ಈ ವ್ಯಕ್ತಿ ಪ್ರತಿದಿನ 6 ಕೆಜಿ ಚಿನ್ನ ಧರಿಸ್ತಾನೆ : 3 ಕೆಜಿ ಚಿನ್ನದ ಶರ್ಟ್ ಖರೀದಿಸಿದ್ದಾನೆ
Team Udayavani, Sep 13, 2021, 10:00 AM IST
ಮೆಕ್ಸಿಕೋ ಸಿಟಿ: ಪುಣೆಯ ದತ್ತ ಫುಗೆ ಎಂಬ ವ್ಯಕ್ತಿಯೊಬ್ಬ ಪ್ರತಿದಿನ ಬರೋಬ್ಬರಿ 6 ಕೆಜಿಯಷ್ಟು ಚಿನ್ನವನ್ನು ಧರಿಸುತ್ತಿದ್ದುದು ಹಾಗೂ ಚಿನ್ನದ ಮೇಲಿನ ಮೋಹದಿಂದ 3 ಕೆಜಿ ತೂಕದ ಚಿನ್ನದ ಎಳೆಗಳಿಂದ ಮಾಡಿದ ಶರ್ಟ್ ಅನ್ನೂ ಖರೀದಿ ಸಿದ್ದು ಭಾರೀ ಸುದ್ದಿಯಾಗಿತ್ತು.
ಈಗ ಅಂಥದ್ದೇ ಮತ್ತೂಬ್ಬ “ಸ್ವರ್ಣಮೋಹಿ’ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗಿದ್ದಾನೆ. ಈತ ಮೆಕ್ಸಿಕೋದ ರ್ಯಾಪರ್ ಡ್ಯಾನ್ ಸುರ್. ವಯಸ್ಸು 23. ಈತನ ವಿಶೇಷ ವೆಂದರೆ, ಈತ ಚಿನ್ನದ ಸರಗಳನ್ನೇ ತನ್ನ ತಲೆಗೂದಲಾಗಿ ಮಾಡಿ ಕೊಂಡಿದ್ದಾನೆ! ಅಷ್ಟೇ ಅಲ್ಲ, ಈತ ತನ್ನ ಹಲ್ಲುಗಳಿಗೂ ಹಳದಿ ಲೋಹದ ಲೇಪನ ಮಾಡಿಕೊಂಡಿದ್ದು, ಭಾರೀ ಚರ್ಚೆಗೆ ಗ್ರಾಸವಾಗಿದೆ.
ಸಾಮಾನ್ಯವಾಗಿ, ಬೋಳು ತಲೆಯವರಿಗೆ “ಹೇರ್ ಟ್ರಾನ್ಸ್ ಪ್ಲಾಂಟೇಶನ್’ ಎಂಬ ವೈದ್ಯಕೀಯ ಪ್ರಕ್ರಿಯೆಯ ಮೂಲಕ ತಲೆಗೂದಲನ್ನು ಈ ಪ್ರಕ್ರಿಯೆಗೆ ಒಳಗಾಗುವ ತಲೆಗೆ ಜೋಡಿಸಲಾಗುತ್ತದೆ. ಆನಂತರ ಅವು ನೈಜ ಕೂದಲಿನಂತೆ ಕಾಣಿಸತೊಡಗುತ್ತವೆ.
ಆದರೆ, ಡ್ಯಾನ್ ಸುರ್, ತನ್ನ ತಲೆಯಲ್ಲಿರುವ ಕೂದಲುಗಳನ್ನೆಲ್ಲ ಕಿತ್ತುಹಾಕಿ, ತಲೆಯ ಬುಡಭಾ ಗಕ್ಕೆ ಕೊಕ್ಕೆ(ಹುಕ್ಸ್)ಗಳನ್ನು ಶಸ್ತ್ರಚಿಕಿತ್ಸೆ ಮೂಲಕ ಅಳವಡಿಸಿಕೊಂಡು ಅವಕ್ಕೆ ಚಿನ್ನದ ಸರಗಳನ್ನು ಸಿಕ್ಕಿಸಿಕೊಂಡಿದ್ದಾನೆ! ಚಿನ್ನದ ಸರಗಳಷ್ಟೇ ಅಲ್ಲ, ಆ ಸರಗಳಿಗೆ ವಜ್ರ, ಹರಳುಗಳು ಪೋಣಿಸಿಕೊಂಡು ತೂಗುಹಾಕಿ ದ್ದಾನೆ. ಹೀಗೆ “ಚಿನ್ನದ ಕೂದಲು’ ಗಳಿಸಿದ ಬಳಿಕ ಹೊಸ ಮ್ಯೂಸಿಕ್ ವೀಡಿಯೋವನ್ನೂ ಡ್ಯಾನ್ ಸುರ್ ಬಿಡುಗಡೆ ಮಾಡಿದ್ದಾನೆ. ಈ ಮೂಲಕ ಈತ ಇತಿಹಾಸದಲ್ಲೇ ತಲೆಕೂದಲ ನ್ನು ತೆಗಿಸಿ, ಅವುಗಳ ಬದಲು ಚಿನ್ನದ ಸರಗಳನ್ನು ಕೂದಲಿನಂತೆ ಹಾಕಿಸಿಕೊಂಡ ಮೊದಲ ವ್ಯಕ್ತಿ ಎನಿಸಿಕೊಂಡಿದ್ದಾನೆ. ಈ ಶಸ್ತ್ರ ಚಿಕಿತ್ಸೆಗೆ ಎಷ್ಟು ವೆಚ್ಚವಾಗಿದೆ ಎಂಬುದು ಬಹಿರಂಗಗೊಂಡಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು