ದುಬೈ: ವಿಶ್ವದ ಅತಿ ಸುಂದರ ಕಟ್ಟಡ’ ಅನಾವರಣ
ಮೊಟ್ಟೆಯಾಕಾರದ ಕಟ್ಟಡದ ಒಳಗಿದೆ ಭವಿಷ್ಯದ ಮ್ಯೂಸಿಯಂ
Team Udayavani, Feb 24, 2022, 7:25 AM IST
ದುಬೈನಲ್ಲಿ ನಿರ್ಮಿಸಲಾಗಿರುವ ಜಗತ್ತಿನ ಅತಿ ಸುಂದರವಾದ ಕಟ್ಟಡವೆಂಬ ಹೆಗ್ಗಳಿಕೆ ಪಡೆದಿರುವ ಮೊಟ್ಟೆಯಾಕಾರದ ಕಟ್ಟಡವೊಂದನ್ನು “ಯುನೈಟೆಡ್ ಅರಬ್ ಎಮಿರೇಟ್ಸ್’ (ಯುಎಇ) ಸರ್ಕಾರ, ಬುಧವಾರ ಲೋಕಾರ್ಪಣೆಗೊಳಿಸಿದೆ.
ಇದರಲ್ಲಿ ಮನುಕುಲದ ಭವಿಷ್ಯಕ್ಕೆ ಸ್ಫೂರ್ತಿ ತುಂಬುವಂಥ ಪರಿಕರಗಳ ವಸ್ತುಸಂಗ್ರಹಾಲಯ ಸ್ಥಾಪಿಸಲಾಗುತ್ತದೆ ಎಂದು ಸರ್ಕಾರ ತಿಳಿಸಿದೆ. ಈ ಕಟ್ಟಡದ 9 ವರ್ಷ ತಗುಲಿದೆ. ಜಗತ್ತಿನ ಅತಿ ಎತ್ತರದ ಕಟ್ಟಡವೆನಿಸಿರುವ ಬುರ್ಜ್ ಖಲೀಫಾದಿಂದ ಕೂಗಳೆತೆಯ ದೂರದಲ್ಲಿದೆ ಈ ಕಟ್ಟಡ. “ದುಬೈ ಸ್ಕೈಲೈನ್’ ಯೋಜನೆಯಲ್ಲಿ ನಿರ್ಮಾಣಗೊಂಡ ಕಣ್ಮನ ಸೆಳೆಯುವ ಕಟ್ಟಡಗಳ ಪಟ್ಟಿಗೆ ಇದು ಹೊಸ ಸೇರ್ಪಡೆಯಾಗಿದೆ.
ಮೊಟ್ಟೆಯ ಆಕಾರ
ಇದೊಂದು ಮೊಟ್ಟೆಯಾಕಾರದ, ಕಂಬ ರಹಿತ (ಪಿಲ್ಲರ್ ಫ್ರೀ) ಕಟ್ಟಡ. ಇದರ ಮೇಲ್ಮೈಗೆ ಉಕ್ಕಿನ ಕವಚ ಹೊದಿಸಲಾಗಿದೆ. ಅದರ ಮೇಲೆ ಅರೇಬಿಕ್ ಲಿಪಿಯಲ್ಲಿ ಯುಎಇ ರಾಜ, ಅಧ್ಯಕ್ಷ, ಪ್ರಧಾನಿ ನೀಡಿರುವ ಸುಭಾಷಿತಗಳನ್ನು ಕೆತ್ತಲಾಗಿದೆ. ಪ್ರತಿದಿನ ಸಂಜೆ, ಕಟ್ಟಡದ ಆವರಣದಲ್ಲಿ ಲೇಸರ್ ಷೋ ನಡೆಸಲಾಗುತ್ತದೆ.
ಏನಿರಲಿದೆ ಒಳಗಡೆ?
ಕಟ್ಟಡದೊಳಗೆ ಏನೇನಿರಲಿದೆ ಎಂಬುದರ ಬಗ್ಗೆ ವಿಸ್ತೃತ ವರದಿಯನ್ನು ಯುಎಇ ಸರ್ಕಾರ ನೀಡಿಲ್ಲ. ಆದರೆ, ಕಟ್ಟಡದಲ್ಲೊಂದು ವಿಶಾಲವಾದ ವಸ್ತುಸಂಗ್ರಹಾಲಯವಿರಲಿದೆ ಎಂಬ ವಿಚಾರವನ್ನು ಸರ್ಕಾರ ತಿಳಿಸಿದೆ. ಅಲ್ಲಿ, 2071ರ ಕಡೆಗೆ ಮನುಕುಲದ ಪಯಣ ಎಂಬ ಪರಿಕಲ್ಪನೆಯಡಿ, ಈವರೆಗೆ ಹಾಗೂ ಇನ್ನು ಮುಂದೆ ಆಗಲಿರುವ ವೈಜ್ಞಾನಿಕ ಸಂಶೋಧನೆಗಳು, ವೈಜ್ಞಾನಿಕ ಪರಿಕರಗಳನ್ನು ಈ ಮ್ಯೂಸಿಯಂನಲ್ಲಿ ಸಂಗ್ರಹಿಸಲಾಗುತ್ತದೆ. ಇದಲ್ಲದೆ, ಹೊಸ ಮಾದರಿಯ ಅಭಿವೃದ್ಧಿಗೆ ಪೂರಕವಾದ ತಂತ್ರಜ್ಞಾನಗಳು- ಸಿದ್ಧಾಂತಗಳನ್ನು ಇಲ್ಲಿ ಕಾಪಿಡಲಾಗುತ್ತದೆ ಎಂದು ಯುಎಇ ತಿಳಿಸಿದೆ.
ಅಂಕಿ-ಅಂಶ:
30,000 ಚದರ ಅಡಿ- ಹೊಸ ಕಟ್ಟಡದ ವಿಸ್ತೀರ್ಣ.
252.6 ಅಡಿ – ಹೊಸ ಕಟ್ಟಡದ ಎತ್ತರ.
9 ವರ್ಷ – ಕಟ್ಟಡ ನಿರ್ಮಾಣಕ್ಕೆ ತಗುಲಿದ ಕಾಲಾವಧಿ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!
MUST WATCH
ಹೊಸ ಸೇರ್ಪಡೆ
Bidar; ಪತ್ನಿಯ ಅನೈತಿಕ ಸಂಬಂಧಕ್ಕೆ ಮನನೊಂದು ನೀರಿನ ಟ್ಯಾಂಕ್ ಗೆ ಬಿದ್ದು ಪತಿ ಆತ್ಮಹತ್ಯೆ
Gobi Manchurian ಬ್ಯಾನ್ ಎಫೆಕ್ಟ್: ಚಾಟ್ಸ್ ಮಾರಾಟ ಕುಸಿತ
Book Brahma ಸ್ವಾತಂತ್ರ್ಯೋತ್ಸವ ಕಥಾ ಸ್ಪರ್ಧೆ, ಕಾದಂಬರಿ ಪುರಸ್ಕಾರ- 2024: ವಿವರಗಳು
Toravi Narasimha Temple: ಮನೆದೇವರ ದರ್ಶನ ಪಡೆದ ಸಚಿವ ಪ್ರಹ್ಲಾದ ಜೋಶಿ
ಡೀಸೆಲ್ ಇಲ್ಲದೆ ನಿಂತ ವಾಹನ… ಕಸವನ್ನು ಹೆಗಲ ಮೇಲೆ ಹೊತ್ತು ವಿಲೇವಾರಿ ಮಾಡಿದ ಪೌರಕಾರ್ಮಿಕ