ಜೀವನ ಪೂರ್ತಿ ಖುಷಿಯಾಗಿರಲು ಏನು ಮಾಡ್ಬೇಕು? ಸಮೀಕ್ಷೆಯಲ್ಲಿನ ಉತ್ತರ ಓದಿ!

Team Udayavani, Aug 3, 2019, 6:15 PM IST

ಲಂಡನ್‌: ಜೀವನ ಇಡೀ ಖುಷಿಯಾಗಿರಬೇಕಂದ್ರೆ ಏನು ಮಾಡಬೇಕು? ತಲೆ ಕೆರೆದುಕೊಳ್ಳುವ ಪ್ರಶ್ನೆ. ಆದರೆ ಇದಕ್ಕೆ ಸಮೀಕ್ಷೆಯೊಂದು ವಂಡರ್‌ ಫುಲ್‌ ಉತ್ತರ ಹೇಳಿದೆ. ಏನು ಅಂತೀರಾ..? ನಿಮ್ಮ ಹೆಂಡ್ತಿ ಖುಷಿಯಾಗಿರ್ಬೇಕು ಅಷ್ಟೇ!

ಅರೆ ಇದು ಹೇಗೆ ಎಂದು ಪ್ರಶ್ನೆ ಮಾಡಿದರೆ, ಸಮೀಕ್ಷೆ ಸಾಬೀತು ಮಾಡಿ ತೋರಿಸಿದೆ. ಅಮೆರಿಕದಲ್ಲಿ ಈ ಕುರಿತ ಸಮೀಕ್ಷೆ ನಡೆಸಲಾಗಿದ್ದು, 4,400 ದಂಪತಿಯನ್ನು ಸಂದರ್ಶಿಸಲಾಗಿದೆ. ನೆದರ್ಲೆಂಡ್‌ನ‌ ಟಿಲ್‌ಬರ್ಗ್‌ ವಿಶ್ವವಿದ್ಯಾಲಯದ ಸಮೀಕ್ಷಕರು ಈ ಸಂದರ್ಶನ ನಡೆಸಿದ್ದು, ಸೈಕಲಾಜಿಕಲ್‌ ಸೈನ್ಸ್‌ ನಿಯತಕಾಲಿಕೆಯಲ್ಲಿ ಸಮೀಕ್ಷೆ ಪ್ರಕಟವಾಗಿದೆ.

ಖುಷಿ ಖುಷಿಯಾಗಿರುವ ಹೆಂಡತಿ ಇದ್ದರೆ ದಾಂಪತ್ಯ ಜೀವನ ಉತ್ತಮವಾಗಿರುವುದು ಮಾತ್ರವಲ್ಲ ಆಯುಷ್ಯ ಕೂಡ ಹೆಚ್ಚುತ್ತಂತೆ. ಅಷ್ಟೇ ಅಲ್ಲದೆ ಆರೋಗ್ಯವೂ ಚೆನ್ನಾಗಿರುತ್ತದಂತೆ. ಅಷ್ಟೇ ಅಲ್ಲದೆ ನನ್ನ ಹೆಂಡ್ತಿ ಖುಷಿಯಾಗಿರ್ತಾಳೆ  ಎಂದು ಸಮೀಕ್ಷೆಯಲ್ಲಿ ಹೇಳಿದವರೆಲ್ಲರೂ, ನಮ್ಮ  ಬದುಕು ಇತರರು ಅಚ್ಚರಿ ಪಡುವಷ್ಟು ಚೆನ್ನಾಗಿದೆ. ಸಾಮಾಜಿಕ ಪರಿಸರವೂ ಚೆನ್ನಾಗಿದ್ದು, ಹೆಂಡತಿ ಆ್ಯಕ್ಟಿವ್‌ ಆಗಿರುವುದು, ನಗು ನಗುತ್ತಾ ಮಾತನಾಡುವುದರಿಂದ ಬದುಕು ಸುಧಾರಿಸಲೂ ಕಾರಣವಾಗಿದೆ ಎಂದಿದ್ದಾರೆ.