ಬ್ರೆಕ್ಸಿಟ್ ಒಪ್ಪಂದ ಅಂತಿಮ
ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಮಾಹಿತಿ
Team Udayavani, Oct 18, 2019, 5:00 AM IST
ಲಂಡನ್: ಕೆಲವು ವರ್ಷಗಳಿಂದ ಭಾರೀ ವಿವಾದಕ್ಕೆ ಕಾರಣವಾಗಿದ್ದ, ಐರೋಪ್ಯ ಒಕ್ಕೂಟದಿಂದ ಇಂಗ್ಲೆಂಡ್ ವಿಭಜನೆಯಾಗುವ ಬ್ರೆಕ್ಸಿಟ್ ಒಪ್ಪಂದ ಕೊನೆಗೂ ಅಂತಿಮಗೊಂಡಿದೆ. ಐರೋಪ್ಯ ಒಕ್ಕೂಟದ ಜತೆಗೆ ನಾವು ಒಪ್ಪಂದ ಮಾಡಿಕೊಂಡಿದ್ದೇವೆ ಎಂದು ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಗುರುವಾರ ಪ್ರಕಟಿಸಿದ್ದಾರೆ. ಶನಿವಾರ ಈ ಒಪ್ಪಂದಕ್ಕೆ ಸಹಿ ಹಾಕುವ ಸಾಧ್ಯತೆಯಿದೆ.
ಬ್ರಸೆಲ್ಸ್ನಲ್ಲಿ ಐರೋಪ್ಯ ಒಕ್ಕೂಟದ ಸದಸ್ಯರು ಹಾಗೂ ಬ್ರಿಟನ್ ಸಭೆ ನಡೆಸುತ್ತಿದ್ದು, ಶನಿವಾರ ಅಂತಿಮ ರೂಪ ದೊರೆಯಲಿದೆ. ಎಲ್ಲ 27 ಸದಸ್ಯರೂ ಒಪ್ಪಂದಕ್ಕೆ ಸಹಿ ಹಾಕುವ ನಿರೀಕ್ಷೆಯಿದೆ ಎನ್ನಲಾಗಿದೆ. ಇದೇ ವೇಳೆ, ಶನಿ ವಾರ ಬ್ರಿಟನ್ನ ಸಂಸತ್ತಿನಲ್ಲೂ ಈ ಮಸೂದೆಗೆ ಅಂಗೀಕಾರ ಲಭ್ಯವಾಗುವ ನಿರೀಕ್ಷೆ ವ್ಯಕ್ತವಾ ಗಿದೆ. ಈ ಎರಡೂ ಪ್ರಕ್ರಿಯೆ ಪೂರ್ಣಗೊಂಡರೆ ಅಕ್ಟೋಬರ್ 31ರಂದು ಐರೋಪ್ಯ ಒಕ್ಕೂಟ ದಿಂದ ಬ್ರಿಟನ್ ಅಧಿಕೃತವಾಗಿ ಬೇರ್ಪಡಲಿದೆ.
ಬ್ರೆಕ್ಸಿಟ್ ಒಪ್ಪಂದದ ಸುದ್ದಿ ಪ್ರಕಟವಾಗು ತ್ತಿದ್ದಂತೆ ಬ್ರಿಟನ್ನ ಷೇರು ಮಾರುಕಟ್ಟೆ ಚೇತ ರಿಕೆ ಕಂಡುಕೊಂಡಿದೆ. ಆದರೆ ಡೆಮಾ ಕ್ರಾಟಿಕ್ ಯೂನಿಯನಿಸ್ಟ್ ಪಕ್ಷವು ಈ ಒಪ್ಪಂದದ ಬಗ್ಗೆ ತನ್ನ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದು, ಉತ್ತರ ಐರ್ಲೆಂಡ್ಗೆ ಈ ಒಪ್ಪಂದ ಸಮಸ್ಯೆ ಒಡ್ಡಲಿದೆ ಎಂದಿದೆ.
ಟಾಟಾ ಮೋಟಾರ್ಸ್ ಶೇ.10 ಏರಿಕೆ
ಬ್ರೆಕ್ಸಿಟ್ ಒಪ್ಪಂದ ಅಂತಿಮ ಹಂತಕ್ಕೆ ತಲುಪುತ್ತಿದ್ದಂತೆಯೇ ಮುಂಬಯಿ ಷೇರುಪೇಟೆಯಲ್ಲಿ ಟಾಟಾ ಮೋಟಾರ್ಸ್ ಷೇರು ಏರುಗತಿ ಕಂಡಿದೆ. ಟಾಟಾ ಮೋಟಾರ್ಸ್ನ ಅಂಗಸಂಸ್ಥೆ ಜಾಗ್ವಾರ್ ಲ್ಯಾಂಡ್ ರೋವರ್ ವಹಿವಾಟಿಗೆ ಬ್ರೆಕ್ಸಿಟ್ ಅತಂತ್ರದಿಂದ ಭಾರಿ ಹೊಡೆತ ಉಂಟಾಗಿತ್ತು. ಈಗ ಒಪ್ಪಂದ ಅಂತಿಮ ಹಂತಕ್ಕೆ ಬರುತ್ತಿದ್ದಂತೆಯೇ ಶೇ. 10 ರಷ್ಟು ಏರಿಕೆ ಕಂಡಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ
Israel-Iran ಅಣುಯುದ್ಧ? ಇರಾನ್ನ ಅಣುಸ್ಥಾವರಗಳ ಮೇಲೆ ದಾಳಿ: ವಿಶ್ವಸಂಸ್ಥೆ ಆತಂಕ