ಅಮೆರಿಕ ಬಳಿಕ ಚಂದ್ರನ ಮೇಲೆ ಧ್ವಜ ಸ್ಥಾಪಿಸಿದ 2ನೇ ರಾಷ್ಟ್ರ ಚೀನ
Team Udayavani, Dec 6, 2020, 5:45 AM IST
ಬೀಜಿಂಗ್: ಚಂದ್ರನಂಗಳದಲ್ಲಿ ಅಮೆರಿಕ ತನ್ನ ದೇಶದ ಧ್ವಜ ನೆಟ್ಟ 50 ವರ್ಷಗಳ ಅನಂತರ ಈಗ ಚೀನ ಈ ಸಾಧನೆ ಮಾಡಿದ ಎರಡನೇ ರಾಷ್ಟ್ರವೆಂಬ ಗರಿಮೆಗೆ ಪಾತ್ರವಾಗಿದೆ. ಚಂದ್ರನಂಗಳದ ಅಧ್ಯಯನಕ್ಕಾಗಿ ಚೀನ ಕಳುಹಿಸಿಕೊಟ್ಟಿರುವ Chang’e-5 ಬಾಹ್ಯಾಕಾಶ ನೌಕೆಯು ಚೀನಿ ಧ್ವಜವನ್ನು ನೆಟ್ಟು ಅದರ ಚಿತ್ರಗಳನ್ನು ಕಳುಹಿಸಿಕೊಟ್ಟಿದೆ. ಚಂದ್ರನ ಮೇಲಿನ ಮಣ್ಣು ಹಾಗೂ ಕಲ್ಲುಗಳ ಮಾದರಿಯನ್ನೂ ಈ ಗಗನನೌಕೆ ಸಂಗ್ರಹಿಸಿದ್ದು, ಭೂಮಿಗೆ ಹಿಂದಿರುಗಿದ ಅನಂತರ ಈ ಮಾದರಿಗಳ ಅಧ್ಯಯನ ಮಾಡಲಾಗುತ್ತದೆ.
ಅಮೆರಿಕ 1969ರಲ್ಲಿ ತನ್ನ ಮೊದಲ ಮಾನವ ಸಹಿತ ಅಪೋಲೋ ಮಿಷನ್ ಸಂದರ್ಭದಲ್ಲಿ ಮೊದಲ ಬಾರಿಗೆ ಚಂದ್ರನ ಮೇಲೆ ಧ್ವಜ ಸ್ಥಾಪಿಸಿತ್ತು. ತದನಂತರ 1969ರಿಂದ 1972ರವರೆಗೂ ಅಮೆರಿಕ 12 ಗಗನಯಾತ್ರಿಗಳನ್ನು ಚಂದ್ರನ ಮೇಲ್ಮೆ„ಯಲ್ಲಿ ಇಳಿಸಿತ್ತು. ಈ ಯೋಜನೆಗಳ ವೇಳೆ ಒಟ್ಟು 382 ಕೆಜಿಯಷ್ಟು ಕಲ್ಲು ಮತ್ತು ಮಣ್ಣಿನ ಮಾದರಿ ಸಂಗ್ರಹಿಸಲಾಗಿತ್ತು.
ಭೂಮಿಯತ್ತ ಮರು ಪ್ರಯಾಣ
ನ.23ರಂದು ಚೀನ ಉಡಾಯಿಸಿದ Chang’e-5 ಡಿ.1ರಂದು ಚಂದ್ರನ ಮೇಲೆ ಇಳಿದಿತ್ತು, ಈಗ ಮಾದರಿಗಳನ್ನು ಸಂಗ್ರಹಿಸಿ ಅದು ಭೂಮಿಯತ್ತ ತನ್ನ ಪಯಣ ಬೆಳೆಸಿದ್ದು, ಡಿ.16ರಂದು ಬಂದಿಳಿಯುವ ನಿರೀಕ್ಷೆಯಿದೆ. ಈ ಮಾದರಿಗಳನ್ನು ಹೊತ್ತು ಗಗನನೌಕೆಯೇನಾದರೂ ಯಶಸ್ವಿಯಾಗಿ ಬಂದಿಳಿದರೆ, ಅಮೆರಿಕ, ರಷ್ಯಾ ಅನಂತರ ಚಂದ್ರನ ಅಂಗಳದಿಂದ ಕಲ್ಲು, ಮಣ್ಣಿನ ಮಾದರಿ ತಂದ ಮೂರನೇ ರಾಷ್ಟ್ರ ಎಂಬ ಗರಿಮೆಗೂ ಚೀನ ಪಾತ್ರವಾಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು