ಬೈರುತ್ ಬಂದರು ಪ್ರದೇಶದಲ್ಲಿ ಅವಳಿ ಸ್ಪೋಟ: 73 ಮಂದಿ ಸಾವು, ಸಾವಿರಾರು ಜನರಿಗೆ ಗಂಭೀರ ಗಾಯ

Team Udayavani, Aug 5, 2020, 7:44 AM IST

ಬೈರುತ್: ಲೆಬನಾನ್ ರಾಜಧಾನಿ ಬೈರುತ್ ನಗರದ ಬಂದರು ಪ್ರದೇಶದಲ್ಲಿ ಎರಡು ಭಾರೀ ಸ್ಟೋಟ ಸಂಭವಿಸಿದ್ದು 73 ಮಂದಿ ದಾರುಣವಾಗಿ ಮೃತಪಟ್ಟು, ಸಾವಿರಾರು ಜನ ಗಾಯಗೊಂಡಿದ್ದಾರೆ. ಸ್ಪೋಟದ ರಭಸಕ್ಕೆ ಕಟ್ಟಡಗಳು ಅಲುಗಾಡಿದ್ದು ರಾಜಧಾನಿಯಾದ್ಯಂತ ಭೀತಿ ಸೃಷ್ಟಿಸಿದೆ.

ಅವಳಿ ಸ್ಪೋಟದಲ್ಲಿ ಸಾವಿರಾರು ಕಟ್ಟಡಗಳು ಹಾನಿಗೊಳಗಾಗಿದ್ದು ಘಟನೆಗೆ  ನಿಖರ ಕಾರಣ ತಿಳಿದುಬಂದಿಲ್ಲ. ಸ್ಪೋಟದ ತೀವ್ರತೆಗೆ ಬೆಂಕಿಯ ಜ್ವಾಲೆಗಳು ಮಾತ್ರವಲ್ಲದೆ ಸಮುದ್ರದ ಅಲೆಗಳು  ಮಗಿಲೆತ್ತರಕ್ಕೆ ಏರಿದ್ದು, ಘಟನೆಯ ವಿಡಿಯೋಗಳು ಭಯಾನಕವಾಗಿದೆ. ಬೈರುತ್ ನಗರ ರಕ್ತಸಿಕ್ತವಾಗಿ ಮಾರ್ಪಟ್ಟಿದ್ದು ಎಲ್ಲೆಂದರಲ್ಲಿ ಮೃತದೇಹಗಳು, ಕಟ್ಟಡದ ಅವಶೇಷಗಳಡಿ ಸಿಲುಕಿದ ಗಾಯಾಳುಗಳು ಕಂಡುಬರುತ್ತಿದ್ದಾರೆ. ಸುಮಾರು 3,700 ಮಂದಿ ಗಾಯಗೊಂಡಿದ್ದು ಸಾವಿನ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ವರದಿ ತಿಳಿಸಿದೆ.

This is so terrifying! The Beirut explosion from a car driving on the road next to the port#Lebanon #BeirutExplosion pic.twitter.com/p8V99136To

— ???? ??????™ ? (@KFartom) August 4, 2020

ಕಳೆದ ಹಲವು ವರ್ಷಗಳಿಂದ ಯುದ್ಧಭೂಮಿಯಂತಾಗಿರುವ ಲೆಬನಾನ್‌ನಲ್ಲಿ ಕಳೆದ ಕೆಲ ದಿನಗಳಿಂದ ನಿಶಬ್ದತೆ ಆವರಿಸಿತ್ತು.  ಆದರೆ ಮಂಗಳವಾರ ತಡರಾತ್ರಿ  ಬೈರುತ್ ನಗರದ ಬಂದರಿನಲ್ಲಿ ಸಂಭವಿಸಿರುವ ಭಾರೀ ಸ್ಪೋಟವು ಲೆಬನಾನ್‌ನಲ್ಲಿ ಮತ್ತೆ ಆಘಾತದ ತರಂಗಗಳನ್ನು ಎಬ್ಬಿಸಿವೆ.

Insane what’s happening in #Beirut .. friend of a friend took this while coming back from diving.. ? check the blast wave in the water! pic.twitter.com/AAcqTwSbri

— sosadon (@sosadonttv) August 4, 2020

ಬಂದರು ಪ್ರದೇಶದಲ್ಲಿ ರಕ್ಷಣಾ ಕಾರ್ಯ ಭರದಿಂದ ಸಾಗಿದ್ದು, ಕಳೆದ ಒಂದು ವರ್ಷದಲ್ಲಿ ಸಂಭವಿಸಿದ ಭಾರೀ ಸ್ಪೋಟ ಇದಾಗಿದೆ. ನಾವು ದೊಡ್ಡ ದುರಂತವೊಂದಕ್ಕೆ  ಸಾಕ್ಷಿಯಾಗುತ್ತಿದ್ದೇವೆ ಎಂದು ಲೆಬನಾನ್‌ ರೆಡ್‌ಕ್ರಾಸ್‌ ನ ಮುಖ್ಯಸ್ಥ ಜಾರ್ಜ್ ಕೆಟಾನಿ ತಿಳಿಸಿದ್ದಾರೆ. ಸ್ಫೋಟದ ಸದ್ದು 200 ಕಿಮೀ ದೂರದವರೆಗೂ ಕೇಳಿ ಬಂದಿದ್ದು, ಜನರು ಬೆಚ್ಚಿ ಬಿದ್ದಿದ್ದಾರೆ.

صور تظهر دماراً كبيراً بعد الانفجار الذي هز #بيروت#لبنان pic.twitter.com/vkPSFZtpf4

— ا لـ حـ ـد ث (@AlHadath) August 4, 2020

ಸ್ಥಳದಲ್ಲಿ ಆ್ಯಂಬುಲೆನ್ಸ್ ಗಳು ಹಾಗೂ ಸೇನಾ ಹೆಲಿಕಾಪ್ಟರ್ ಗಳು ಕಾರ್ಯಾಚರಣೆಗಿಳಿದಿದ್ದು, ರಕ್ಷಣಾ ಕಾರ್ಯಗಳನ್ನು ನಡೆಸುತ್ತಿವೆ. ಆಸ್ಪತ್ರೆಗಳಲ್ಲಿ ರೋಗಿಗಳು ತುಂಬಿ ಹೋಗಿದ್ದು, ಆಸ್ಪತ್ರೆಯ ಸಿಬ್ಬಂದಿಗಳು ರಕ್ತದಾನ ಮಾಡುವಂತೆ ಜನರ ಬಳಿ ಮನವಿ ಮಾಡಿಕೊಳ್ಳುತ್ತಿದ್ದಾರೆ.

Mother of God.
Explosion in Beirut for unknown reasons.
I have never seen anything like this.
Friends in Beirut telling me they were in a supermarket far from there and still everything fell of them pic.twitter.com/TOvGzJkE98

— Tancredi Palmeri (@tancredipalmeri) August 4, 2020