“ಮಾನವ ಮುಖ” ಹೋಲುವ ವಿಚಿತ್ರ ಕರು ಜನನ; ಅಚ್ಚರಿ ವ್ಯಕ್ತಪಡಿಸಿದ ಟ್ವೀಟಿಗರು

Team Udayavani, Sep 11, 2019, 4:19 PM IST

ಬ್ಯೂನಸ್ ಐರೀಸ್:ಇದು ವಿಚಿತ್ರವಾದರೂ ಸತ್ಯ. ಮಾನವ ಮುಖವನ್ನು ಹೋಲುವ ವಿಚಿತ್ರ ಕರುವೊಂದು ಉತ್ತರ ಅರ್ಜೈಂಟೀನಾದಲ್ಲಿ ಜನಿಸಿದ್ದು, ಇದು ಸಾಮಾಜಿಕ ಜಾಲತಾಣಗಳಲ್ಲಿ ಭರ್ಜರಿ ವೈರಲ್ ಆಗಿದೆ.

ಇತ್ತೀಚೆಗೆ ಅರ್ಜೈಂಟೀನಾದಲ್ಲಿ ಮಾನವ ಮುಖ ಮತ್ತು ಮೂಗನ್ನು ಹೋಲುವ ಕರುವೊಂದು ಜನಿಸಿತ್ತು. ಈ ವಿಡಿಯೋ ಕಂಡು ಸಾಮಾಜಿಕ ಜಾಲತಾಣಗಳಲ್ಲಿ ಜನರು ಅಚ್ಚರಿ ವ್ಯಕ್ತಪಡಿಸಿದ್ದರು. ಆದರೆ ವಿಚಿತ್ರ ಕರು ಜನಿಸಿದ ಎರಡು ಗಂಟೆಯಲ್ಲಿ ಸಾವನ್ನಪ್ಪಿರುವುದಾಗಿ ವರದಿ ತಿಳಿಸಿದೆ.

ಸನ್ ಪತ್ರಿಕೆಯ ವರದಿ ಪ್ರಕಾರ, ವಿಲ್ಲಾ ಅನಾ ಎಂಬ ಗ್ರಾಮದಲ್ಲಿನ ರೈತರೊಬ್ಬರ ಮನೆಯಲ್ಲಿ ಜನಿಸಿದ್ದ ಈ ವಿಚಿತ್ರ ಕರು ತನ್ನದೇ ತಲೆಯ ಭಾರ ಹೊತ್ತುಕೊಳ್ಳಲಾಗದೆ ಸಾವನ್ನಪ್ಪಿರುವುದಾಗಿ ವರದಿ ವಿವರಿಸಿದೆ.

ವೀಡಿಯೋದಲ್ಲಿ ಕರುವನ್ನು ಹುಲ್ಲಿನ ಮೇಲೆ ಮಲಗಿಸಲಾಗಿತ್ತು. ಮನುಷ್ಯನ ಮುಖ ಹೋಲುವ ವಿಚಿತ್ರ ಕರುವಿನ ಮೊದಲ ವೀಡಿಯೋವನ್ನು ಅರ್ಜೈಂಟೀನಾದ ರೈತ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದರು. ಬಳಿಕ ಎಲ್ಲಾ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುವ ಮೂಲಕ ವೈರಲ್ ಆಗಿರುವುದಾಗಿ ವರದಿ ತಿಳಿಸಿದೆ.

ತಲೆಬುರುಡೆ ವಿರೂಪಗೊಂಡು ಈ ಕರು ಜನಿಸಿದೆ. ಇದೊಂದು ಅಪರೂಪದ ತಳಿಯ ರೂಪಾಂತರ ಎಂದು ಜೆನೆಟಿಕ್ಸ್ ತಜ್ಞ ನಿಕೋಲಸ್ ಮಾಗ್ನೊವಾ ಅಭಿಪ್ರಾಯವ್ಯಕ್ತಪಡಿಸಿರುವುದಾಗಿ ದ ಸನ್ ವರದಿ ಮಾಡಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ