ಸಿಯಾಚಿನ್‌ ಪ್ರವಾಸಿಗರಿಗೆ ಮುಕ್ತ; ಪಾಕ್‌ ತಗಾದೆ

Team Udayavani, Nov 21, 2019, 7:45 PM IST

ಇಸ್ಲಾಮಾಬಾದ್‌: ಜಗತ್ತಿನ ಅತಿ ಎತ್ತರದ ಯುದ್ಧ ಭೂಮಿ ಸಿಯಾಚಿನ್‌ಗೆ ಪ್ರವಾಸಿಗರ ಭೇಟಿಗೆ ಭಾರತ ಅವಕಾಶ ಕಲ್ಪಿಸಿದ ಬೆನ್ನಲ್ಲೇ ಪಾಕಿಸ್ಥಾನಕ್ಕೆ ಇನ್ನಿಲ್ಲದ ಅಸಹನೆ ಶುರುವಾಗಿದೆ.

ಈ ಕುರಿತಾಗಿ ಅದು ತಗಾದೆ ತೆಗೆದುದ್ದು, ಮಾಧ್ಯಮದ ಮುಂದೆ ಆಕ್ಷೇಪ ವ್ಯಕ್ತಪಡಿಸಿದರೆ. ಪಾಕಿಸ್ಥಾನದ ವಿದೇಶಾಂಗ ಇಲಾಖೆ ವಕ್ತಾರ ಮೊಹಮ್ಮದ್‌ ಫೈಸಲ್‌ ಮಾತನಾಡಿ, ಸಿಯಾಚಿನ್‌ ಅನ್ನು ಭಾರತ ಬಲವಂತವಾಗಿ ವಶಪಡಿಸಿಕೊಂಡಿದೆ. ಅದು ಒಂದು ವಿವಾದಿತ ಪ್ರದೇಶ. ಇದನ್ನು ಭಾರತದವರು ಪ್ರವಾಸಿಗರಿಗೆ ಹೇಗೆ ಮುಕ್ತ ಮಾಡುತ್ತಾರೆ ಎಂದು ಪ್ರಶ್ನಿಸಿದ್ದಾರೆ. ಅಲ್ಲದೇ ಈ ವಿಚಾರದಲ್ಲಿ ನಾವು ಯಾವುದೇ ಉತ್ತಮ ಅಥವಾ ಸಕಾರಾತ್ಮಕ ಅಂಶವನ್ನು ಭಾರತದಿಂದ ನಿರೀಕ್ಷಿಸುವುದಿಲ್ಲ ಎಂದು ಹೇಳಿದ್ದಾರೆ.

ಕಳೆದ ಅ.21ರಂದು ಸಿಯಾಚಿನ್‌ ಅನ್ನು ಪ್ರವಾಸಿಗರಿಗೆ ಮುಕ್ತ ಮಾಡುವುದಾಗಿ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಅವರು ಘೋಷಿಸಿದ್ದರು.

ಅಲ್ಲದೇ ಮೊನ್ನೆಯಷ್ಟೇ ತೆರೆದುಕೊಂಡ ಕರ್ತಾರ್ಪುರ ಕಾರಿಡಾರ್‌ ವಿಚಾರದಲ್ಲಿ ಭಾರತ ಕಿರಿಕಿರಿ ಉಂಟುಮಾಡಿದೆ. 5 ಸಾವಿರ ಮಂದಿಗೆ ನಾವು ಅನುಕೂಲ ಕಲ್ಪಿಸಿದ್ದರೂ ಅಷ್ಟು ಸಂಖ್ಯೆಯಲ್ಲಿ ಭಕ್ತರು ಆಗಮಿಸಲಿಲ್ಲ. ಇದಕ್ಕೆ ಕಾರಣ ಭಾರತವಾಗಿದೆ ಎಂದು ಫೈಸಲ್‌ ಹೇಳಿದ್ದಾರೆ.