ಕುಣಿದು ಒತ್ತಡ ನಿವಾರಿಸಿ ; ಆರೋಗ್ಯ ಕಾರ್ಯಕರ್ತರ ನೃತ್ಯ ಸವಾಲು
Team Udayavani, Apr 12, 2020, 5:15 PM IST
ನ್ಯೂಯಾರ್ಕ್: ಒಂದೆಡೆ ಕೋವಿಡ್-19 ಅಮೆರಿಕದಲ್ಲಿ ವ್ಯಾಪಕವಾಗಿ ಹಬ್ಬುತ್ತಿದ್ದರೆ, ಇನ್ನೊಂದೆಡೆ ಆರೋಗ್ಯ ಕಾರ್ಯಕರ್ತರು ಕ್ವಾರಂಟೇನ್ನಲ್ಲಿರುವವರ ಬೇಸರ ಕಳೆಯಲು ಹಾಗೂ ತಮ್ಮ ಕಾರ್ಯ ಒತ್ತಡವನ್ನು ಕಳೆಯಲು ಕುಣಿಯತೊಡಗಿದ್ದಾರೆ.
ಟಿಕ್ ಟಾಕ್ನಂಥ ಸಾಮಾಜಿಕ ಮಾಧ್ಯಮಗಳಲ್ಲಿನ ನೃತ್ಯ ಸವಾಲುಗಳಿಗೆ ಪ್ರತಿ ಉತ್ತರವಾಗಿ ಈ ಆರೋಗ್ಯ ಕಾರ್ಯಕರ್ತರು ತಮ್ಮ ನೃತ್ಯ ಪ್ರದರ್ಶನವನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಇದೀಗ ಟ್ರೆಂಡ್ ಆಗಿದ್ದು, ವೈದ್ಯರೂ ಸೇರಿದಂತೆ ಆರೋಗ್ಯ ಕಾರ್ಯಕರ್ತರ ನೃತ್ಯಗಳು ವೈರಲ್ ಆಗುತ್ತಿವೆ.
ಮಿಸೌರಿಯ ಸ್ಪ್ರಿಂಗ್ಫಿಲ್ಡ್ ನ ಮರ್ಸಿ ಆಸ್ಪತ್ರೆಯಲ್ಲಿ ಮೇಗನ್ ಥೀ ಸ್ಟಾಲಿಯನ್ ಬರೆದ “ಸ್ಯಾವೆಜ್’ ನಂತಹ ಹಾಡುಗಳಿಗೆ ಆರೋಗ್ಯ ಕಾರ್ಯಕರ್ತರು ನೃತ್ಯ ಮಾಡಿ ಟಿಕ್ಟಾಕ್ನಲ್ಲಿ ನೃತ್ಯ ಸವಾಲುಗಳನ್ನು ಹಾಕುತ್ತಿದ್ದಾರೆ. ಕಳೆದ ತಿಂಗಳಿಂದ ಈ ಬಗೆಯ ವಿಡಿಯೋಗಳ ಹಂಚಿಕೆ ಆರಂಭವಾಯಿತು.
ಇದು ಒಬ್ಬ ವೈದ್ಯೆ ಹಾಗೂ ಒಂದು ಆಸ್ಪತ್ರೆಯ ಕಥೆಯಲ್ಲ. ಹಲವು ಆಸ್ಪತ್ರೆ ಹಾಗೂ ಆರೋಗ್ಯ ಕಾರ್ಯಕರ್ತರ ಕಥೆ.
ದಿನೇ ದಿನೆ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿರುವುದರಿಂದ ಆರೋಗ್ಯ ಕಾರ್ಯಕರ್ತರ ಮೇಲಿನ ಒತ್ತಡವೂ ಹೆಚ್ಚಾಗುತ್ತಿದೆ. ಈಗ ಅ ಒತ್ತಡವನ್ನು ನಿರ್ವಹಿಸುವುದೇ ದೊಡ್ಡ ಸವಾಲಾಗಿ ಪರಿಣಮಿಸುತ್ತಿದೆ. ಇದರೊಂದಿಗೆ ಕ್ವಾರಂಟೇನ್ ನಲ್ಲಿರುವವರನ್ನು ನಿರ್ವಹಿಸುವುದೂ ಪ್ರಮುಖ ಹೊಣೆಗಾರಿಕೆಯಾಗಿದೆ. ಅಮೆರಿಕದಲ್ಲಿ ಆರೋಗ್ಯ ಕಾರ್ಯಕರ್ತರು ಬಹಳಷ್ಟು ಒತ್ತಡವನ್ನು ಎದುರಿಸುತ್ತಿದ್ದಾರೆ.
ಸೋಂಕಿತರ ಮುಖದಲ್ಲಿ ಮುಗುಳ್ನಗೆ ತರಿಸಲು, ಅವರ ದುಃಖ ದೂರ ಮಾಡಲು ಹಾಗೂ ನಮ್ಮ ಒತ್ತಡವನ್ನು ನಿವಾರಿಸಿಕೊಳ್ಳಲು ಇದೊಂದು ಪ್ರಯತ್ನವಷ್ಟೇ. ಆದರೆ ಈ ಮೂಲಕ ಕೋವಿಡ್-19 ಸೋಂಕಿನ ಗಂಭೀರತೆಯನ್ನೇನೂ ಕಡಿಮೆ ಮಾಡುತ್ತಿಲ್ಲ ಎಂದು ಹೇಳಿದ್ದಾರೆ ಆರೋಗ್ಯ ಕಾರ್ಯಕರ್ತ ಬೇಕರ್.
ಫಿಲಡೆಲ್ಫಿಯಾದ ಥಾಮಸ್ ಜೆಫರ್ಸನ್ ವಿವಿ ಆಸ್ಪತ್ರೆ ಸಿಬಂದಿಯೂ ಈ ನೃತ್ಯ ಸವಾಲನ್ನು ಸ್ವೀಕರಿಸಿತ್ತು. ಹೀಗೆ ನೃತ್ಯ ಸವಾಲು ಮುಂದುವರಿದಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!
MUST WATCH
ಹೊಸ ಸೇರ್ಪಡೆ
Politics: ಚಿತ್ರದುರ್ಗ ರಾಜಕೀಯ ನಿರಾಶ್ರಿತರ ಕೇಂದ್ರವೇ?: ರಘುಚಂದನ್
PSI re-examination: ಪಿಎಸ್ಐ ಮರು ಪರೀಕ್ಷೆ, ಅಂತಿಮ ಅಂಕಪಟ್ಟಿ ಬಿಡುಗಡೆ
Mandya: ಬಿಜೆಪಿ ಮುಖಂಡರಿಗೆ ವೇದಿಕೆ ಬಿಟ್ಟು ಕೆಳಗೆ ಕುಳಿತ ಮಂಡ್ಯ ದಳಪತಿಗಳು!
Pramod Madhwaraj: ಸಂಸದರಿಗೆ ಭಾಷೆಯಲ್ಲ,ಕೆಲಸ ಮುಖ್ಯ: ಪ್ರಮೋದ್ ಮಧ್ವರಾಜ್
Hassan Lok sabha Constituency: ಪ್ರಜ್ವಲ್ ರೇವಣ್ಣ ನಾಮಪತ್ರ ಸಲ್ಲಿಕೆ