ಅಯ್ಯೋ.. ಹೌದಾ?.. ಚಿಕನ್‌ ತಿಂದ್ರೆ ಕ್ಯಾನ್ಸರ್‌ ಬರುತ್ತಂತೆ!

ಆಕ್ಸ್‌ಫೋರ್ಡ್‌ ವಿ.ವಿ. ವಿಜ್ಞಾನಿಗಳ ಸಂಶೋಧನೆ

Team Udayavani, Sep 8, 2019, 7:25 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಲಂಡನ್‌: ಚಿಕನ್‌ ಅಂದ್ರೆ ಎಲ್ಲ ಮಾಂಸಾಹಾರಿಗಳಿಗೆ ಇಷ್ಟವೇ. ಆದರೆ ಚಿಕನ್‌ ತಿನ್ನೋದು ಭಾರೀ ಅಪಾಯಕಾರಿಯಂತೆ. ಚಿಕನ್‌ ತಿಂದರೆ ಕ್ಯಾನ್ಸರ್‌ ಬರುವ ಸಾಧ್ಯತೆ ಹೆಚ್ಚು ಎಂದು ಸಂಶೋಧನೆಯೊಂದು ಹೇಳಿದೆ.

ಇತರ ಮಾಂಸಗಳಿಗಿಂತ ಚಿಕನ್‌ ಉತ್ತಮ ಎಂದಿದ್ದರೂ, ಈಗ ಚಿಕನ್‌ ಅಪಾಯಕಾರಿ ಎಂದು ಆಕ್ಸ್‌ಫ‌ರ್ಡ್‌ ಸಂಶೋಧಕರು ಬೊಟ್ಟು ಮಾಡಿದ್ದಾರೆ. ಅಂದಹಾಗೆ ಈ ಕುರಿತ ಸಂಶೋಧನೆ ನಡೆದಿರುವುದು ಬ್ರಿಟನ್‌ನಲ್ಲಿ 4.75 ಸಾವಿರ ಮಂದಿಯನ್ನು ಸಂಶೋಧನೆಗೊಳಪಡಿಸಿದ್ದು, 2006ರಿಂದ 2014ರವರೆಗೆ ಸಂಶೋಧನೆ ನಡೆಸಿ ವಿಜ್ಞಾನಿಗಳು ಹಲವು ಅಂಶಗಳನ್ನು ಕಂಡುಕೊಂಡಿದ್ದಾರೆ.

ಇಷ್ಟು ಮಂದಿಯಲ್ಲಿ ಹಲವು ಕಾಯಿಲೆಗಳು ಬಂದಿದ್ದು ಅದರಲ್ಲಿ 23 ಸಾವಿರ ಮಂದಿಗೆ ಕ್ಯಾನ್ಸರ್‌ ತಗುಲಿದೆಯಂತೆ. ತೀರ ಅಪಾಯಕಾರಿ ಕ್ಯಾನ್ಸರ್‌ಗಳೂ ಪತ್ತೆಯಾಗಿವೆಯಂತೆ. ಅಚ್ಚರಿ ಎಂದೆ ಚಿಕನ್‌ ಮತ್ತು ಕ್ಯಾನ್ಸರ್‌ಗೆ ಹತ್ತಿರದ ಸಂಬಂಧವಿದೆ ಎಂದು ಕಂಡುಕೊಂಡಿದ್ದಾರೆ.

ಆದರೆ ಚಿಕನ್‌ ತಿಂದರೆ ಕ್ಯಾನ್ಸರ್‌ ಬರುವಂಥದ್ದು ಏನಿದೆ ಎಂಬುದು ಇನ್ನೂ ಗೊತ್ತಾಗಿಲ್ಲ. ಆದರೂ ಹಲವು ಕಾರಣಗಳಿರಬಹುದು ಎಂದು ಹೇಳಲಾಗಿದೆ. ಈವರೆಗೆ ಗೋಮಾಂಸ, ಹಂದಿ ಮಾಂಸಗಳಿಗಿಂತ ಚಿಕನ್‌ ಉತ್ತಮ ಎಂದು ಪಾಶ್ಚಿಮಾತ್ಯ ದೇಶಗಳಲ್ಲಿ ಹೇಳಲಾಗುತ್ತಿತ್ತು. ಆದರೆ ಈಗ ಚಿಕನ್‌ ಕೂಡ ಒಳ್ಳೆಯದಲ್ಲ ಎಂದು ಹೇಳಲಾಗಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ