ಆರೋಗ್ಯ ಯೋಧರು: ಈ ಶ್ವಾನ ಕೋವಿಡ್ 19 ಹೀರೋ
Team Udayavani, Apr 2, 2020, 5:38 PM IST
ಕೋವಿಡ್ 19 ವ್ಯಾಪಿಸಿರುವಂಥ ಈ ಸಂಕಷ್ಟದ ಸನ್ನಿವೇಶದಲ್ಲಿ ತಮ್ಮ ಜೀವವನ್ನೇ ಪಣಕ್ಕಿಟ್ಟು, ಸೋಂಕಿತರನ್ನು ರಕ್ಷಿಸುವ ಕೆಲಸದಲ್ಲಿ ತೊಡಗಿರುವ ವೈದ್ಯರಿಗೆ ವಿಶ್ವಾದ್ಯಂತ ಶ್ಲಾಘನೆಗಳ ಸುರಿಮಳೆಯೇ ವ್ಯಕ್ತವಾಗಿದೆ. ಅವರೆಲ್ಲರೂ ತಮ್ಮ ತಮ್ಮ ಮನೆಗಳಿಗೆ ಹೋಗಿ, ಕುಟುಂಬ ಸದಸ್ಯರನ್ನು ಭೇಟಿಯಾಗದೇ ಎಷ್ಟು ದಿನಗಳಾದವೋ? ಈ ಆರೋಗ್ಯ ಸಿಬಂದಿಯ ಮಾನಸಿಕ ಸ್ಥಿತಿಯನ್ನು ಮನಗಂಡು ಅಮೆರಿಕದ ಡೆನ್ವೆì ನ ಆಸ್ಪತ್ರೆಯೊಂದರ ವೈದ್ಯರೊಬ್ಬರು ತಮ್ಮ ನಾಯಿಯನ್ನೂ ಕೋವಿಡ್ 19 ವಿರುದ್ಧದ ಹೋರಾಟದಲ್ಲಿ ಬಳಸಿಕೊಂಡಿದ್ದಾರೆ.
ಅಂದರೆ, ಆ ನಾಯಿಯನ್ನು ಅವರು ಆಸ್ಪತ್ರೆಗೆ ಕರೆತರುತ್ತಿದ್ದಾರೆ. ಅಷ್ಟೇ ಅಲ್ಲ, ಆಸ್ಪತ್ರೆಯಲ್ಲಿ ಅದಕ್ಕೊಂದು ವಿಶೇಷ ಕೊಠಡಿಯನ್ನೂ ನೀಡಲಾಗಿದೆ. ಸತತ ಶ್ರಮದಿಂದ ದಣಿದ ವೈದ್ಯರು, ನರ್ಸ್ ಗಳು ಹಾಗೂ ಇತರೆ ಸಿಬಂದಿ ತುಂಬಾ ಸುಸ್ತಾದಾಗ ಆ ಕೊಠಡಿಗೆ ತೆರಳುತ್ತಾರೆ. ವಿನ್ ಎಂಬ ಹೆಸರಿನ ಆ ನಾಯಿಯು ಇವರೊಂದಿಗೆ ಆಟವಾಡುತ್ತಾ ಅವರನ್ನು ಉಲ್ಲಸಿತರನ್ನಾಗಿಸುತ್ತಿದೆ.
ಇದೊಂದು ಥೆರಪಿ ಶ್ವಾನವಾಗಿದ್ದು, ಇದರೊಂದಿಗೆ ಸ್ವಲ್ಪ ಹೊತ್ತು ಕಳೆದರೆ, ಶಾರೀರಿಕವಾಗಿಯೂ ಮಾನಸಿಕವಾಗಿಯೂ ಉಲ್ಲಾಸ ಸಿಗುತ್ತದೆ. ವೈದ್ಯರು ರೋಗಿಗಳ ಸೇವೆಯಲ್ಲಿ ತೊಡಗಿದ್ದರೆ, ಈ ಶ್ವಾನವು ವೈದ್ಯರ ಸೇವೆಯಲ್ಲಿ ತೊಡಗುವ ಮೂಲಕ, ಇದು ಕೂಡ ಹೀರೋ ಎನಿಸಿಕೊಂಡಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು