ಅಮೆರಿಕ ನೆಮ್ಮದಿಗೆ ಮತ್ತೆ ಉ.ಕೊರಿಯಾ ಕೊಳ್ಳಿ

Team Udayavani, Nov 30, 2017, 6:00 AM IST

ಸಿಯೋಲ್‌: ಒಂದರ ಹಿಂದೊಂದರಂತೆ ಕ್ಷಿಪಣಿ ಪರೀಕ್ಷೆ ನಡೆಸುತ್ತಾ ಅಮೆರಿಕ ನಾಶಗೊಳಿಸುವ ಬೆದರಿಕೆ ಒಡ್ಡುತ್ತಿರುವ ಉತ್ತರ ಕೊರಿಯಾ ಬುಧವಾರ ಅತ್ಯಂತ ಶಕ್ತಿಶಾಲಿಯಾದ ಹ್ವಾಸಾಂಗ್‌-15 ಎಂಬ ಖಂಡಾತರ ಕ್ಷಿಪಣಿಯೊಂದರ ಯಶಸ್ವಿ ಪ್ರಯೋಗ ನಡೆಸಿರುವುದಾಗಿ ಘೋಷಿಸಿದೆ.   

ಖಂಡಾಂತರ ಕ್ಷಿಪಣಿ ಪರೀಕ್ಷೆ ಸರಣಿಯಲ್ಲಿ ಉತ್ತರ ಕೊರಿಯಾ ನಡೆಸಿರುವ ಮೂರನೇ ಕ್ಷಿಪಣಿ ಇದಾಗಿದ್ದು, ಈ ಹಿಂದಿನ ಎಲ್ಲಾ ಕ್ಷಿಪಣಿ ಗಿಂತಲೂ ಹ್ವಾಸಾಂಗ್‌-51 ಅತ್ಯಂತ ಶಕ್ತಿಶಾಲಿ ಹಾಗೂ ವಿನಾಶಕಾರಿ ಎಂದು ಹೇಳಲಾಗಿದೆ. 

ಏನಿದರ ವಿಶೇಷ?: ಇದು ಅಣ್ವಸ್ತ್ರದ ಸಿಡಿ ತಲೆಗಳನ್ನು ಕೊಂಡೊಯ್ಯಬಲ್ಲ ಸಾಮರ್ಥ್ಯ ಹೊಂದಿದೆ. ಉಡಾವಣೆಗೊಂಡ ನಂತರ 4,475 ಕಿ.ಮೀ. ಎತ್ತರಕ್ಕೆ ಚಿಮ್ಮಬಲ್ಲ ಇದು, ಆನಂತರ ತನ್ನ ಗುರಿಯೆಡೆಗೆ ಮುಖ ಮಾಡಿ 13 ಸಾವಿರ ಕಿ.ಮೀ.ವರೆಗೆ ಸಾಗಬಲ್ಲದು. ಅಲ್ಲದೆ, ಅಮೆರಿಕದ ಯಾವುದೇ ಪ್ರಮುಖ ನಗರವನ್ನು ನಿಮಿಷಗಳಲ್ಲೇ ನಾಶ ಮಾಡಬಲ್ಲ ಶಕ್ತಿ ಇದಕ್ಕಿದೆ ಎಂದು ಉತ್ತರ ಕೊರಿಯಾ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ. 

ಸರ್ಕಾರಿ ವಾಹಿನಿಯಲ್ಲಿ ಕ್ಷಿಪಣಿ ಯಶಸ್ವಿ ಪರೀಕ್ಷೆ ಪ್ರಕಟಿಸಿದ ಅಲ್ಲಿನ ಸ್ಟಾರ್‌ ನಿರೂಪಕಿ ರಿ ಚುನ್‌-ಹೀ, ಹೊಸ ಕ್ಷಿಪಣಿ ಪರೀಕ್ಷೆಯಿಂದಾಗಿ ಉತ್ತರ ಕೊರಿಯಾವು ಅಣ್ವಸ್ತ್ರಗಳ ಸಂಸ್ಥಾನ ವೆಂಬ ಹೆಗ್ಗಳಿಕೆ ಪಡೆದುಕೊಂಡಂತಾಗಿದೆ ಎಂದು ಅಧ್ಯಕ್ಷ ಕಿಮ್‌ ಜಾಂಗ್‌-ಉನ್‌ ಘೋಷಿ ಸಿರುವುದಾಗಿ ಹೇಳಿದ್ದಾರೆ. ಮಹತ್ವದ ಬೆಳವಣಿಗೆಗಳು ನಡೆದಾಗ ಮಾತ್ರವೇ ರಿ ಚುನ್‌ ಅವರು ಟಿವಿಯಲ್ಲಿ ಕಾಣಿಸಿ ಕೊಳ್ಳುತ್ತಾರೆ.

ಉತ್ತರ ಕೊರಿಯಾದ ಈ ಹೊಸ ರಣೋತ್ಸಾಹ ಅಮೆರಿಕಕ್ಕೆ ಕೇಡುಗಾಲ ತರಲಿದೆ ಎಂದು ಹೇಳಲಾಗಿದ್ದು, ಅಮೆರಿಕದ ವಿಜ್ಞಾನಿ ಗಳ ಒಕ್ಕೂಟದ ಸಹ ನಿರ್ದೇಶಕ ಡೇವಿಡ್‌ ರಿಟ್‌ ಅವರೂ ಈ ಕ್ಷಿಪಣಿ ಬಗ್ಗೆ ಆತಂಕ ವ್ಯಕ್ತಪಡಿಸಿರುವುದು ಇದಕ್ಕೆ ಪುಷ್ಟಿ ನೀಡಿದೆ. 

ರಷ್ಯಾ ಪ್ರತಿಕ್ರಿಯೆ: ಉತ್ತರ ಕೊರಿಯಾದ ಹೊಸ ಕ್ಷಿಪಣಿ ಪ್ರಯೋಗ, ಯುದ್ಧ ಪ್ರಚೋದನಾ ತಂತ್ರಗಾರಿಕೆ ಎಂದು ರಷ್ಯಾದ ಅಧ್ಯಕ್ಷರ ಅಧಿಕೃತ ನಿವಾಸವಾದ ಮಾಸ್ಕೊ ಕ್ರೆಮ್ಲಿನ್‌ ಹೇಳಿದೆ. 

ತ್ರಿಮೂರ್ತಿಗಳ ತುರ್ತು ಸಭೆ
ಉತ್ತರ ಕೊರಿಯಾ ವತಿಯಿಂದ ಹೊಸ ಕ್ಷಿಪಣಿ ಪ್ರಯೋಗ ಯಶಸ್ವಿ ವಿಚಾರ ಪ್ರಕಟವಾದ ಬೆನ್ನಲ್ಲೇ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ದೂರವಾಣಿ ಮೂಲಕ ದಕ್ಷಿಣ ಕೊರಿಯಾದ ಅಧ್ಯಕ್ಷ ಮೂನ್‌ ಜೇ-ಇನ್‌ ಹಾಗೂ ಜಪಾನ್‌ ಪ್ರಧಾನಿ ಅಬೆ ಶಿಂಜೊ ತುರ್ತು ಸಭೆ ನಡೆಸಿದ್ದಾರೆ. ಉತ್ತರ ಕೊರಿಯಾದ ಈ ನಡೆಯಿಂದ ದಕ್ಷಿಣ ಕೊರಿಯಾ, ಜಪಾನ್‌ ರಾಷ್ಟ್ರಗಳು ಕಟ್ಟೆಚ್ಚರ ವಹಿಸಬೇಕೆಂದು ಟ್ರಂಪ್‌ ಸೂಚಿಸಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬೆಂಗಳೂರು: ರಾಜ್ಯದ ಆಂತರಿಕ ಭದ್ರತಾ ವಿಭಾಗ (ಐಎಸ್‌ಡಿ) ಮತ್ತು ರಾಜ್ಯ ಗುಪ್ತಚರ ವಿಭಾಗ ಅಡಿ ಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಭಯೋತ್ಪಾದಕ ನಿಗ್ರಹ ವಿಭಾಗ...

  • ಬೆಂಗಳೂರು: ನಗರದ ಸುತ್ತ-ಮುತ್ತಲ ಪ್ರದೇಶಗಳಲ್ಲಿ ಜೆಎಂಬಿ(ಜಮಾತ್‌-ಉಲ್‌-ಮುಜಾಹಿದ್ದೀನ್‌) ಉಗ್ರರ ಅಡಗುತಾಣಗಳು ಪತ್ತೆಯಾಗಿವೆ ಎಂಬ ರಾಷ್ಟ್ರೀಯ ತನಿಖಾ ದಳ (ಎನ್‌ಐಎ)...

  • ನವದೆಹಲಿ: ಅಕ್ರಮ ಹಣ ವರ್ಗಾವಣೆ ಪ್ರಕರಣದಡಿ ನನ್ನನ್ನು ಬಂಧಿಸಿರುವುದು ರಾಜಕೀಯ ಪಿತೂರಿ ಎಂದು ಮಾಜಿ ಸಚಿವ ಡಿ.ಕೆ. ಶಿವಕುಮಾರ್‌ ದೆಹಲಿ ಹೈಕೋರ್ಟ್‌ನಲ್ಲಿ ತಮ್ಮ...

  • ಬೆಂಗಳೂರು: ಸಾರ್ವಜನಿಕರ ಸಮಸ್ಯೆಗಳನ್ನು ಪರಿಹರಿಸುವ ಉದ್ದೇಶದಿಂದ ರೂಪಿಸಿರುವ "ಸಹಾಯ ಆ್ಯಪ್‌'ನಲ್ಲಿ ದಾಖಲಾಗುವ ದೂರುಗಳನ್ನು ಕಾಲಮಿತಿಯೊಳಗೆ ಬಗೆಹರಿಸುವುದಕ್ಕೆ...

  • ಬೆಂಗಳೂರು: ವೇತನ ಪರಿಷ್ಕರಣೆಗಾಗಿ ಎಚ್‌ಎಎಲ್‌ ನೌಕರರು ನಡೆಸುತ್ತಿರುವ ಅನಿರ್ದಿಷ್ಟಾವಧಿ ಮುಷ್ಕರ ಎರಡನೇ ದಿನ ತಾರಕ್ಕೇರಿದ್ದು, ನೌಕರರ ಸಂಘಟನೆ ಮತ್ತು ಆಡಳಿತ...