾನಕ್ಕೆ 3.4 ಬಿಲಿಯ ಡಾಲರ್ ಸಾಲ ದೊರಕಿದೆ ಎಂದು ಪಾಕಿಸ್ಥಾನ, ಸಾಲ ಮಂಜೂರಾಗುವುದಕ್ಕೆ ಮೊದಲೇ ನೀಡಿರುವ ಹೇಳಿಕೆಯಿಂದ ಎಡಿಬಿ ದೂರ ಸರಿದಿದ್ದು, ಇಸ್ಲಾಮಾಬಾದ್ ಗೆ ಇದರಿಂದ ಭಾರೀ ಮುಖಭಂಗವಾಗಿದೆ.
ಪಾಕಿಸ್ಥಾನಕ್ಕೆ ಪ್ರಸ್ತಾವಿತ 3.4 ಬಿಲಿಯ ಡಾಲರ್ ಸಾಲ ನೀಡುವ ಪ್ರಸ್ತಾವವು ಈಗಿನ್ನೂ ಚರ್ಚೆಯ ಹಂತದಲ್ಲೇ ಇದೆ, ಮಂಜೂರಾಗಿಲ್ಲ ಎಂದು ಎಡಿಬಿ ಹೇಳಿದೆ.
ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಅವರ ಹಣಕಾಸು ಸಲಹೆಗಾರರಾಗಿರುವ ಅಬ್ದುಲ್ ಹಫೀಜ್ ಶೇಖ್ ಮತ್ತು ಕೇಂದ್ರ ಯೋಜನೆ, ಅಭಿವೃದ್ಧಿ ಮತ್ತು ಸುಧಾರಣೆಗಳ ಸಚಿವ ಖುಸ್ರೋ ಬಕ್ತಿಯಾರ್ ಅವರು, “ಏಶ್ಯನ್ ಡೆವಲಪ್ಮೆಂಟ್ ಬ್ಯಾಂಕ್ ಪಾಕಿಸ್ಥಾನಕ್ಕೆ 3.4 ಬಿಲಿಯ ಡಾಲರ್ಗಳ ಬಜೆಟ್ ಬೆಂಬಲ ಮೊತ್ತವನ್ನು ನೀಡಲಿದ್ದು ಅದರಲ್ಲಿ 2.1 ಬಿಲಿಯ ಡಾಲರ್ ಮೊತ್ತವನ್ನು ಇನ್ನೊಂದು ವರ್ಷದೊಳಗೆ ಬಿಡುಗಡೆ ಮಾಡಲಿದೆ ಎಂದು ಹೇಳಿದ್ದರು.
ಇದನ್ನು ಅನುಸರಿಸಿ ಎಡಿಬಿ, ಸಾರ್ವಜನಿಕ ರಜಾ ದಿನದಂದು ಯಾವುದೇ ಹೇಳಿಕೆ ನೀಡದಿರುವ ತನ್ನ ವಾಡಿಕೆಯನ್ನು ಮುರಿದು, 3.4 ಬಿಲಿಯ ಡಾಲರ್ಗಳ ಪಾಕ್ ಸಾಲ ಪ್ರಸ್ತಾವ ಈಗಿನ್ನೂ ಚರ್ಚೆಯಲ್ಲಿದೆಯೇ ಹೊರತು ಮಂಜೂರಾಗಿಲ್ಲ ಎಂದು ಹೇಳಿರುವುದು ಗಮನಾರ್ಹವಾಗಿದೆ.
ಪಾಕಿಸ್ಥಾನದ ಆರ್ಥಿಕತೆ ವಸ್ತುತಃ ದೀವಾಳಿ ಅಂಚನ್ನು ತಲುಪಿದ್ದು ಅದರ ವಿತ್ತೀಯ ಕೊರತೆ ಭಾರೀ ಮಟ್ಟಕ್ಕೆ ಏರಿದೆ. ಇದರಿಂದ ಪಾರಾಗಲು ಮತ್ತು ಜಾಗತಿಕ ವಾಣಿಜ್ಯ ವಲಯದಲ್ಲಿ ತನ್ನ ಮುಖ ಉಳಿಸಿಕೊಳ್ಳಲು ಎಡಿಬಿ ಸಾಲ ಮಂಜೂರಾತಿಯನ್ನು ತಾನೇ ಮೊದಲಾಗಿ ಪ್ರಕಟಿಸಿದೆ ಎಂದು ವರದಿಗಳು ಹೇಳಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು
MUST WATCH
ಹೊಸ ಸೇರ್ಪಡೆ
IPL: ಎಲ್ಲೆ ಮೀರಿ ವಿಕೆಟ್ ಸಂಭ್ರಮಾಚರಣೆಡೆಲ್ಲಿ ವೇಗಿ ರಸಿಕ್ ಸಲಾಂಗೆ ಛೀಮಾರಿ
IPL: ಇಂಪ್ಯಾಕ್ಟ್ ಪ್ಲೇಯರ್ ನಿಯಮಕ್ಕೆ ಅಕ್ಷರ್ ಪಟೇಲ್ ಕೂಡ ವಿರೋಧ
Politics: ನಾನು ಮನಸ್ಸು ಮಾಡಿದರೆ ರೆಡ್ಡಿಯನ್ನು ಬೆತ್ತಲೆ ನಿಲ್ಲಿಸುತ್ತೇನೆ; ಸಚಿವ ತಂಗಡಗಿ
Sumalatha Ambareesh: ಟ್ವೀಟ್ನಲ್ಲಿ ಸಂಸದೆ ಸುಮಲತಾ ಅಂಬರೀಶ್ ವಿವೇಕದ ಪಾಠ
B.S.Yediyurappa: ಶಾಸಕ ಪ್ರಭು ಚವ್ಹಾಣ ಹೆಸರು ಹೇಳುತ್ತಿದ್ದಂತೆ ಬಿಎಸ್ವೈ ಗರಂ