ಉ.ಕೊರಿಯ ಕ್ಷಿಪಣಿ ಆಕಸ್ಮಿಕವಾಗಿ ಅದರ ನಗರದ ಮೇಲೇ ಬಿದ್ದಿತ್ತು !
Team Udayavani, Jan 5, 2018, 7:09 PM IST
ವಾಷಿಂಗ್ಟನ್ : ‘ನ್ಯೂಕ್ಲಿಯರ್ ಬಟನ್ ನನ್ನ ಟೇಬಲ್ ಮೇಲೆಯೇ ಸದಾ ಕಾಲ ಇರುತ್ತದೆ’ ಎಂದು ತನ್ನ ಅಣ್ವಸ್ತ್ರಗಳ ಸಮರ ಸನ್ನದ್ಧತೆಯನ್ನು ಎರಡು ದಿನಗಳ ಹಿಂದಷ್ಟೇ ಕೊಚ್ಚಿಕೊಂಡಿದ್ದ ಉತ್ತರ ಕೊರಿಯ ಸರ್ವಾಧಿಕಾರಿ ಕಿಮ್ ಜೋಂಗ್ ಉನ್ ಗೆ ತನ್ನ ಅಣ್ವಸ್ತ್ರಗಳ ಮೇಲೆ ನಿಯಂತ್ರಣವೇ ಇಲ್ಲ ಎಂಬುದಕ್ಕೆ ಸಾಕ್ಷಿಯಾಗಿ ಆತ ಪ್ರಯೋಗಾರ್ಥವಾಗಿ ಹಾರಿಸಿದ್ದ ಅಣು ಕ್ಷಿಪಣಿಯೊಂದು 40 ಕಿ.ಮೀ. ದೂರ ಸಾಗಿ, ಆಕಸ್ಮಿಕವಾಗಿ ಚೂರುಚೂರಾಗಿ, ಉತ್ತರ ಕೊರಿಯದ ನಗರವೊಂದರ ಮೇಲೆಯೇ ಬಿದ್ದಿತ್ತು ಎಂಬ ವಿಷಯ ಇದೀಗ ಬಹಿರಂಗವಾಗಿದೆ.
ಉತ್ತರ ಕೊರಿಯದ ರಾಜಧಾನಿ ಪ್ಯಾಂಗ್ಯಾಂಗ್ನಿಂದ ಸುಮಾರು 150 ಕಿ.ಮೀ. ದೂರದ, 2 ಲಕ್ಷ ಜನಸಂಖ್ಯೆ ಇರುವ ತೋಕ್ಶೋನ್ ನಗರದ ಮೇಲೆ ಹ್ವಾಸೋಂಗ್-12 ಬ್ಯಾಲಿಸ್ಟಿಕ್ ಕ್ಷಿಪಣಿ ಆಕಸ್ಮಿಕವಾಗಿ ಎರಗಿತ್ತು ಮತ್ತು ಪೌರ ವಾಸದ ಪ್ರದೇಶಗಳಲ್ಲಿ ಅಪಾರವಾದ ನಾಶ ನಷ್ಟ ಉಂಟು ಮಾಡಿತ್ತು ಎಂದು ಅಮೆರಿಕದ ಅಧಿಕಾರಿಗಳು ತಿಳಿಸಿರುವುದನ್ನು ಉಲ್ಲೇಖೀಸಿ “ದಿ ಇಂಡಿಪೆಂಡೆಂಟ್’ ವರದಿ ಮಾಡಿದೆ.
ಹ್ವಾಸೋಂಗ್-12 ಬ್ಯಾಲಿಸ್ಟಿಕ್ ಕ್ಷಿಪಣಿಯನ್ನು ಕಳೆದ ವರ್ಷ ಎಪ್ರಿಲ್ 28ರಂದು ಪರೀಕ್ಷಾರ್ಥವಾಗಿ ಉಡಾಯಿಸಲಾಗಿತ್ತು. ಮಧ್ಯಮ ದೂರ ವ್ಯಾಪ್ತಿಯ ಈ ಬ್ಯಾಲಿಸ್ಟಿಕ್ ಮಿಸೈಲ್ ತನ್ನ ಗಮ್ಯ ಗುರಿಯ ಮೇಲೆ ಎರಗುವ ಮುನ್ನವೇ, ಉಡಾವಣೆಗೊಂಡ ಕೆಲವೇ ನಿಮಿಷಗಳಲ್ಲಿ, ಚೂರು ಚೂರಾಗಿ ಉರಿದು ಬಿದ್ದಿತ್ತು. ಆದರೆ ಅದು ಹಾಗೆ ಉರಿದು ಬಿದ್ದದ್ದು ಎರಡು ಲಕ್ಷ ಜನಸಂಖ್ಯೆ ಇರುವ ತೋಕ್ಶಾನ್ ಪಟ್ಟದ ಮೇಲೆ ಎಂಬ ಬಗ್ಗೆ ಹೊಸ ಸಾಕ್ಷ್ಯಗಳು ಅನಂತರದಲ್ಲಿ ಲಭಿಸದವು ಎಂದು ದಿ ಇಂಡಿಪೆಂಡೆಂಟ್ ವರದಿ ಮಾಡಿದೆ.
ಸರ್ವಾಧಿಕಾರಿ ಆಳ್ವಿಕೆ ಇರುವ ಉತ್ತರ ಕೊರಿಯದಲ್ಲಿ ಎಲ್ಲವೂ ರಹಸ್ಯಮಯವಾಗಿ ನಡೆಯುವ ಕಾರಣ ಅದರ ಐಆರ್ಬಿಎಂ ಬ್ಯಾಲಿಸ್ಟಿಕ್ ಮಿಸೈಲ್ ಅದರ ನಗರದ ಮೇಲೆಯೇ ಎರಗಿ ಪೌರ ವರ್ಗಕ್ಕೆ ಭಾರೀ ನಾಶ ನಷ್ಟ ಉಂಟುಮಾಡಿತೆಂಬ ವಿಷಯ ಬಹಿರಂಗವಾಗಿಯೇ ಇರಲಿಲ್ಲ. ಈ ಕ್ಷಿಪಣಿ ಪತನದ ದುರಂತವು ಉತ್ತರ ಕೊರಿಯಕ್ಕೆ ಭಾರೀ ಹಿನ್ನಡೆ ಮತ್ತು ಆಘಾತ ಉಂಟುಮಾಡಿದ ವಿದ್ಯಮಾನವಾಗಿತ್ತು. ಕಾರಣ ಅದರ ಹುಚ್ಚಾಪಟ್ಟೆ ಅಣ್ವಸ್ತ್ರ ವೃದ್ಧಿ ಕಾರ್ಯಕ್ರಮ ಅಮೆರಿಕ ಸಹಿತ ವಿಶ್ವಕ್ಕೇ ಬೆದರಿಕೆಯಾಗಿ ಪರಿಣಮಿಸಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!
MUST WATCH
ಹೊಸ ಸೇರ್ಪಡೆ
Delhi CM Arvind Kejriwalಗೆ ಮತ್ತೆ 4 ದಿನ ಇ.ಡಿ. ಕಸ್ಟಡಿ
Belagavi: ಕಣಕುಂಬಿ ಚೆಕ್ ಪೋಸ್ಟ್’ನಲ್ಲಿ ದಾಖಲೆಯಿಲ್ಲದ 7.98 ಲಕ್ಷ ರೂ ವಶಕ್ಕೆ
Inspiration: ಸ್ವಾಮಿ ಸ್ಮರಣಾನಂದ ಸೇವೆ ಎಲ್ಲರಿಗೂ ಸ್ಫೂರ್ತಿದಾಯಕ
Sandalwood: ಸ್ಟಾರ್ ಸಿನ್ಮಾಗಳ ರಿಲೀಸ್ ಟೆನ್ಶನ್: ಬಿಡುಗಡೆ ದಿನಾಂಕ ಘೋಷಣೆಗೂ ಮೀನಮೇಷ
Editorial: ಐಟಿ ಕಂಪೆನಿಗಳಿಗೆ ಆಹ್ವಾನ: ಕೇರಳದ ಬಾಲಿಶ ನಡೆ