ನಿದ್ದೆಯಲ್ಲೂ ಮೆಸೇಜ್ ಮಾಡ್ತಾರೆ!
Team Udayavani, Dec 11, 2018, 6:00 AM IST
ವಾಷಿಂಗ್ಟನ್: ಮೊಬೈಲ್ ಜೇಬಿನಲ್ಲಿದ್ದಾಗ ಅಕಸ್ಮಾತ್ ಯಾರಿಗೋ ಕಾಲ್ ಹೋಗಿ, ಅವರು ಹಲೋ ಹಲೋ ಎಂದು ಹೇಳಿ ಬೈದು ಕೊಳ್ಳೋದು, ಯಾರ್ಯಾರಿಗೋ ಏನೇನೋ ಸಂದೇಶ ಕಳುಹಿಸಿ, ಬಳಿಕ “ಸಾರಿ’ ಕೇಳ್ಳೋದು ಸರ್ವೆ ಸಾಮಾನ್ಯ. ಆದರೆ, ನಿದ್ದೆಗಣ್ಣಿನಲ್ಲಿ ಸಂದೇಶ ಕಳುಹಿಸಿ, ಬೆಳಗೆ ಎದ್ದಾಗ ಮುಜುಗರಕ್ಕೊಳಗಾಗುವ ಘಟನೆಗಳು ಇತ್ತೀಚೆಗಿನ ದಿನಗಳಲ್ಲಿ ಜಾಸ್ತಿಯಾಗುತ್ತಿವೆಯಂತೆ. ಇದೊಂದು ಮನೋರೋಗ ಎಂದು ಅಭಿಪ್ರಾಯ ಪಟ್ಟಿರುವ ಅಧ್ಯಯನ ತಂಡವೊಂದು, ಕಾಲೇಜು ವಿದ್ಯಾರ್ಥಿಗಳನ್ನು ಈ ಸಮಸ್ಯೆ ಮಿತಿಮೀರಿ ಕಾಡುತ್ತಿದೆ ಎಂದು ಹೇಳಿದೆ.
ಅಮೆರಿಕದ ವಿಲ್ಲಾನೋವಾ ವಿಶ್ವವಿದ್ಯಾಲಯದ ತಂಡ ನಡೆಸಿದ ಅಧ್ಯಯನ ವರದಿಯಲ್ಲಿ ಈ ಬಗ್ಗೆ ಉಲ್ಲೇಖೀಸಲಾಗಿದೆ. ಸದಾ ಕಾಲ ಮೊಬೈಲ್ ಹಿಡಿದಿರುವ ಬಹುತೇಕ ಯುವಕ-ಯುವತಿಯರು, ಅದ ರಲ್ಲೂ ಕಾಲೇಜು ವಿದ್ಯಾರ್ಥಿಗಳು ಮಲಗುವ ವೇಳೆಯಲ್ಲೂ ಮೊಬೈಲ್ ಬಿಟ್ಟಿರುವುದಿಲ್ಲ. ನಿದ್ದೆಗಣ್ಣಿನಲ್ಲಿಯೂ ಮೊಬೈಲ್ ಕೈಗೆತ್ತಿಕೊಂಡು ಸಾಮಾಜಿಕ ಜಾಲ ತಾಣಗಳನ್ನು ಬಳಸುವ ಖಯಾಲಿ ಬೆಳೆಸಿಕೊಂಡಿರುತ್ತಾರೆ. ಇದರ ಪರಿಣಾಮ ಅವರ ನಿದ್ದೆಯ ಮೇಲೆ ಆಗುತ್ತಿದ್ದು, ನಿದ್ದೆಯಲ್ಲೇ ಏನೇನೋ ಸಂದೇಶ ರವಾನಿಸುತ್ತಿದ್ದಾರೆ. ಆದರೆ ನಿದ್ದೆಗಣ್ಣಿನಲ್ಲಿ ಅವರಿಂದಾದ ಯಾವ ಕ್ರಿಯೆಯ ಅರಿವೂ ಬೆಳಗ್ಗೆ ಎದ್ದಾಗ ಅವರಿಗಿರುವುದಿಲ್ಲ ಎಂದು ಈ ವರದಿ ಹೇಳಿದೆ.
ಅಚ್ಚರಿ ಎಂದರೆ, ಗಾಢ ನಿದ್ರೆಯಲ್ಲೂ ಮೊಬೈಲ್ ಮೂಲಕ ಸಂದೇಶ ರವಾನಿಸುವ ಘಟನೆಗಳು ಜಾಸ್ತಿಯಾಗುತ್ತಿವೆ ಎಂಬ ಆತಂಕಕಾರಿ ಅಂಶವನ್ನು ವರದಿಯಲ್ಲಿ ದಾಖಲಿಸಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು