ಕಾರ್ ಬದಲು ವಿಮಾನ ಪಾರ್ಕ್
Team Udayavani, Jun 27, 2019, 5:00 AM IST
ವಾಷಿಂಗ್ಟನ್: ಜಗತ್ತಿನ ಪ್ರಮುಖ ವಿಮಾನ ತಯಾರಿಕೆ ಕಂಪೆನಿ ಬೋಯಿಂಗ್ನ ವಿಮಾನಗಳು ಒಂದಾದ ಮೇಲೆ ಒಂದರಂತೆ ತಾಂತ್ರಿಕ ದೋಷ ಎದುರಿಸುತ್ತಿದ್ದು, ನೂರಾರು ವಿಮಾನಗಳು ಹಾರಾಟ ನಡೆಸದೇ ರಿಪೇರಿಗೆ ಬಾಕಿ ಇವೆ. ಪರಿಸ್ಥಿತಿ ಈಗ ಯಾವ ಮಟ್ಟಕ್ಕೆ ತೆರಳಿದೆಯೆಂದರೆ, ಅಮೆರಿಕದ ವಾಷಿಂಗ್ಟನ್ನಲ್ಲಿರುವ ಕಂಪೆನಿಯ ಸ್ಥಳದಲ್ಲಿ ಈಗ ವಿಮಾನಗಳನ್ನು ಪಾರ್ಕ್ ಮಾಡುವುದಕ್ಕೆ ಸ್ಥಳವಿಲ್ಲದೇ, ಉದ್ಯೋಗಿಗಳ ಕಾರು ಪಾರ್ಕ್ ಮಾಡುವುದಕ್ಕೆಂದು ಮೀಸಲಾದ ಸ್ಥಳದಲ್ಲಿ ವಿಮಾನಗಳನ್ನು ಪಾರ್ಕ್ ಮಾಡಲಾಗಿದೆ. ಇದರ ಫೋಟೋಗಳು ಈಗ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿವೆ.
ಇದೇ ಸಮಸ್ಯೆಯಿಂದಾಗಿ ಲಯನ್ ಏರ್ ಮತ್ತು ಇಥಿಯೋಪಿಯನ್ ಏರ್ಲೈನ್ಸ್ನ ವಿಮಾನಗಳು ಅಕ್ಟೋಬರ್ ಮತ್ತು ಮಾರ್ಚ್ ನಲ್ಲಿ ಅಪಘಾತಕ್ಕೀಡಾಗಿ 350 ಜನರು ಸಾವನ್ನಪ್ಪಿದ್ದರು. ಈ ಘಟನೆಯ ಅನಂತರ ಬೋಯಿಂಗ್ನ 737 ಮ್ಯಾಕ್ಸ್ ವಿಮಾನಗಳನ್ನು ದೇಶಾದ್ಯಂತ ಸೇವೆಯಿಂದ ಹಿಂಪಡೆಯಲಾಗಿತ್ತು. ಮೂಲಗಳ ಪ್ರಕಾರ ಒಟ್ಟು 500 ವಿಮಾನಗಳು ದೇಶದ ವಿವಿಧೆಡೆ ಕಾರ್ಯಾಚರಣೆ ನಡೆಸದೇ ವಿಮಾನ ನಿಲ್ದಾಣಗಳಲ್ಲಿ ನಿಂತಿವೆ. ಈ ಪೈಕಿ ವಾಷಿಂಗ್ಟನ್ನಲ್ಲಿರುವ ಬೋಯಿಂಗ್ನ ಫ್ಯಾಕ್ಟರಿಯಲ್ಲಿ 100 ವಿಮಾನಗಳಿವೆ. ಇದರ ಮಾಸಿಕ ನಿರ್ವಹಣೆ ವೆಚ್ಚವೇ ಮಾಸಿಕ ತಲಾ ವಿಮಾನಕ್ಕೆ 1.5 ಲಕ್ಷ ರೂ. ಆಗಲಿದೆ. ಅಷ್ಟೇ ಅಲ್ಲ, ಈ ವಿಮಾನ ಕಾರ್ಯಾಚರಣೆ ನಿಲ್ಲಿಸಿದ್ದರಿಂದಾಗಿ ವಿವಿಧ ವಿಮಾನಯಾನ ಸಂಸ್ಥೆಗಳಿಗೆ ಉಂಟಾದ ಆರ್ಥಿಕ ನಷ್ಟವನ್ನೂ ಬೋಯಿಂಗ್ ತುಂಬಿಕೊಡಬೇಕಾಗಿದ್ದು, ಇದಕ್ಕಾಗಿ 9 ಸಾವಿರ ಕೋಟಿ ರೂ. ಅನ್ನು ಬೋಯಿಂಗ್ ವೆಚ್ಚ ಮಾಡಬೇಕಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ
Israel-Iran ಅಣುಯುದ್ಧ? ಇರಾನ್ನ ಅಣುಸ್ಥಾವರಗಳ ಮೇಲೆ ದಾಳಿ: ವಿಶ್ವಸಂಸ್ಥೆ ಆತಂಕ
MUST WATCH
ಹೊಸ ಸೇರ್ಪಡೆ
Daily Horoscope: ಉದ್ಯೋಗದಲ್ಲಿ ಪ್ರತಿಭೆಗೆ ಗೌರವ, ದೇವತಾರಾಧನೆಯ ಮೂಲಕ ವಿಘ್ನ ನಿವಾರಣೆ
Srirangapatna: ಐಸ್ ಕ್ರೀಂನಲ್ಲಿ ವಿಷ ಬೆರೆಸಿ ಮಕ್ಕಳ ಕೊಂದ ತಾಯಿ
Loksabha Election; ದೇಶದಲ್ಲಿ ಹಂತ-1: ಮತ ಇಂದು
Ls Polls: ಕಾಂಗ್ರೆಸ್ ಗೆಲ್ಲಿಸದಿದ್ದರೆ ಸಿದ್ದು ಸ್ಥಾನಕ್ಕೆ ಕಂಟಕ; ಸಚಿವ ಬೈರತಿ ಸುರೇಶ್
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು