ಕೆನಡ ಹೊರತುಪಡಿಸಿ ಎಂಬಿಎಗೆ ಬೇಡಿಕೆ ಕುಸಿತ

Team Udayavani, Oct 18, 2019, 7:10 PM IST

ವಾಷಿಂಗ್ಟನ್: ಜಾಗತಿಕವಾಗಿ ಎಂಬಿಎ ಪದವಿಧರರಿಗೆ ಬೇಡಿಕೆ ಸದ್ಯದ ಮಟ್ಟಿಗೆ ಇಳಿಕೆಯಾಗಿದೆ. ಈ ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ. 6.9 ಬೇಡಿಕೆ ಇಳಿಕೆಯಾಗಿದೆ. ಅಮೆರಿಕದ ಸಂಸ್ಥೆಗಳಿಗೆ ಉದ್ಯೋಗ ಅರಸಿಕೊಂಡು ಹೋಗುವವರ ಸಂಖ್ಯೆಗೂ ಕಡಿಮೆಯಾಗಿದೆ ಎಂದು ವರದಿಯೊಂದು ಹೇಳಿದೆ. ಆಯಾ ದೇಶಗಳು ತನ್ನ ದೇಶದ ಪದವಿಧರರಿಗೆ ಉದ್ಯೋಗ ನೀಡಲು ಉತ್ಸುಕವಾಗಿರುವುದರಿಂದ ಯಾರೂ ಅರ್ಜಿಸಲ್ಲಿಸಲು ಮುಂದೆ ಬರುತ್ತಿಲ್ಲ ಎಂಬುದನ್ನು ಇದು ಸೂಚಿಸುತ್ತದೆ.

ಇಂದು ಜಗತ್ತಿನಾದ್ಯಂತ ಸಾವಿರಾರು ಪ್ರತಿಷ್ಠಿತ ಎಂಬಿಎ ಕಾಲೇಜುಗಳು ಇದ್ದು, ಅವುಗಳು ಗುಣಮಟ್ಟದ ಶಿಕ್ಷಣದ ಜತೆ ಸ್ಥಳೀಯ ಸಂಸ್ಥೆಗಳಲ್ಲಿ ತನ್ನ ವಿದ್ಯಾರ್ಥಿಗಳನ್ನು ನೇಮಿಸಿಕೊಳ್ಳುತ್ತಿವೆ. ಇದೇ ಸಂಪ್ರದಾಯ ಬಹುತೇಕ ರಾಷ್ಟ್ರಗಳಲ್ಲಿ ಇದೆಯಾದರೂ ಅಲ್ಲೂ ನಿರೀಕ್ಷಿತ ಪ್ರಮಾಣದಲ್ಲಿ ಉದ್ಯೋಗಗಳು ದೊರಕುತ್ತಿಲ್ಲ. ಅಮೆರಿಕದಲ್ಲಿ ಭಾರತೀಯ ಪದವಿಧರರಿಗೆ ಲಭಿಸುತ್ತಿದ್ದ ಅವಕಾಶಗಳು ಕಡಿಮೆಯಾಗಿದೆ. ಅಮೆರಿಕದಲ್ಲಿ 50 ವಿಷಯಗಳಿಗೆ ವಿದೇಶಗಳಿಂದ ಬರುತ್ತಿದ್ದ ಅರ್ಜಿಗಳಲ್ಲಿ ಶೇ. 47 ಇಳಿಕೆಯಾಗಿದೆ. ಇದು ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ. 21ರಷ್ಟು ಕುಸಿತ ಕಂಡಿದೆ ಎಂದು ಅಂದಾಜಿಸಲಾಗಿದೆ.

ಆದರೆ ಕೆನಡದಲ್ಲಿ ಮಾತ್ರ ಭಾರತೀಯ ಎಂಬಿಎ ಪದವಿಧರರಿಗೆ ಒಳ್ಳೆಯ ಬೇಡಿಕೆ ಇನ್ನೂ ನೀಡಲಾಗುತ್ತಿದೆ. ಅತ್ಯುತ್ತಮ ವೇತನ ಜತೆ ಒಳ್ಳೆಯ ಉದ್ಯೋಗ ಅವಕಾಶವನ್ನು ಕೆನಡ ಕಲ್ಪಿಸುತ್ತಿದೆ. ಇದು ವಿದೇಶದ ಮತ್ತು ದೇಶಿಯ ಎಂಬಿಎ ಪದವಿಧರರಿಗೆ ಸಮಾನ ಉದ್ಯೋಗ ಅವಕಾಶವನ್ನು ನೀಡುತ್ತಾ ಬಂದಿದೆ. ಇಲ್ಲಿ ಈ ಹಿಂದಿನ ವರ್ಷಗಳಿಗೆ ಹೋಲಿಸಿದರೆ ಶೇ. 11ರಷ್ಟು ವೃದ್ಧಿಯಾಗಿದೆ.

2015ರಲ್ಲಿ ಇದ್ದ ಎಂಬಿಎ ಜಾಬ್ ಮಾರ್ಕೆಟ್ ಮತ್ತು 2019ರ ಮಾರ್ಕೆಟ್ ನಡುವೆ ಶೇ. 59 ಇಳಿಕೆ ಕಂಡುಬಂದಿದೆ. ಇದರಿಂದ ಶೇ. 13.7ರಷ್ಟು ವಿದೇಶಗಳಿಂದ ಬರುವ ಅರ್ಜಿಗಳು ಇಳಿಕೆಯಾಗಿದೆ. ಇದು ಪರೋಕ್ಷವಾಗಿ ಉದ್ಯೋಗ ಅವಕಾಶಗಳು ಕಡಿಮೆಯಾಗಲು ಕಾರಣವಾಗಿದೆ. ಅಮೆರಿಕದಲ್ಲಿ ಕೆಲಸ ಮಾಡಲು ವಿಶೇಷವಾಗಿ ಭಾರತೀಯ ಮುಂದೆ ಬರುತ್ತಿಲ್ಲ. ಇದಕ್ಕೆ ಅಲ್ಲಿನ ಹೊಸ ನಿಯಮಗಳು ಮತ್ತು ವಿಸಾ ನೀತಿ ಸೇರಿದಂತೆ ಹಲವು ಕಾರಣಗಳನ್ನೂ ಅಂದಾಜಿಲಾಗುತ್ತಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ