ಅಮೆರಿಕದ ಸೈಬರ್‌ ವಾರ್‌

ಡ್ರೋನ್‌ ಉರುಳಿಸಿದ ಇರಾನ್‌ ಮೇಲೆ ಪ್ರತೀಕಾರ

Team Udayavani, Jun 24, 2019, 6:00 AM IST

ಸಾಂದರ್ಭಿಕ ಚಿತ್ರ.

ವಾಷಿಂಗ್ಟನ್‌: ಡ್ರೋನ್‌ ಹೊಡೆದುರುಳಿಸಿದ್ದಕ್ಕೆ ಪ್ರತೀಕಾರವಾಗಿ ಇರಾನ್‌ ವಿರುದ್ಧ ಅಮೆರಿಕ ಸೈಬರ್‌ ದಾಳಿ ನಡೆಸಿದೆ. ಕಳೆದ ವಾರ ಅಮೆರಿಕದ ಡ್ರೋನ್‌ ಒಂದನ್ನು ಇರಾನ್‌ ಗಡಿ ಭಾಗದಲ್ಲಿ ಇರಾನ್‌ ಸೇನೆ ಹೊಡೆದುರುಳಿಸಿದ್ದು, ಉಭಯ ದೇಶಗಳ ಮಧ್ಯೆ ಬಿಕ್ಕಟ್ಟು ತೀವ್ರಗೊಳ್ಳಲು ಕಾರಣವಾಗಿದೆ. ಇದಕ್ಕೆ ಪ್ರತೀಕಾರವಾಗಿ ಮೊದಲು ಕ್ಷಿಪಣಿ ದಾಳಿ ನಡೆಸಲು ಅಮೆರಿಕ ಸಜ್ಜಾಗಿತ್ತಾದರೂ, ಕೊನೆ ಕ್ಷಣದಲ್ಲಿ ಅದನ್ನು ಕೈಬಿಟ್ಟಿತ್ತು. ಆದರೆ ಈಗ ಇರಾನ್‌ನ ಕ್ಷಿಪಣಿ ನಿಯಂತ್ರಣಾ ವ್ಯವಸ್ಥೆಯ ಮೇಲೆ ಸೈಬರ್‌ ದಾಳಿ ನಡೆಸಿದೆ. ಕ್ಷಿಪಣಿಗಳು ಹಾಗೂ ರಾಕೆಟ್‌ಗಳನ್ನು ನಿಯಂತ್ರಿಸುವ ಕಂಪ್ಯೂಟರ್‌ಗಳ ಮೇಲೆ ದಾಳಿ ನಡೆಸಲಾಗಿದೆ ಎಂದು ಗುಪ್ತಚರ ದಳದ ಮೂಲಗಳು ತಿಳಿಸಿವೆ.

ಈ ರೀತಿಯ ದಾಳಿ ನಡೆಸಲು ಅಮೆರಿಕ ಕೆಲವು ವಾರಗಳಿಂದ ಪೂರ್ವತಯಾರಿ ನಡೆಸಿತ್ತು. ಕೆಲವು ದಿನಗಳ ಹಿಂದೆ ಹೊರ್ಮುಜ್‌ ಪ್ರದೇಶದಲ್ಲಿ ತೈಲ ಹಡಗುಗಳ ಮೇಲೆ ಇರಾನ್‌ ದಾಳಿ ನಡೆಸಿದ್ದಕ್ಕೆ ಪ್ರತಿಯಾಗಿ ದಾಳಿ ನಡೆಸಲು ನಿರ್ಧರಿಸಲಾಗಿತ್ತು. ಆದರೆ ವಿವರವನ್ನು ಅಮೆರಿಕ ಪ್ರಕಟಿಸಿಲ್ಲ.

ಇರಾನ್‌ಗೆ ಎಚ್ಚರಿಕೆ
ಕೊನೆಯ ಕ್ಷಣದಲ್ಲಿ ಇರಾನ್‌ ಮೇಲೆ ಕ್ಷಿಪಣಿ ದಾಳಿ ನಡೆಸುವ ನಿರ್ಧಾರ ಹಿಂತೆಗೆದುಕೊಂಡಿದ್ದನ್ನು ಟ್ರಂಪ್‌ ಬಲಹೀನತೆ ಎಂದು ಇರಾನ್‌ ಪರಿಗಣಿಸಬಾರದು. ನಮ್ಮ ಸೇನೆಯು ದಾಳಿಗೆ ಸಶಕ್ತ ಮತ್ತು ಸನ್ನದ್ಧವಾಗಿದೆ ಎಂದು ಅಮೆರಿಕ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜಾನ್‌ ಬೋಲ್ಟನ್‌ ಹೇಳಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಕ್ಲೀವ್‌ಲ್ಯಾಂಡ್‌: ವೈದ್ಯಕೀಯ ಲೋಕದ ಮಹತ್ವದ ಸಾಧನೆಯೊಂದರಲ್ಲಿ ಅಮೆರಿಕದ ಕ್ಲೀವ್‌ಲ್ಯಾಂಡ್‌ನ‌ಲ್ಲಿ ಮೃತ ಮಹಿಳೆಯಿಂದ ತೆಗೆದು ಕಸಿ ಮಾಡಿದ ಗರ್ಭಕೋಶದಿಂದ ಮತ್ತೂಬ್ಬ...

  • ಕೊಲಂಬೊ: ಶ್ರೀಲಂಕಾದ ಈಸ್ಟರ್‌ ಸರಣಿ ಬಾಂಬ್‌ ಸ್ಫೋಟಗಳನ್ನು ಅಂತಾರಾಷ್ಟ್ರೀಯ ಮಾದಕವಸ್ತು ಗುಂಪೊಂದು ನಡೆಸಿದೆ ಎಂದು ಶ್ರೀಲಂಕಾ ಅಧ್ಯಕ್ಷ ಮೈತಿಪಾಲ ಸಿರಿಸೇನಾ...

  • ಇಸ್ಲಾಮಾಬಾದ್‌: ಈಗಾಗಲೇ ಆರ್ಥಿಕ ಮುಗ್ಗಟ್ಟಿನಿಂದ ಬಳಲುತ್ತಿರುವ ಪಾಕಿಸ್ಥಾನಕ್ಕೆ ವಿಶ್ವ ಬ್ಯಾಂಕ್‌ ಭಾರೀ ಆಘಾತ ನೀಡಿದೆ. ಚಿನ್ನದ ಗಣಿಯನ್ನು ವಿದೇಶಿ ಕಂಪೆನಿಗಳಿಗೆ...

  • ಬೀಜಿಂಗ್‌: ಟಿಬೆಟಿಯನ್‌ ಧರ್ಮಗುರು ದಲೈ ಲಾಮಾ ಉತ್ತರಾಧಿಕಾರಿ ಯಾರೆಂಬ ನಿರ್ಧಾರವು ಚೀನದಲ್ಲೇ ಆಗಲಿದೆ. ಈ ವಿಚಾರದಲ್ಲಿ ಭಾರತವು ಮೂಗು ತೂರಿಸಲು ಬಂದರೆ ದ್ವಿಪಕ್ಷೀಯ...

  • ಟೋಕಿಯೋ: ಜಪಾನ್‌ನಲ್ಲಿ ನೋಂದಾಯಿತ ಬಿಟ್‌ಕಾಯಿನ್‌ ಎಕ್ಸ್‌ಚೇಂಜ್‌ ಬಿಟ್‌ಪಾಯಿಂಟ್‌ ಹ್ಯಾಕರ್‌ಗಳ ಕೈಗೆ ಸಿಕ್ಕಿಕೊಂಡು 300 ಕೋಟಿ ರೂ. ನಷ್ಟ ಮಾಡಿಕೊಂಡಿದೆ. ಇದರಿಂದಾಗಿ...

ಹೊಸ ಸೇರ್ಪಡೆ